|
بسمع صوت سكسكة فى ال 128
اخوانى اعضاء المنتدى بصراحة الواحد اتعود يسال فى المنتدى قبل مايروح للصانيعى بقالى حوالى اسبوع بسمع صوت سكسكة وانا ماشى بالذات على الاولانى والتانى
الموضوع ده حصل بعد ما غيرت فرده الكوتش الخلفية فواحد قالى يمكن مسامير العجل عايزة يربط عليها ربطها وحد قالى شوف يمكن فى دلايه بتحك فى الكوتش شفت كل دة رحت لبتاع الكوتش عشان يزبطها قالى الدنيا زى الفل يا باشا فاياريت حد يفدنى والموضوع دة بيحصل زى ما ذكرت لما بفرمل او وانا ماشى على الاول والتانى شكرا لكم وربنا يجعلة فى ميزان حسنتاكم:w6w20050411223637 6d |
رد: بسمع صوت سكسكة فى ال 128
بص ياستاذ / هريدى اول حاجه تتأكد منها هى اذا كانت فردة الكاوتش بتحك فى المساعد ولا لآ وده سهل جدا عن طريق النظر او بوضع اليد بين الكاوتش والمساعد علشان ممكن تكون الفرده عريضه وبتحك فى المساعد فهنا تروح لعفشجى محترم هيحط ورد ولقم تقريبا علشان يبعد الطنبور شويه ويخلي العجله تطلع لبره ومتخليش الكوتش يحك فى المساعد شوف كده وقولنا ايه اللى موجود وفى انتظارك :CONGRA~238: |
رد: بسمع صوت سكسكة فى ال 128
يعني ايه سكسكه ؟
هلي هي زي الصوت اللي بيطلع لما يكون طوب او زلط في الكاوتش |
رد: بسمع صوت سكسكة فى ال 128
وممكن يكون التيل باظ وعاوز يتملى من جديد خصوصا ان حضرتك بتقول ان الصوت مبيظهرش الا لما تدوس فرامل فممكن تخلى ميكانيكى يشيك على الفرامل وان شأ الله تلقى حاجه بسيطه :Bravo: |
رد: بسمع صوت سكسكة فى ال 128
اقتباس:
يعنى صوت تزيئ على ما اعتقد |
رد: بسمع صوت سكسكة فى ال 128
متابع باهتمام جدا لان المشكلة دى ظهت عندى بقالها تقريبا 10 ايام بعد م ما عملت الفرامل بتاعت العربية بحوالى يومين تلاتة
وبرضه مش فاهمها ايه سببها |
رد: بسمع صوت سكسكة فى ال 128
اخوانى اعضاء المنتدى تم الحمد لله حل المشكلة وهى كالاتى رحت للميكا نيكى قلت له على الى بيحصل فك الكاوتش الخلفى الشمال تمام ولما فك لاقى السوسته بتاعت الفرامل واقعه ومكسوره بسبب السوسته دى الفردة حجرت ولاقى كمان الصرة بتاعت العجله الى بيطربط فيها مسامير الكاوتش متائكله فقال فى حالين يا اما تروح لخرط يخرط مكان المسامير يا ما تغير الصرة فبينى وبينكم انا غيرتها وجبت واحدة جديده سعرها 95 ج والميكانيكى اخد 20 مصناعية و4 مسمار لفردة الكاوتش15 جيعنى اطظبط فى130 جنيه خدوا بالكم لما تغير فردهالكاوتش ما تقرصش على المسماروحاول تلما تفك المسمار بلاش تحط المسمار على الارض لانه بيشيل تراب وانت تيجى تربط بيبوز السنون بتاعت الصرة يا رب اكون افادتكم ومتابع بخصوص اى توضيح السلام عليكم
:010104~171: |
| الساعة الآن 07:20 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017