اكسسوارات اللانوس
 

السلام عليكم ورحمة الله وبركاتة
الى اهل الخبره باللانوس فين الواحد ممكن يلاقى فوانيس خلفية ليد وعتب فيبر للانوس غريب جدا انها من اكتر السيارات شعبية وانتشار وحاجاتها المتوفره كلام فاضى ستائر حليات
كمان للناس اللى مجنطة سيارتها اية رائيكم فى جنط 16/45/205
او 16/40/205
علما انى مش بحمل فى العربية خالص ديما لوحدى فيها بس تماسك السياره زباله من ناحية ومن الناحية التانية شكل التجويف بتاع العجل فضيحة فاضى والعجل غاطس لجوة وباين جدا ان المحور كنز على عرض السياره علشان كدة كنت عايز اركب جنط زى اللى فى الصورة المرفقة نفس التصميم علشان ادى عرض اكتر للمحور
مش عارف ارفق صوره
كمان العتب الفيبر من فين ممكن نجيبة وشكرا

رد: اكسسوارات اللانوس
 

طيب حضرتك اكتر واحد عارف ان العربية اتزانها سيىء فاكيد اللعب فى مقاس الجنط خارج المنصوص عليه فى الكتالوج حيضر اكتر خصوصا المقاسات الكبيرة حتلخبط قراية السرعة و المسافة

المقاس البديل من الكتالوج 185 / 60 / R14

رد: اكسسوارات اللانوس
 

انا عارف دة بس اية البديل انا مش ممكن افضل اسوق العربية دى لانها بتتعب الاعصاب لغاية ربنا ما يفرجها واغير العربية لانى بصراحة عمرى فى حياتى ما شفت اسوا من اللانوس للاسف انا هنا فى مجال شغلى بسوق بيك اب ولاندكروزر وسيارات 6x6 ما عداش عليا فى اداء اللانوس ولا دقة التوجية والتماسك الخ سيارة ممله بكل معانى الكلمة حتى شكلها غير موحى انا معايا هوندا قديمة كوتشها براس اللانوس بس المكنة تعبت عندى ومحتاجة عمرة بستخدم اللانوس حاليا وكل اجازة لازم كل يوم مش اقل من 150 الى 200 كيلو تقريبا يوميا الاجازة اللى فاتت من شهرين عملت حوالى 5000 فى 27 يوم واللى قبلها حوالى 4000 برضة فى 25 يوم علشان كدة انا بسوق العربية واعصابى مشدودة هى بصراحة عربية امنة بكل معنى الكلمة احتمال تعريض العجل هو اكيد يزيد من ثباتها ان شاء الله انما 14 انا ما استفدش حاجة من الناحية كمان الجماليه

رد: اكسسوارات اللانوس
 

مسأله اختلافات السرعة انا حسبتها لقيتها مش بتاثر الا بهامش خفيف جدا وانا مش بزود عن 100 الى 120 كحد اقصى لكن السرعة دة تعتبر غير امنة للانوس فى حال واجهت اى عارض لا قدر الله

رد: اكسسوارات اللانوس
 

انا اسف اقصد فى التعليق قبل اللى فات هى سياره غير امنة وغير ممتعة وغير موحيه حتى فى النظر اليها والمتعة الوحيدة التى تشعر بها عند ركنك السيارة والنزول منها

رد: اكسسوارات اللانوس
 

على فكرة الانوس عربية ممتازة جدا جدا ...

رد: اكسسوارات اللانوس
 

فى ايه ممتازة طيب قول جيدة سيبك من قطع الغيار واعادة البيع خلينا نتكلم فعليا اداء السيارة تماسك فضيحة مش ممكن مش بس عربيتى انا عربيتى لسة عاملع 22 الف جديدة انا سقت لانوس كتير زباله يا باشا التماسك معدوم والفرامل مش موجودة اية تانى الابعاد غير مريحة العربية ممكن تسلك معاك اى سلوك وجرب كلامى واطلع فى مكان فاضى وعلى سرعة 40 بس ادخل لفة بنفس السرعة وتلاقى العربية راحت مكان تانى غير دقة التوجية جرب مش اقولك عربيات اعلى منها زيها شوف الكورولا القديمة اللكورسا اللانسر القديم كله فى نفس الفئة مش ممكن العربية كمان فيها كسل عند عدد لفات معينة بتلاحظ دة بالذات فى الغيار الثانى وبعدها بتجرى فى نطاق معين بتشعر العزم اختفى او اتخنق ورجع تانى مش لوحدى ناس كتير العربية مليانة عيوب دى حقيقة ادائها دون المتوسط حتى على السرعات دون المتوسطة واقل مناورة ممكن تضيع فيها انا مش بقول الكلام دة من فراغ نتيجة مقارنات بعربيات اقل منها يا اخى كورولا موديل 89 جزمتها برقبة العربية اللانوس تماسك وفرامل وتوجية الخ معايا هوندا 84 اكورد نفس الشىء حتى قعدة الكرسى كانك على كرسى خشب ودة فى كل العربيات الحديثة بس العربية وحشة لكن كانت فى فترة معينة من حوالى 14 سنة عربية ناحجة جدا مقارنة بالامكانيات والسعر تعتبر اول عربية تنزل بكل المواصفات كتجهيز اساسى وبسعر مدروس ومنافس فى ظل وجود منافسين محددودين لذا نجحت السيارة فى وقتها