تاكسى
 

السلام عليكم ورحمة الله وبركاتة

انا قررت ان شاء الله العودة الى مصر نهائى ان شاء الله
وكنت عايز اعمل مشروع التاكسى بس اشترى عربيتن او 3 تاكسيات واشغلهم انا عارف ان المشكلة فى السواقين زى الناس ما بتقول

انا عايز اعف انهو عربيات احسن فى المشورع دة الفيرنا ولا حاجة تانية

فين معارض بيع المستمعل والجديد من التاكسى بالتقسيط وكاش

رد: تاكسى
 

متاااااااااابع

رد: تاكسى
 

ياةةةةةةةةةةةةةة اخير حد رد انا كمان يا باشا متابع ومعاك لو عرفت حاجة عن الموضوع خلينا على الخط انت عايز تسال على اية بالظبط

رد: تاكسى
 

رتب الاول النمر هتجبها ازاى لان دة اهم شى لان نمر الاجرة تباع كاش وسعرها عدى 35 الف
النمر بس

رد: تاكسى
 

ممكن تجيب التكسي من كزا معرض بي النمر سواء جديد او مستعمل وانا اعرف كزا معرف للكاش والقسط
بس لي القسط خالي والي اكتر من كده اجرئاته الي طلبها الكتييييييييييييييييير
اما بي النسبه لي انهي احسن عربيه والله مش بي تفرق معا السوقين كله بيتدشدش
انما من نحيه المصاريف والصيانه تجد الشهيان سما الفيرنا ثما البيجوالخ الخ الي ان تصل الي الادا
يتبع

رد: تاكسى
 

في معارض كتير لما تنزل بالسلامه اعمل موضوع تاني وهندلك ان شاء الله
وفي المعارض العربيات بتتباع بالنمر والعداد سواء الابيض او الابيض في اسود وفي التنين في زيرو ومستعمل
بالنسبه للعربيات الفيرنا والبي واي دي ممتازين
اما القسط انا معرفش ادلك فيه ممكن حد غيري :fun_36_3_9[1]:

رد: تاكسى
 

الاسعار كل يوم بحال . وبما انك مش في مصر فمتسئلش دلوقتي . لكن هجوبك عموماً عن الموجود دلوقتي

----
البنك احلال فاتح دلوقتي كاش بس . يعني تكيش قبل التخريد . يعني تجيب عربية كنبة بحوالي 55 الف ويكون معاك حوالي 45 الف تكيش البنك تاخد العربية زيرو كاش بنك . - وبيقولو هيفتح القسط تاني بس معتقدش دلوقتي خالص .
----
روح هاتها معرض ادفع 50 الف مقدم . وقسط 1750 * 50 شهر تقف عليك بحوالي 137500
----
روح هات نمرتين تاكسي اليومين دول السوق نايم يعملو 35 الف بالكتير . وانزل هاتلك عربية فيرنا كاش 64 الف وهتصرفلك حوالي 4 الف تظبيط للعربية وترشها وكمان تروح تركب غاز كاش ب 4 الف ماستر جاز او كار جاز او تركبو مجاني وتدفعلو كل شهر 275 جنية .
فهتلاقيها وقفت عليك بحوالي107 : 110 الف .
----
انزل السوق هاتو مستعمل بنك يعني تدفع حوالي 75 : 80 الف . وتكمل الاقساط .
----
انزل معرض هات عربية مستعمل بدون حظر بقسط مثلا لانوس ادفع 35 الف وقسط 700 : 800 جنية .وهات نمرتين بس هان الانوس بعد موديل 2005 . وطبع علي بعض وهتجيب غاز وترش هتلاقي نفسك . وصلت انك صرفت حوالي 80 الف وقسط شهري 800 جنية نفس نظام البنك بل اغالي شوية .
---

موضوع انك تجيب 3 تكاسي و2 وتعمل شجيع السيما مش سهلة ^^ ودية نصحتي ليك هات واحد لو عرفت تديرو ادخل فالتاني ولو عرفت تديرهم ادخل فالتالت
-----
انا عندي 2 . وحاليا بفكر فعلا ابيع وانقل نشاطي في ملاكي وشغل شركات او انقل نشاطي في مكروباص .
والسبب اني الموضوع متعب جدا كأدارة . عايز اقلك اني بقالي سنة ونص تقريباً مشغل العربيتين بنص مجهدهم يعني وردية واحدة. وبرضو تعب الاعصاب .
لو عايز تشتري الاثنين انا حاضر . شاهين 2007 احلال 2009 ابيض مكيف غاز باقي اقساط 43 الف - فيرنا 2009 كاملة غاز باقي اقساط 31 الف . وعندي 2 فيرنا تاني بيديرهم برضو للبيع .
----
وطبعا لو ناوي متجبش غير فيرنا عربية بياعة ومتخسرش ابدا فيها .
اسبيرنزا عربية كلبة بنت كلبة . وتخسر فيها كتير
byd لسا بدري عشان يتحكم عليها .
البيجو : اتومبيل بس حراااق في الصيانة وقطع الغيار وفشل فالتاكسي .
لانوس : بطاية وشغالة وحلوة بس تقيلة في بيعها .
لادا : ابعد عنهاااااا عربية متنفعش ببصلة .
شاهين : الاسد ألي راحت علية والله بس لو اتفنشت صح الصح فالابيض بتشتغل صح . واتومبيل بتاع شغل دايس .
-----

اي سؤال انا حاضر ليك