|
ضياع مفتاح الفيرتا الجميله
بسم الله الرحمن الرحيم
والحمد لله علي كل شي ازيكم شباب يارب تكونوا بخير دلوقتي انا في مشكله كبيررررررره اوى مفتاح الفيرنا الي بريموت ضاع مني تمام وحاليا انا شغال بمفتاح الاستبن عادي وشغاله زي الفل المفتاح ضاع من السايس بتاع الزفت الجراخ انا عاوز اغير كل الكالونات بتاعت الفيرنا وقلب الكالون بتاع الكونتكت كمان واشتغل عادي بالريموت تاني وكده فهل ياتري ده سهل وبكام الكوالين الاصليه عاوز حاجة اصليه محترمه مش صيني ولا زفت والنبي حد يدلني هاتششششششششششششل |
رد: ضياع مفتاح الفيرتا الجميله
مش هينفع ياباشا تغير الكلون من غير متغير الانذار
لازم تغير الانذار لان كده العربيه سهل تتفتح بالريموت اللى اتسرق ويبقى يدورها على مهله فاهمنى |
رد: ضياع مفتاح الفيرتا الجميله
لو واجهنى هذا الموقف
هفكر فى الآتى 1- تركيب إنذار آخر لدى أى كهربائى شاطر مع إلغاء الإنذار القديم 2- عمل نسخه تانيه على المفتاح العادى الموجود معاك حاليا |
رد: ضياع مفتاح الفيرتا الجميله
1- غير الجراج بدل ماتندم
2- غير الانذار 3- انسخ نسخة تانية حل اخير بدل اللى فات التوكيل هو اللى يغيرلك |
رد: ضياع مفتاح الفيرتا الجميله
ريح دماغك و اعمل مفتاح فصل الطرمبة وحتى لو اللى خد المفتاح مش هيعرف يدورها :010104~171:
|
رد: ضياع مفتاح الفيرتا الجميله
بسم الله الرحمن الرحيم
بص يا باشا انا عندى معلومه مرت عليا هيا منطقيا صح بس اتأكد منها ممكن تجيب ريموت من التوفيقيه فى القاهرة وتعمله توليف مع جهاز الانذار التوليف دا معناه انك بتخلى جهاز الانذار يشتغل مع الأشارة الخاصه بالريموت الجديد دا كله متأكد منه إلى مش متأكد منه ودا إلى هتسأل عليه هل الريموت القديم بعد التغيير لتردد الريموت الجديد هيشتغل ولى لا ؟ تمام وبعدين عاوز اقلك حاجه مهمة مفيش حاجه اسمها مفتاح يضيع من سايس المفتاح دا اتسرق بعلمه او بدون علمه وإلى سرقه عارف العربيه وفى الحاله دى لازم تعرف انك متراقب انتا والسايس والعربيه حط فى دماغك دا كويس ولاد المفكوكه دول بيراقبو العربيه وصاحبها ممكن اكتر من 15 يوم طبقا لتحذيرات الاخ مفتاح حرامى السيارات التائب إلى استضافه مجدى الجلاد وربنا يسرها انشاء الله معاك ومعانا نسيت اقولك الريموت فى التوفيقيه فى حدود 30 جنيه دا أقل سعر متحاولش قبله والتوليف 5 أو 10 جنيه فى رعاية الله |
رد: ضياع مفتاح الفيرتا الجميله
انا الحمد لله غيرت وركبت انذار جديد للعربيه وجيبت العصايه والكلام ده وربنا يسترها
|
| الساعة الآن 11:39 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017