افضل انزار يركب للانوس 2011 كامله
 

عايز اركب انزار يكون بيرفع الازاز ويقفل السنتر لما اقفل العربيه اوتوماتيك ويكون الانذار حساس لو حد لعب ف يالاكر يشتغل وكمان لما افتح باب العربيه يشغل الأنتظار او الأشارات ويفصل الماتور لما اعملها لوك

السؤال اركبه فين عشان مطلعوش من الضمان انا بتعامل مع التوكيل الي في مدينه نصر بعد رابعه العدويه
يريت تقولولي تكلفه كام وتركيب كام وهل التوكيل هيركبه ولا في ورش موثوق فيها ممكن تركبهولي ؟
وهل ايه افضل اأنواع مش عايز حاجه تعطل ولا تعمل مشاكل وكمان واحد بيفهم يشغلهولي ويكون معاه ضمان

رد: افضل انزار يركب للانوس 2011 كامله
 

الاماكن
سبير كار
ادريان

رد: افضل انزار يركب للانوس 2011 كامله
 

السلام عليكم ورحمة الله وبركاتة
انا ركبت انزار عندي بس ما اعرف نوعة والله بس هوا كان 220 جنية
جهاز انزار عادي بس الي عاجبني فية ان هوا في كتاود فصل الكونتاكت لما تعطي العربية
امر غلق الكونتاكت بيفصل ودي مهمة جداااااا في زمن العبس الكتير لان كثير من الصوص
بيتغلبو علي جهاز الانظار:w6w20050411223637 6d وبيعرفو يدوروها لاكن مع الكتاود دة حيعطلهم كثير
اما عن موضوع الزجاج فدي وحدات رفع بتركب
اما عن غلق البواب فدة سنتر وما ينفعش تركب جهاز انزار وانت ماعندكش سنتر لافضل
اما عن جهاز الانزار بالتلفون فدة انا شايفة ممتاز لاكن ماعنيش حد جربو علي العموم ممكن تدخل
علي قسم مكافحت السرقة في هذا المنتدي
واتمنالك التوفيق

رد: افضل انزار يركب للانوس 2011 كامله
 

يريت حد يوضح سبير كار وادريان فين
انا عايز حاجه محترمه وخدمه محترمه يعني ناس محترفه

رد: افضل انزار يركب للانوس 2011 كامله
 

ياجماعه محدش عارف رقمهم او عنوانهم ؟؟؟؟؟؟؟؟؟؟؟؟؟؟

رد: افضل انزار يركب للانوس 2011 كامله
 

يا أخى أحسن إنذار فى رأى هو إنذار والف wolf وهو إنذار مصرى الصنع ولكن محدش أشتكى منه. والشركة اللى بتصنعة بتوزعه على كل مصر وكما فى مركز معتمد لتركيب الإنذار وهما طبعا أكثر خبرة فى تركيبة وبيشغلوا كل خصائص الجهاز الكتيرة لان دى شغلتهم. وهما يعملو لك الصيانة عليه ويصلحوا لو فى مشكلة وعندهم قطغ غيار كمان زى الريموتات. مكان شركة عبر البلاد اللي هي توكيل وولف ودي مكانها خلف سوق القنال الدولي فى جسر السويس . هتلاقى عندهم كل حاجة...

أما عن سبير كار هتلاقى عنوانة منتشر جدا وهما لهم خمس فروع راجع قسم سبير كار هنا فى المنتدى وهما ناس كويسة برضوا.. أنا شخصيل لو فى مكانك كنت ركت لتوكيل والف فى جسر السويس.

بالتوفيق أبقى قول لنا عملت ايه

رد: افضل انزار يركب للانوس 2011 كامله
 

انا اتصلت بالتوكيل وقلتلهم العربيات ال 2012 نازله بريموت عايز اركب ريموت في عربيتي 2011 قالولي لا مينفعش اتصلت بكذا فرع واضح انهم كلهم بيستسهلوا وقالوا مينفعش فموضوع التوكيل ملوش لازمه وقالولي لو ركبته برا تطلع الضفيره من الضمان بس مشمشكله بقا
انا هشوف مين احسن ناس تركب وعندها ضمير في التركيب