ايه السبب فيها
 

السلام عليكم انا علي طول بشم ريحه بنزين في الكابينه وخاصه لما بقفل الزجاج ومش عارف ايه السبب وبقلق جدا لان ساعات كتير بيكون معايا اطفال لو حد يعرف ايه السبب يعرفني بس قبل مروح لميكانيكي وشكرا مقدما

رد: ايه السبب فيها
 

اولاً هو نوع العربية اية
ثانياً الموضوع لية اكثر من احتمال
1- جايز حضرتك حاطط بنزين فى شنطة العربية ومش مقفول كويس
2- ممكن يكون خرم صغير فى زور التانك
3- ممكن يكون فى بيجو مش بيحرق كويس
والله الموفق

رد: ايه السبب فيها
 

عزيزى

الإحتمال الأغلب وجود خرم فى زور التنك ... بسيطة ... الكاوتشة بتتغير فى ثوانى

ولكن أنصحك بسرعة علاجها

مع أطيب تمنياتى بالصحة والسعادة والسلامة ،،،،،

Zazoksh - Cairo, EGYPT

رد: ايه السبب فيها
 

ذاو ممكن يكون جوان زور التنك يكون عايز واحد جديد

رد: ايه السبب فيها
 

من فضلك أخى الكريم إمدادنا بمعلومات عن سيارة حضرتك لكى نستطيع إفادتك بأمر الله

وجود رائحة بنزين نئ لها عوامل كثيرة جدا
تقبل مرورى

رد: ايه السبب فيها
 

انا اسف علي التاخير والله يا جماعه العربيه نوبيرا وان 97 والريحه فعلا موجوده بشده لدرجه اني لو قفلت الزجاج شويه احس بحرقان في عيني ولسه مروحتش لحد

رد: ايه السبب فيها
 

كما أشار الأخ : محمود

فإن ظهور رائحة بنزين بصوره ملفته للنظر وأنت تغلق كل زجاج السياره

بيكون فى الغالب سببه

تلف الo ring المتواجد تحت دائر تركيب الطلمبه على فتحة تنك البنزين

-------------------------

شوف ميكانيكى يطلعلك ال o ring من تحت الطمبه لتغييره

ويربطلك أفيز تثبيت الطلمبه

وفى ذات الوقت يراجعلك على نهايات خراطيم طلمبة البنزين على الطلمبه

فقد تكون هناك نهايه مملوصه أو تالفه

ويارب تيجى على ال o ring فقط

فهذا حل بسيط ويسير جدا

................

ووارد برضه تلاقى حاجه مش مظبوطه فى دائر الطلمبه الصاج

فكله وارد