صني بتحدف شمال
 

يا جماعه انا معايا العربيه بقالها سنه تقريبا وهيا عربيه اعتماديه جدا لكن لقيت عيب بمجرد الاستلام انها بتحدف شمال المهم روحت التوكيل في صيانه 1000
وقام بتبديل العجل واتحلت المشكله اما روحت في صيانه 10000
لقيت الحدفه رجعت زي ما كانت سالت المهندس قالي الزوايا تمام ومفيهاش حاجه ولحد دلوقت العربيه بتحدف شمال ومش عارف ايه السبب الحقيقي ومعالجته حتي التوكيل معندهوش كلام ارجو الافاده يا جماعه الخير لو حد واجه نفس العيب

رد: صني بتحدف شمال
 

ظبط زاويا فى مركز تانى خارج التوكيل

وارد يكون التوكيل بيكبر دماغه

كالعاده

رد: صني بتحدف شمال
 

شكرا يا هندسه علي النصيحه بس في التوكيل حطها علي الجهاز ادامي وعملها aligment وكانت النتيجه انه قالي مفيهاش حاجه هل ممكن يكون العيب في العجل نفسه مع ان استخدامي بسيط جدا

رد: صني بتحدف شمال
 

طيب اتاكد ان ضغط الهوا زيى بعضه فى العجل كله
و هل بتحس بمقاومة ؟ يعنى بتحس ان الدركسيون عايز يروح شمال و انته لازم تملكه بقوة ايدك ؟ و لا الكلام ده لما تسيب الدركسيون ؟

رد: صني بتحدف شمال
 

طبعا أنت تقصد

أنه بدل الفرده الأماميه يمين .....مكان الفرده الأماميه شمال

وهنا أتحلت المشكله ...............أول مره


1 - فهل جربت تبدل الأماميه يمين حاليا بالأستبن

2- وهل فيه أى علامات تآكل على حواف الكاوتش الأمامى

( وخصوصا من الحافه التى تشير لليسار )

3- وهل شيكت على قوة المساعدين الأماميين بحيث يكونوا فى نفس قوة التحمل

مع ضغطك على السياره من فوق العجل


( ثلاثة أسئله وارد نطلع من إجابتهم بسبب المشكله )

رد: صني بتحدف شمال
 

العجل كله ضغطه واحد والحدفه دي اما اسيب الدركسيون العربيه بتروح شمال

رد: صني بتحدف شمال
 

هل بتحدف شمال فورى ؟ و لا بتاخد لحظات و بعدين تبتدى تحدف ؟ حاول لحظة ترك الدركسيون تكون حيادية حتى لو حتسيب صابع يسند فى اللحظة الاخيرة لو حدفت يمين يبقى العربية مظبوطة