|
الى جميع الاعضاء الكرام ... نريد التقارير
مساء الخير ايه يااخوة بقينا نايمين لييه عاوزين تقارير باستمرار اللى استلم العربية واللى عمل صيانة الالف واللى عمل ال 5000 واللى عمل ال 10000 والللى عمل 20 الف و اللى العربية معاه من سنين من حيث أداء العربية ما احتاج الى تغيره في الفترة التى اشترى فيها العربية حتى الان سحب السيارة هل تاثر بمرور الوقت ام لا الثبات .. اخبار العفشة وغيره من الامور الهامة لان بالتقارير دى بتخلى اى مشترى جديد يحدد وبتساعده كتير اذا كان هيشترى او لا وكمان علشان اى حد بينتقض السيارة بنقض غير موضوعى يبقى دا اكبر دليل على انه قال كلام غير سليم وياريت كل التقارير تبقى محاديدة وموضوعية ونشكر ربنا لقد قمت بعمل تقرير الالف وتقرير صيانة ال 5000 وقربت على صيانة ال 10 واول ما اعملها هديكم تقرير ايضا تحياتى اخوكم د بيتر |
رد: الى جميع الاعضاء الكرام ... نريد التقارير
طيب يا دكتور العربية باظت او عطلت منك طول الفترة دى.. او حتى اتغير ادئها عشان فى ناس كتير شكرت فى العربية دى بس دلوقتى لاقيت واحد بيقول ان اسطوانة الدبرياج اتحرقت و العربية معملتش اكتر من 3600..فا انا خايف اوى من كده يا ريت ترد عليا بسرعة |
رد: الى جميع الاعضاء الكرام ... نريد التقارير
السيارة حتى الان ادائها كما هو نشكر ربنا والسيارة لاتوجد بها مشكلة
وانا عارف المشكلة بتاعة الاخ كيا سيفيا ودى نقدر نعتبرها حالات فردية رغم انها زعلتنا كلنا بجد بس كتير من الاعضاء معاهم هذه السيارة ومفيش حد اشتكى انا بس اللى مضايقنى ان التوكيل بيحط موبيل 1 ودا مخلى الموتور صوته وضح لكن مش مزعج رغم انى اول ماجبت العربية كان صوتها واطى جدا وهادى والاخوة نصحوا بليكوى مولى وباذن الله هجيبه وهغير الزيت في التوكيل لهذا النوع باذن الله |
رد: الى جميع الاعضاء الكرام ... نريد التقارير
يعنى اتوكل على الله و اشترى..و بخصوص التوكيل و الضمان يعملوا اية فى حالت الاخ كيا سيفيا ربنا يصبروا و يعوضوا ؟
|
رد: الى جميع الاعضاء الكرام ... نريد التقارير
اول مرة اسمع عن نوع الزيت دة بليكوى مولى بيتميز عن الانواع التانية بأية وهل ممكن اعرف سعرة كام وبيتباع فين ولكم جزيل الشكر
|
رد: الى جميع الاعضاء الكرام ... نريد التقارير
هناك موضوع مخصص لزيت ليكوى مولى وموجود الاعلان الخاص به في الاعلى اسفل الصورة الرئيسية للمنتدى
http://www.masrmotors.com/vb/ads.php?id=29 بالنسبة للبى واى دى الاخوة قالوا الافضل liquimoly top tech 4100 5w 40 وايضا leichtlauf high tech 5w-40 اولا الزيت بيقعد لحد 10 الالاف مستريح ثانيا الجركن 5 لتر يعنى بتحط 3 لتر ويتبقى معاك 2 لتر تضيفهم بعد كدا ثالثا الزيت بيخلى صوت الماتور هادى جدا وناعم والسحب افضل بناء عن تجربة الكثير من الاعضاء وخاصة بعض من اعضاء قسم البى واى دى لكن للاسف الموبيل 1 بجد صوت الموتور مضايقنى رغم انه مش عالى مزعج بس مضايقنى ثانيا كمان التوكيل بيحط مثلا XHP بيقولوا 5000 رغم ان في ناس بتقول كتير 3000 وفي ناس بتقول هو اخره 3000 وبعد كدا اداءه بيبقى سيئ وانا مش مستعد بصراحة انى ابوظ الموتور وخصوصا انى مثلا مواظب على الصيانة وتغير الاشياء الهامة مثل الفلاتر والزيوت للحفاظ على الموتور وفي الاخر دى مجرد وجهة نظر وفي اراء كيتر بتقول الموبيل وان من بعد ما بقى يتصنع في مصر بقى سيئ الاستاذ الفاضل محمد موضوع الاخ كيا سيفيا طلع فيه لبس وهو كان المفروض هيروح التوكيل انهاردة بس رجع في نص السكة لما اكتشف ان في لبس في الموضوع وان الفتيس كان شغال كويس معاه لحد ماراح الشغل وهنشوف كلامه لما يرجع بالسلامة كمان انا قولت لحضرتك ان افتضرنا ان الاخ كيا قابل هذه المشكلة جدلا فهذه مشكلة فردية وحضرتك تقدر تفصص القسم وتشوف الناس العربية عاملة معاها ايه هتكتشف بالمقارنة مع اللوجان والفيرنا واى قسن اخر ان شبه الشكاوى تكون بسيطة جدا جدا وخاصة ان التوكيل تفادا بعض الامور اللى كان عليها ملاحظات في 2011 واخبرة الصناعية في الصيانة زادت بناء على كلام الاعضاء انا من راى الشخصى توكل على الله وحب العربية تحبك وصونها تصونك وصدقنى مش اشعار دا بجد تحياتى |
رد: الى جميع الاعضاء الكرام ... نريد التقارير
انا الحمد لله استلمت العريبة انهرده..و العربية 10/10..و لما ارخص ابقى انزل تقرير كامل عن كل حاجة فيها ان شاء الله
|
| الساعة الآن 08:21 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017