ايه احسن لون فرش جلد لعربيه c4 زيتي
العربيه موديل 2006 السقف لونه والتابلوه والابواب لونهم اسود ايه احسن لون فرش جلد في رايكم؟
|
رد: ايه احسن لون فرش جلد لعربيه c4 زيتي
درجات الرمادى "رصاصى غامق+رمادى فاتح" ده انسب شىء مع الاسود خصوصا للعربيات المحترمة
|
رد: ايه احسن لون فرش جلد لعربيه c4 زيتي
تسلم يا باشا طيب ايه رايك في الفرش الاسود؟
|
رد: ايه احسن لون فرش جلد لعربيه c4 زيتي
بص ياباشا الفرش عموما الوانه اساسها الصالون مش لون العربية من برة ودة مش معناه انك لو عملت لون العربية من برة دة غلط ولكن الاكثر اناقة انك تربط لون الفرش بالوان الصالون ( وكمان اريح لو حبيت تغير لون العربية متغيرش معاه الفرش ) وعلى كلام حضرتك ومتدخلش السقف لان محدش بيبص على سقف العربية يبقى الصالون لونه اسود يبقى اى لون للفرش حتى لو اصفر منقط باخضر هيمشى وهيليق - بس لون الفرش الشيك جداااااااااا اســــــود - ومبروك مقدما وتقبل تحياتى
|
رد: ايه احسن لون فرش جلد لعربيه c4 زيتي
اللون الاسود فى الفرش الجلد شيك جدا لكن لو فارق معاك اللون بالنسبه لى الزيتى ركب فرش لونه beige هيليق على الاسود وهيليق على لون العربيه من بره الزيتى وربنا يوفقك فى الافضل ان شاء الله
|
رد: ايه احسن لون فرش جلد لعربيه c4 زيتي
مجرد رأى شخصى
اللون الاسود هو ملك الالوان وفى منتهى الشياكة لكن... بيدى احساس بضيق المساحة بالاضافة الى قدرتة العالي على امتصاص الضوء"اللى فى الصيف بيبقى حرارة شديدة" عشان كده فضلت الالوان اللى مش "سوداء" وكمان احبذ جدا اللون البيج بيكون تحفة مع اللون الزيتى الخارجى وعن تجربة "الصالون بيج-الدهان زيتى" ممتااااااااز |
رد: ايه احسن لون فرش جلد لعربيه c4 زيتي
اقتباس:
ربنا يكون فى العون بس حط فى دماغك ان فعلا كل الالوان هتطلع تحفة ان شاء الله ( اختار براحتك ) . |
الساعة الآن 08:38 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017