مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   مقارنات (https://www.masrmotors.com/vb/forumdisplay.php?f=174)
-   -   معايا 50 الف.. أجيب ايه؟ (https://www.masrmotors.com/vb/showthread.php?t=8002)

linuxawy 03-05-2009 05:35 PM
معايا 50 الف.. أجيب ايه؟
 
معايا 50 الف.. مش عارف اجيب ايه أنا مايل للهاتش باك مع انى متجوز.. و بعد تجربتى مع الكورى عايز أجيب حاجة أوروبى أو يابانى

جولف 3 ولا باراتى 2004 ولا بونتو كلاسيك زيرو واقسط الباقى؟ فيه ناس بتقوللى سيبك من التلاتة وهات نيسان سنى 2002.. ايه رأيكم؟

AbOnOrA 03-05-2009 05:43 PM
رد: معايا 50 الف.. أجيب ايه؟
 
الزيرو طبعاً حاجة تانية خالص غير المستعمل اياً كان

ليه طعم تانى وقيمة تانية وبرضو ليه تكلفتة خاصة لو هتبيع قريب لكن لو العربية هتقعد معاك افضل تجيب زيرو

والافضل من الزيرو فى رائى انك تجيب كسر زيرو يعنى عربية عاملة كيلو متر قليل وبحالة الفابريكا ديه هتبقى ارخص واقرب للزيرو

انا رائى تشوف حاجة كسر زيرو فى حدود السعر ده او تقسط الباقى وتجيب حاجة زيرو زى البونتو او الجيتز

chingy 03-05-2009 05:51 PM
رد: معايا 50 الف.. أجيب ايه؟
 
عليك وعلي اوبل استرا 2001

linuxawy 03-05-2009 07:12 PM
رد: معايا 50 الف.. أجيب ايه؟
 
شكرا على الرد السريع :)
انا مش ناوى ابيع قريب بالعكس انا مش من النوع اللى بيغير كتير.. لو حاجة كسر زيرو تنصحنى بايه؟

dr.darsh 03-05-2009 09:43 PM
رد: معايا 50 الف.. أجيب ايه؟
 
أنا رأيي الشخصي لو مكانك حدور على الزيرو
لكن لو مش عايز تقسيط هفكر في البرايد سيدان زيرو
ولو مستعمل ممكن أوبل فيكترا أو أي حاجة يباني زي الصني مثلا ليه لأ

mohamed ibiza 03-05-2009 10:44 PM
رد: معايا 50 الف.. أجيب ايه؟
 
او تقدر تقرص علي نفسك و تجيب بونتو كلاسيك زيرو 2008 ب 65 الف يبقي هترتاح مش اقل من 8 سنين من متاعب العربيات عربية ممتازة و فيها اوبشنز مش بطاله

لو عايز حاجة جبارة.....28 الف تجيب ابيزا 94 ضايعة موتور و عفشه او جولف 2 و تطلع علي الحرفيين ترزع مكنة abf دي 2000 سي سي 150 حصان 16 صباب عزم 180 نيوتن بعفشة كاملة ادام و ورا بالمساتر بالطنابير بالكاليبرات بالليلة كلها بحوالي 8500 جنيه او ليا واحد صاحبي عمل الاتي ابيزا 94 رفع الاساسيات كلها و سقط vr6 و ده 2800 سي سي 180 حصان 235 نيوتن بفتيس اوتو بتاع ال vr6 بالقنطرة بتاعت vr6 و تانك و طرمبه و عدادات Vr6 و قطمة دركسيون و كنترولات و ضفاير و و عفشة كاملة ادام و ورا بالفرامل بكله بالتسقيط بالمصنعية عملها ب 10 الاف و معاه عربية جبارة تخيط اجدع عربية 2008 و اوتوماتيك و التكلفة حوالي 38 الف العربية+الموتور الجديد بملحقاته كلها...

لو عايز حاجة مستعملة ستوك لو انت مش غاوي لعب و تسقيط ....شوف ابيزا 2001 و دي ميزتها توفير البنزين الرهيب لانها 1000 سي سي انجكشن و دي استهلاكها 380 كيلو في الصفيحة(20 لتر بنزين) اما ال 1400 250 كيلو في الصفيحة(20 لتر)

او تشوف بونتو قديم او لانوس 2000 او اكسنت 1300 موديل 2001

Mema75 06-05-2009 02:17 PM
رد: معايا 50 الف.. أجيب ايه؟
 
السلام عليكم
ايه ياستاذ محمد الجمال ده

هو ساكن فى الحرفيين

هههههههه


الساعة الآن 04:01 AM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017