يا رجاله مصر موتورز ايه رايكم ؟؟؟
 

السلام عليكم
يا جماعه انا عايز اخد رايكم في حاجة انا معروض عليا عربية رينو ميجان مو 2006 لونها اسود اوتوماتيك فول اوبشن بانوراما و انا معايا فيرنا فيفا 2008 جميع الكماليات حالة ممتازة اني ابدل العربية وادفع فرق 5 الاف جنيه ايه رايكم اخلي عربيتي ولا اغير وايه رايكم في الميجان دي واي تعليق وانا شاكر ليكم جدا مع ان عربيتي 28000 كم والميجان 89000 كم

رد: يا رجاله مصر موتورز ايه رايكم ؟؟؟
 

عربيتك طبعا حرام عليك عربيتك لسه زيرو
وبعدين الميجان قطع غيارها عاليه جداا نصيحه بلاش والفيفا عربيه جميله ماشاء الله :w6w200504112236376d:CONG RA~238:

رد: يا رجاله مصر موتورز ايه رايكم ؟؟؟
 

الميجان عربيه محترمه وركوبه بصراحه وثبات وفرامل مفيش كلمه وسوف تشعر بفارق رهيب بينها بين الفيرنا ولكن المشكله ان قطع غيارها غاليه ومش اي حد بيعرف يشتغل فيها لك مطلق الحريه مع العلم ان في مبدء الدخول في الماديات انت كده مش خسران خالص

رد: يا رجاله مصر موتورز ايه رايكم ؟؟؟
 

طبعا الميجان فرق في الراحة والركوب والثبات وكل المميزات ختلاقيها في الميجان - بس مشكلتها قطع الغيار الغالية نسبيا عن الفيرنا والصيانة اللي يفضل بشده انها تبقي في التوكيل - ومع ان التوكيل في غاية الاحترام والكفائة بس برضة اسعار الصيانة فيه غالية جدا

في النهاية حتحس بفرق كبير في نوعية العربية اللي انت راكبها بس برضة مش ببلاش

رد: يا رجاله مصر موتورز ايه رايكم ؟؟؟
 

شكرا علي الردود يعني اتوكل علي الله ولا لا ولو حبيت اني اعيد بيع الميجان هتتباع بسهولة ولا لا وانا كمان استخدامي خفيف علي العربيه يعني مش هتبوظ مني بسرعه وبالنسبه لقطع الغيار هي غالية جدا ولا ايه ؟؟

رد: يا رجاله مصر موتورز ايه رايكم ؟؟؟
 

انا شايف فعلا ان الميجان عربيه بمعني الكلمه فيها كل اللي تحلم به بس طبعا قطع غيارها غاليه جداااا اغلي من قطع غيار الياباني كمان ومش هتلاقيها ف اي حته ليها ناسها اللي بيشتغلوا فيها واغلب شغلها هيكون توكيل نصيحه بلاش عشان هتخليك ع الحديده وف الاخر هتتعب قوووي ف بيعها فنصيحه اشتري لك وللسوق لان سعرها اللي بينزل ل 60 الف مش من فراااغ

رد: يا رجاله مصر موتورز ايه رايكم ؟؟؟
 

بص يا باشا انا يوم مقولتلك عربيتك زيرو وبلاش الميجان طبعا مش بقلل من كفائتها نهائي العربيه ماشاء الله جميله جدااا
بس قطع الغيار حتعذبك صدقني ومش حتلاقيها بسهوله ولو دخلت عالتوكيل يبقي بتدبح نفسك
ويوم محتفكر تبيعها حتقرفك لان سوقها ضعيف بسبب قطع غيارها
مش اكتر من كده لكن هي كعربيه محدش يقدر يختلف عليها:pod_of_gold: