شكر عام لأعضاء المنتدى الكرام و قلق خاص من مشكلة فى ستيب واى
 

السلام عليكم و رحمة الله و بركاته
بفضل الله تعالى ثم بفضل اراء اعضاء المنتدى الكرام فقد اكرمنى الله و استلمت رينو ستيب واى 2012 اللون النبيتى من المصرية فرع الاسكندرية و للأمانة هى سيارة اكثر من رائعة بل هى الروعة نفسها من حيث الشكل و متعة القيادة و الاداء الممتاز
و لكن لى ملاحظتين من اول يوم استلام و قلقان جدا انا عارف انها ان شاء الله مش مشاكل و لكن كل اللى اقدر اقوله انى متوتر شوية و دة لانى لسة مستلمها النهاردة (انا عارف انى طولت على حبايبى اللى دايما بيفيدوا الناس المحتاجين لاجابة على بعض المشاكل اللى بتظهر فى العربية ) و تتلخص المشكلتين فى الاتى :
1- من بعد سرعة 90 كم و ار بى ام طبعا اقل من 3000 عملا بنصائح الاخوة الكرام أعضاء المنتدى بسمع صوت عامل زى ونة كدة و لما بقلل السرعة بيروح ( زى ونة الكرونة بتاعت اللادا كدة )فمش عارف هل هى مشكلة الكبوت زى اللوجان و لا ايه دة ؟
2- فى صوت تزييق او هبدة كدة مع الفرامل حتى لو لسة طالع بالعربية على الاول و لما ادوس فرامل و قبل العربية ما تقف بثوانى اسمع صوت تزييق او هبد كدة ( برضه زى ما يكون فى مشكلة فى الياى لما بيكون مش متقعد صح فى اللادا ) و بصراحة دة مقلقنى كتييييييير و ربنا يستر و الاقى الحل فى المنتدى الجميل دة و اللى بعتبره ورشتى على النت و اهم مرجع فى عالم السيارات
طبعا انا ذكرت اللادا لان عربيتى القديمة كانت لادا بس انا بحاول اوصل الفكرة ببساطة عشان نتفهم المشكلتين دول
فرجاء خاص لكل الاخوة فى المنتدى ان يفيدنى و يقوللى اعمل ايه ؟ هل فى حل و لا استنى لما ارخص العربية و اروح التوكيل ؟
مع كامل تقديرى و احترامى لكل اعضاء المنتدى الكرام
و تقبلونى اخا لكم فى الله

رد: شكر عام لأعضاء المنتدى الكرام و قلق خاص من مشكلة فى ستيب واى
 

لا يتم الحكم علي اي شئ في السياره الزيرو الا بعد ال 1000 كم الاولي مع مراعاه التعليمات المتبعه لل 1000 كم الاولي :010104~171:

رد: شكر عام لأعضاء المنتدى الكرام و قلق خاص من مشكلة فى ستيب واى
 

بسرعة روح التوكيل خليهم ضرورى يكشفوا على زيت الموتور والفتيس وياخدولك وش هواء من دايرة الفرامل !!
لازم تروح التوكيل بسرعة متستناش !!!!!!!!!
لاتنتظر صيانة الالف !!
:w6w200504112236376d:w6w2 00504112236376d:w6w200504 112236376d:w6w20050411223 6376d:w6w200504112236376d :w6w200504112236376d:w6w2 00504112236376d:w6w200504 112236376d

رد: شكر عام لأعضاء المنتدى الكرام و قلق خاص من مشكلة فى ستيب واى
 

رد: شكر عام لأعضاء المنتدى الكرام و قلق خاص من مشكلة فى ستيب واى
 

و الله أقطع الشك باليقين
روح التوكيل و أطمن
و مبروك العربية و ربنا يديك خيرها و يكفيك شرها

رد: شكر عام لأعضاء المنتدى الكرام و قلق خاص من مشكلة فى ستيب واى
 

الاول لوانت شاكك او مش مرتاح من اي حاجة في العربية روح التوكيل - والتوكيل قريب مش بعيد في سموحة بعد كوبري التجنيد

العربية في الاول حتحس فيها بحاجات كتير مش مظبوطة لغاية ما تعمل علي الاقل 3000 كيلو وموضوع الخبطة اللي في الفرامل دي حلها سهل لما بتروح التوكيل بعملوا رجلاش علي الفرامل الخلفية الصوت اللي بتسمعة دا بيروح في ساعتها باذن الله

والونة اللي انت بتسمعها دي لو اللي في دماغي طبيعية جدا في اول التليين يعني بعد اول تغيير للزيت مش حتحس بيها نهائي بس برضة يتحسن انك تسمعها لاي حد في التوكيل عشان تبقي مطمن نهائي

قلهم في التوكيل علي كل حاجة هما هناك في منتهي الزوق ومبيزهقوش من حد بس ماتطلعش من عندهم الا و كل اسئلتك متجاوب عليها

واخر نصيحة يا ريت متشغلش التكييف قبل ال 1000 كيلو الاولانية

وربنا يباركلك فيها ومنور اسكندرية بالاستبواي

رد: شكر عام لأعضاء المنتدى الكرام و قلق خاص من مشكلة فى ستيب واى
 

أ.محمد :السلام عليكم :الف مبروك
عليك باتباع كل نصائح الاخوة الكرام اعضاء المنتدى
العضو الكريم :akerima: اعطى وصفة ممتازة وعليك اتباع تعليماته وارشادته
حفظك وحفظناجميعاً الله سبحانه وتعالى من كل سوء إن شاء الله