مصر موتورز مجتمع السيارات - إلى الاخوه الفيرناويه

صفحة 1 من 2

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - إلى الاخوه الفيرناويه (https://www.masrmotors.com/vb/showthread.php?t=80991)

donhorus

02-03-2012 04:52 PM

إلى الاخوه الفيرناويه

صباح الفل عليكم جميعا وانشاء الله تكونوا كلكم فى احسن حال انا ياجماعه الحمدلله حجزت فيرنا كامله 2012 وهاستلم بعد بكره ارجو من الاخوه الفيرناويه يقولولى اعمل ايه بقى وانا بستلم وبعد ما استلم يعنى ايه اكتر حاجه ابص عليها وانا بستلم وكمان عايز الحاجات دى اعرفها انواعها ومن فييين
1- انذار ( لان بتاع المعرض قالى مفيهاش انذار مع انها كامله مانيوال 2012)
2- فرش جلد وايه النوع المفضل ومنين اعملوه
3- قفل دريكسيون بكام واجيبوه منين
4- تكاليف الترخيص بالضبط
وكل واحد عنده حاجه اظبط بيها العربيه يقولى
معلش ياجماعه اخوكم لسه جديد فى الموضوع ده :thinkW19:

ADEL AL SHAAIRY

02-03-2012 05:10 PM

رد: إلى الاخوه الفيرناويه

احسنت الاختيار وربنا يجعلها لك خير وبركة - من المفضل يكون معاك شخص تثق فيه بيفهم فى السيارات لانك مش كل يوم هتشترى عربية زيرو - انا لو املك وقتى كنت اصطحبتك بدون تردد مبروك وفعلا انت اقتنيت عربية تساوى ثمنها واكثر :CONGRA~238:

donhorus

02-03-2012 05:15 PM

رد: إلى الاخوه الفيرناويه

اقتباس:

المشاركة الأصلية كتبت بواسطة ADEL AL SHAAIRY (المشاركة 626100)

الله يخليك وتسلم على ردك وذوقك وعلى فكره انا ماكنتش مقتنع بيها بس لاقيتها فى الاخر عربيه ثمنها فيها وربنا يباركلنا جميعا

M.TONSY

02-03-2012 07:00 PM

رد: إلى الاخوه الفيرناويه

الف مبروك ربا يديك خيرها ان شاء الله ويكفيك شرها
وطبعا او حاجة تبص عليها قبل ما تستلم جسم العربية ميكونش فيه خدوش او خبطات لاقدر الله وهيسلموك وش الكاسيت والولاعة وطقم مفتاح العجل ومفك مزدوج ومفتاح 10-13 وبعد ما تتأكد ان كله تمام هيسلموك جواب المرور وتاخد بعضك وتطلع على المرور اللى انت تابع له وتعمل حسابك على 700 جنيه لزوم الطفاية وشنطة الاسعافات والمثلث العاكس والضريبة والتأمين والاوراق وارجوك متدفعش رشوة انت غصب عنهم هترخص وهتمشى فى ميعادك باذن الله ولما تطلع الرخصة اتأكد من ارقام الشاسيه والموتور ومطابقتهم لجواب المرور:CONGRA~238:

M.TONSY

02-03-2012 07:12 PM

رد: إلى الاخوه الفيرناويه

بالنسبة للانذار فى نوع حلو بشاشة ديجيتال اسمه SPY هتلاقيه يعمل فى حدود 275-300ج بالتركيب جيبه من عند ادريان وممكن برده تركب وحدتين رفع ازاز كهرباء جامدة وليها ميزة حلوة انها بترفع ازاز العربية مع غلق الانذار
بتعمل 120ج الوحدتين بتركيبهم من عند ادريان برده بص ليه ادريان الصراحة عنده صنايعية شاطرين وفاهمين مش هيعكوا فى العربية ولو عايز تركب كسوة ركب الكسوة التلبيسة من غير خلع للكراسى عندهم برده بتعمل 250ج بتركيبها
بس خد بالك ان تركيب الانذار بيخرج العربية من ضمان الكهرباء
والصراحة الضمان مع غبور ملهوش لازمة زى قلته يعنى
توكل على الله:010104~171:

donhorus

02-03-2012 07:33 PM

رد: إلى الاخوه الفيرناويه

اقتباس:

المشاركة الأصلية كتبت بواسطة tonsy1979 (المشاركة 626157)

ياباشا ربنا يكرمك بجد مش عارف اشكرك ازاى على المعلومات دى بس ليا استفسار معلش هاتعبك معايا لما تركيب الانذار بيخرجنى من الضمان طب ليه مابتنزلش بانذار اصلا وثانيا عنوان ادريان فين وثالثا ايه افضل نوع قفل الدريكسيون واجيبه منين
واخيرا الف الف الف الف شكر ياباشا :CONGRA~238:

M.TONSY

02-03-2012 08:38 PM

رد: إلى الاخوه الفيرناويه

اقتباس:

المشاركة الأصلية كتبت بواسطة donhorus (المشاركة 626165)

هى كانت لغاية 2011 زى اللى معايا كانت بتنزل بانذار ومش اى انذار ده انذار كورى محترم فيه مانع للسرقة فى حالة فتح العربية من غير مفتاحها والريموت فى المفتاح منه فيه يعنى
بس هتعمل ايه فى غبور ربنا يولع فيه عايز يوفر ويكسب اكتر
وبالنسبة لادريان عنوانه جنب مطبعة البنك المركزى بشارع الهرم فى الجيزة
وبالنسبة لقفل الدركسيون صدقنى ملوش اى 30 لازمة وعربيات كتير اتسرقت بيه لان كل الانواع الموجودة تعبانة واى واحد بيدق دقة صغيرة على الكالون بتاعه هتلاقيه فتح علطول بدون اى معناه
فى حاجة انا عاملها عندى ابقى ادخل الرابط ده وشوف
http://www.masrmotors.com/vb/showthread.php?t=80036
:010104~171:

الساعة الآن 05:35 PM.

صفحة 1 من 2

عرض 7 مشاركات من هذا الموضوع لكل صفحة