ياريت حد يجاوبني انا هجيب الوجان ان شاء الله
بسم الله الرحمن الرحيم
انا عملت استخاره علي السيارة اللوجان و ناوي اجيبها ان شاء الله بس عندي شويه اسئله يعني لو ركبت انذار ولا سنسور بارك هل يخرج السياره من الضمان لو حد يعرف مكان افرش فيه كراسي اللوجان والارضيه قريب من الحي العاشر مدينة نصر و السعر كام بالضبط علشان اعمل حسابي وياريت لو في صور او مواضيع لفرش اللوجان وايه هي التتظبيتات المبدأيه لأي سياره ولو بسيطه |
رد: ياريت حد يجاوبني انا هجيب الوجان ان شاء الله
اولا ربنا يباركلك مقدما بس بلاش الذعر من التوكيل و الضمان ده لان ده اللي بيخليهم يتمرعو
بص طول ما انت ملعبتش في اساسيات العربية يبقى تشوطهم باي حاجة في وشك انا بعمل كده مع غبور لما غيرت الكاسيت و السماعات الزباله بحاجة انضف و المهندس كان فاكر انه ممكن يعيش عليا الدور فلما هبيت فيه و هددته اني ممكن افضحهم في الجرايد لاقيت مدير المركز نفسه جالي بيهديني يعم شوط فيهم و لا يهمك هما يعني بيعملو ايه تصدق اني لما بقيت ابص في كتالوج العربيه و اعمل الصيانه بنفسي عند الميكانيكي بتاعي و الله العربية اتظبطت و بأذن الله مشفش وش غبور الا لما اغير حاجه في الضمان |
رد: ياريت حد يجاوبني انا هجيب الوجان ان شاء الله
بالنسبه للفرش ممكن تروح سبير كار اللي في التجمع الخامس الناس دي محترمه و شغلها نظيف جدا هتلاقي هنا منتدى كامل للفرش ادخل عليه
|
رد: ياريت حد يجاوبني انا هجيب الوجان ان شاء الله
اقتباس:
انا سمعت عن جينز كار بس انا عاوز حاجه كوبيه بس مش غاليه يعني اللوجان تكلف كام مثلا |
رد: ياريت حد يجاوبني انا هجيب الوجان ان شاء الله
اقتباس:
الناس فى EIM الهو يعتبر واحد من احسن التوكيلات فى مصر واضحين جدا قالوك متجيش نحية الضفيره واله هتخرج الكهربه من الضمان فى مقابل كده هما بيقدمه خدمه جميله جدا ومش بيتاخره فى تغير حاجه فى الضمان حتى اسعار الصينات عندهم مختلفه عن غيرهم احنا الوحدين الصيانات 5000 و 15000و25000 مجانيه كلها وبنغير زيت وفلتر فى 10000 و 20000 فانا معه انك تخليك معه الضمان والتوكيل بدام مش ديقك فى حاجه لحد ماتخرج من الضمان وهو عندنا 100000 كيلو او 3 سنين وسمعت انه خمسه لكن مش متاكد وطبعا احسن فى العربيه وخصوصا الرينوا التعامل |
رد: ياريت حد يجاوبني انا هجيب الوجان ان شاء الله
اقتباس:
ان شاء الله اتوماتيك ولا مانول اولا الوكيل من انظف مايكون فالناس زي مبتعاملنا باحترام نعاملها باحترام كلامهم واضح ممنوع تركيب اى حاجه ليها علاقه بظفيرة الكهرباء واله الكهرباء هتخرج من الضمان فيرت بلاش تلعب فىا لعربيه وخصوصا ان تستفيد من الضمان وعمتن بالنسبه لسنسر بارك فهما منزلينه فى التوكيل يركب ب 350 جميه ثمنه و 350 تركيب "سعر مبالغ فيه لكن انا بكلمهم انهم ينزله سعره علشان الناس تركبه وخصوصا انا لعربيه فعلا محتجاه لانها شنطته عاليه جدا " اما عن الانزار فبعد مناس كتير طالبت بيه التوكيل بيتفاوض معه الشركه الفرنسيه انها تنزل نوع مضمون منها لان الفكره انهم لا يثقوا فى الانواع الصينى الموجوده فى السوق خوفا على العربيه ولسه بتفاوض على سعره لكن بتوعد انه هيكون سعره معقول الفرش مفيش فيه مشكله انا من المنصوره فمش اعرف حد لكن انا نفسى اكون فى القاهره علشان اعمل عند جنز كار فلو تروحله وتضحى شويه معلشى مش كل مره بتعمل فرش وبصراحه مش اى حد يفك العربيه وهى جديده انا كتير بفكر اجى مخصوص علشانه شغله فعلا مميز ونادر تلقى زيه وعمتن من خدمات توكيل رنوا الفريده والجميله انه عامل صفحه على الفيس بوك ترد على استفسارات الناس وتقول كل جديد على مدار الساعه http://www.facebook.com/renaultegypt فاسالهم عن اى حاجه تحب تعرفها وان شاء الله نبارك قريبا وربنا يحميها ويعطيك خيرها ويكفيك شرها تحياتى محمد رسمي |
رد: ياريت حد يجاوبني انا هجيب الوجان ان شاء الله
اقتباس:
وعاوز استفسر منك علي يعني لو غيرت الكاست ولا ركبت دي في دي ولا ركبت سنسور بارك ولا dvd هتخرج العربية من الضمان وكمان لو غيرت زيت بره بعد 1000 كيلو مثلا هخرج من الضمان بحكم ان انا ساكن في البحر الاحمر وبنزل القاهره علي فترات متباعده |
الساعة الآن 07:25 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017