|
محتار اوى و مش عارف احدد
العيوب كتيرة فى كل عربية مفيش عربية كاملة بس انا عاوز اجيب عربية مانيول 2012 فى حدود من 90 الى 100 الف انا شايف .. اكسنت rb و نيسان صنى و شيفورلية اوبترا انا مش عاوز اقارن بينهم .. حتى لو فيه عربيات غيرهم فى السعر دة ؟؟ انا عاوزها تكون عائلية و بتشيل حتى 5 فرد من غي ما تكحت فى المطب و تكون اقتصادية و تكون كويسة بشكل عام ؟؟ يا ريت ردود كتيير من الخبراء و الـ مجربين نوع العربية و عيوبها اهم حاجة و سعها كام ؟؟؟؟؟؟؟؟؟؟؟ و اكون شارك ليكم |
رد: محتار اوى و مش عارف احدد
بص ياباشا انت جايب 3 عربيات واحدة حديثة قوى واتنين من عصر الديناصورات
اولا النيسان انا مش عارف الناس هتبطل تجيب نيسان صنى امتى يعنى موديلات جديدة وبتاعت السنة وتبقى فيها عيوب وبايظة وسخونة فى الصالون التكييف بايظ وبيفصل يا جماعة العربية دى مش كويسة وعيبها الاكبر بتاكل بنزين زى الغول ومن زمان معروف الموضوع دا واسال الناس اللى معاها تانى حاجة اوبترا مش وحشة بس قديمة لية تجيب تكنولوجيا قديمة علاوة انها سحبها مش قوى بس هى ثابتة على الطريق لكن الشكل والتابلوة والموتور قديم جدا اكسنت اربى عربية موديل السنة تكنولوجيا متفوقة عفشة متوسطة وجميلة طبعا سحب ممتاز قوة فرامل ووسعها الاوبترا اوسع بس مش كتير انا ارجح الار بى وانتظر راى باقى الاعضاء |
رد: محتار اوى و مش عارف احدد
رأى الشخصى وعن تجربة
BYD F3 2012 مانيوال زيرو فول اوبشن ( امتلك واحدة ) الموتور بتقنية ميتسوبشى 1600 سى سى عفشة مثل التيوتا ناقل حركة 5 سرعات زجاج ومرايات كهربائية + وحدة تحكم بـ باب السائق زجاجا خلفى فامية شيك جنوط سبور 15 " شنطة عربية واسعة جدا السيارة من الداخل واسعة + عالية عن الارض ثبات عند السرعات العالية ممتاز فانا جبت بيها 140 وبصراحة كانت ثابته وجيدة رغم انى لا احب السرعات العالية لكن من احساسى بالثبات دا اللى جرئنى شوية السيارة بصراحة موفرة في البنزين والتنك 50 لتر سعته الرسمية وسائل الامان من 2 اير باج + abs + ebd سنتر لوك وانذار تكيف بارد تلاجة وساخن فرن فوج لايت خلفى يوجد بها عداد رحلات TRIP A - TRIP B امكانية تعديل وضع الطارة CD AUDIO + وصلة MP3 للامانة المانيوال تقفيل مصرى جيدا جدا وليس سيئ ويعطيك اختيار بين فتحة سقف او بدون المانيوال 74 الف الاتوماتيك 84 الف الاتوماتيك زيادة فيها بفتحة سقف التكييف تاتش + الدريسكون ملتى اوبشن + الفتيس مثل النيسان 2008 او2009 باكرينج سينسور ومميزات اخرى تحياتى |
رد: محتار اوى و مش عارف احدد
اكسنت ار بي او بروتون جين تو 2012:CONGRA~238:
|
رد: محتار اوى و مش عارف احدد
بص حضرتك انا هديك رايي والله بكل امانه وحكيلك علي موقفين حصلوا قدامي بص حضرتك انا اولا املك نيسان صني اتوماتيك 2012 بقالها معايا 5 شهور طبعا انا بحمد ربنا ان وفقني في اختيار العربيه ديه اولا وده الاهم صاجها مش ورق وصلب جدا وبيستحمل اي حكه او خبطه مش زي العربيات الورق الجديده تاني حاجه الموتور ماشاء الله جبار 118 حصان مصدقش الناس اللي بتعيب في العربيه من غير متجربها وعلي راي المثل اسال مجرب بس طبعا هي ليها برضه عيبين بس هما ضيق الجنبه الخلفيه وشكلها القديم اللي متغيرش من زمان والعربيه عاليه جدا علي الارض وركب فيها مش خمسه عشرين مش هتقول لا وادخل قسم النيسان وهتلاقي مواضيع كتيره جدا علي العربيه هتفيدك جدا في الاختيار بس ارجوك متخدش النصيحه الا من الذين يملكون العربيه اما بخصوص الاكسنت ار بي انا واحد صاحبي معاه العربيه وعمل حادثه بيها وطبعا كان جيبها من غير اير باج عشان غبور بينزل مها فئات من غير اير باج المهم ان الحادثه كانت بسيطه وعلي سرعات منخفضه جدا و للاسف العربيه طلعت من الحادثه مفيهاش حته سليمه والغريب ان العربيه الربع نقل اللي كانت سبب في الحادثه محصلهاش اي حاجه وصاحبي ده كان مأمن ع العربيه ولما راح عملوا مقايسه لقا العربيه هتتكلف حوالي 80 الف فطبعا التامين بيخدها منه وبيعطي له مبلغ التامين المتفق انا بس بحكيلك الحكايه ديه عشان تعرف ان العربيه مش بشكلها المهم تكون اعتماديه وتستحمل اما بخصوص الاوبترا فانا مليش تجريه ليها ومقدرش افيدك فيها ده كان رايي وياريت اكون اقدرت افيدك والله الموفق
|
رد: محتار اوى و مش عارف احدد
اقتباس:
الكلام ده 10/10 بالنسبة للنيسان انا كمان معايا نيسان صنى 2005 اوتوماتيك شاريها مستعملة من 5 شهور ..العربية تقريبا مفيهاش حته إلا واتلعب فيها (اه بجد) بس اركب العربية وسوق حاجه تانية خالص فعلا ثبات على السرعات عفشة قويه وعفيه ومفيهاش مفاجأت موتور جامد 118 حصان عالية عن الارض بس من عيوبها ضيق فى الكنبة الخلفيه نسبى والشكل القديم بس هى بالنسبالى عادى لانى بميل للشكل الكلاسيكى شويه استهلاك بنزين عالى نسبيا بس يمكن علشان هى اوتوماتيك..عندك مثالين دلوقتى صنى 2012 جديدة زى ما قال الاخ الكريم و2005 مستعمله معايا ومتفقين فى كل حاجه غير انى بسمع ان فى الموديلات من 2009 ولغاية 2012 فيها تحسن كبير بالنسبة لاستهلاك البنزين. اما بالنسبة للاكسنت ار بى معرفش عنها اى حاجه ولا سوقتها غير انى اعرف من صديق انها واسعة فى الكنبه وباورها ناعم جدا لانه تقريبا كهربا مش زيت وعالية عن الارض |
رد: محتار اوى و مش عارف احدد
ياحج جديد اية اليومين دول
دا انا عايز اجيب لانوس ب 40000 و مرعوب لاتتسرق استنى لما الدنيا تتظبط 100 الف مش قليلة |
| الساعة الآن 06:18 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017