مصر موتورز مجتمع السيارات
صفحة 1 من 3 1 23
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   ميكانيكا السيارة (https://www.masrmotors.com/vb/forumdisplay.php?f=148)
-   -   الفرامل قفشت و حجرت .. و النهاردة الأحد (https://www.masrmotors.com/vb/showthread.php?t=81102)

hotbird2271980 04-03-2012 11:57 AM
الفرامل قفشت و حجرت .. و النهاردة الأحد
 
السلام عليكم جميعا .. النهاردة و انا رايح الشغل كنت هاخبط واحد معدى الطريق بعجلة لكن الحمد لله ربنا ستر و دوست فرامل جامد .. و بعد ما كملت طريقى و قبل ما اوصل مكان العمل لقيت الفرامل قفشت و حجرت :fun_36_1_51[1]: .. اضطريت اكمل بيها كدة لأن كلن بينى و بين الشغل مسافة قصيرة لكنى كنت مرعوب لأن مفيش فرامل .. المهم بعد ما ركنت على خير الحمد لله حاولت ابطل و ادور تانى يمكن قفشة الفرامل تروح ما راحتش .. و للأسف النهاردة الأحد .. فهل يوجد حل مؤقت ممكن اعمله لحد ما اروح للميكانيكى ؟ .. ولا هضطر استحمل تعب المواصلات النهاردة و بكرة .. لو حد عنده حل ياريت يوضحهولى مع جزيل الشكر .. أخوكم محمد سيد . ( سيارة ريجاتا عادة موديل 87 ).

ali elbasha 04-03-2012 01:03 PM
رد: الفرامل قفشت و حجرت .. و النهاردة الأحد
 
اخى العزيز هو فى حل بس خطر شوية انا حصل معايا بس فى عجلة واحد فراملها قفشت فكان الحل انى فكيت الفردة وحليت خرطوم الزيت الواصل لجهاز الفرامل و باعدت تيل الفرامل من على الطنبور بواسطة مفك عادة وربنا ستر وروحت بخير بس كنت ماشى واحدة واحدة

hotbird2271980 04-03-2012 01:19 PM
رد: الفرامل قفشت و حجرت .. و النهاردة الأحد
 
اقتباس:
المشاركة الأصلية كتبت بواسطة ali elbasha (المشاركة 627141)
اخى العزيز هو فى حل بس خطر شوية انا حصل معايا بس فى عجلة واحد فراملها قفشت فكان الحل انى فكيت الفردة وحليت خرطوم الزيت الواصل لجهاز الفرامل و باعدت تيل الفرامل من على الطنبور بواسطة مفك عادة وربنا ستر وروحت بخير بس كنت ماشى واحدة واحدة
مشكور أخى العزيز على سرعة الرد .. و لكن هل ده هو الحل الوحيد .. لأن كده الفرامل هتكون على عجلة واحدة و ده خطر جدا .. و بعدين أنا مش هاعرف انفذ الحل ده لقلة الخبرة .. أنا بفكر امشى بيها كدة و الفرامل قفشة :pty: .. ربنا يستر .. مشكور مرة أخرى لسرعة الرد و التفاعل ... و أرجو لو فيه حل آخر تطرحوه علية .. انصحونى أرجوكم .

ali elbasha 04-03-2012 01:27 PM
رد: الفرامل قفشت و حجرت .. و النهاردة الأحد
 
اخى العزيز انت تأمر بس المشكلة ان انتا لو مشيت كدة اعمل حسابك على تيال فرامل جديدة وتأكل فى الطنابير وربنا يسترها معانا ومعاك

mr_astra 04-03-2012 01:29 PM
رد: الفرامل قفشت و حجرت .. و النهاردة الأحد
 
ممكن اعرف الفرامل محجرة بس ولا قفشة ولو كانت قافشة هل العجل بالكامل ولا عجلة واحدة او اكثر

أيمن الروبي 04-03-2012 01:30 PM
رد: الفرامل قفشت و حجرت .. و النهاردة الأحد
 
ممكن حضرتك تهوي الماستر اللي خارج من السيرفو يعني افتح الكبوت هتلاقي السيرفو خارج منه ماستر الفرامل ومربوط فيه بعدد 2صامولة 13 هوي الصامولتين وامشي بيها كده او هتلاقي خارج من الماستر ماسورة حديد بتاعت زيت الباكم فكها وخرج شويت زيت واربطها تاني بس الحل الاول افضل

mr_astra 04-03-2012 01:35 PM
رد: الفرامل قفشت و حجرت .. و النهاردة الأحد
 
او ممكن يجيب سرنجة ويشفط الزيت اللى فى الخزنة ويكارك فرامل لغاية لما القفشة تروح وبعدين يحط الزيت تانى


الساعة الآن 03:35 AM.
صفحة 1 من 3 1 23
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017