|
خوش على abs وهدعيلك من قلبى
جبت سياره ماتريكس من بور سعيد اتوماتيك مفيهاش غلطه وبعد اسبوع رحت انضف تيل الفرامل ليه مش عارف او جايز يكون قدرى ونصيبى الرجل فك الاربع عجلات وراح جاى مطلع مصارين التيل وكوتشات البساتم بره المهم قلى هات تيل جديد وره وقدام و2 بستم فرامل وهغيرك كوتشات البساتم الى قدام وغرمنى فلوس طبعا كتير جدا وانا بحسن نيه سمعت كلامه وبعد مامشيت بحوالى 10 كيلو لاقيت مافيش فرامل رجعت تانى يوم ليه قال لى ده عيب ماستر ياستاذ ........ انا قلتله العربيه كانت زى الفل وكانت ماشيه لاقيته اصر على رايه ماشيت وحكيت لواحد القصه ديت ... رد قالى ورينى الحاجه الهو غيرها قالى الرجل دوت عمر ربنا ماهيكسبه دى الحاجه ديت بحالتها لسه وكمان ديت بتاعت العربيه الاصليه على كل الاحوال قالى هو لازم يعمل كده امال هيشترى بودره يشمها منين .... المهم رحت لواحد تانى وقولتلوا اكشفلى على التيل ولا اقولك فك التيل بتاع الاربع عجلات ورجع ركبه من تانى وفعلا عمل الازم ولاكن ومع شديد الاسف( الفرامل بتعلق لما اجى المس برجلى براحه وبعدين ادوس) خلاف كده بتبقى زى الفل لو ماشى على 120 العربيه تقف مكانها بدون انغلاق الفرامل ودى طبعا خاصيه ال abs الرجل قالى روح هات ماستر استعمال خارج رحت جبت واحد وركبناه والمشكله مازال قائمه فايترى المشكله ديت فين هل هى فى الماستر الى انا شاريه ولا فى السرفو ولا فى ال abs نفسها ولا حساستها ولافين ياجماعه لانى صرفت 900 جنيه ومازلت اعانى من ضياع الفرامل فى اى لحظه ولا اعلم عقبها وربنا هو الستار شكرا لكم جميعا على سعه صدركم واتمنى التعاون والسلام عليكم ورحمة الله وبركاته |
رد: خوش على abs وهدعيلك من قلبى
اكان عندنا نفس المشكلة وال abs باظ , وصرفنا حوالي 1500 جنيه قطع غيار وطلعت المشكلة ان فيوز الabs كان بايظ ....شوفه كدا
|
رد: خوش على abs وهدعيلك من قلبى
لا حول و لا قوة الا بالله
فعلا زيى ما انت قولت منطقى جدا ان العربية كانت سليمة و زيى الفل هو اكيد اللعب اللى تم هوا اللى لخبط المنظومة قدر الله و ما شاء فعل طيب هل الراجل التانى اللى قالك ان الحاجات اللى اتغيرت كلها اصلية ليه مخلتهوش يركبها تانى ؟ |
رد: خوش على abs وهدعيلك من قلبى
اقتباس:
انا عندى دردره فى دواسة الفرامل عند الضغط القوى واعتقد ان دوت معناه ان ال abs شغال ......... ولو الفيوز تالف ممكن يكون راكب فين بالظبط فى العربيه وجزاكم الله خيرا |
رد: خوش على abs وهدعيلك من قلبى
ماحدش هايقدر يقولك المشكلة فين بالتحديد لأننا ماشوفناش العربيه و مش قادرين نحدد لإذا كان العطل في السيرفو وللا في البساتم وللا في الـABS
عشان كده أنا هادلك على مركز خدمة اكثر من ممتاز ممكن تزوره وإن شاء الله مشكلتك هاتتحل بس قوللي أنت من سكان أي منطقه ؟ |
رد: خوش على abs وهدعيلك من قلبى
اقتباس:
انا قلت خليك فى الجديد خاصا انا جايبهم من واحد موثوق فيه مضافا اليه ان تم اختبارهم ووجدناهم كويسين وشغالين وهما نفس المقاس والموديل تبك الاصل |
رد: خوش على abs وهدعيلك من قلبى
اقتباس:
بس صدقنى انا خايف من مراكز الخدمه لسببين اولا العربيه استيراد يعنى مختلفه عن المصرى مضافا اليه ان المصرى لاتدعم ال abs دا غير ان هيقولولى العربيه ديت مش تبعنا ولو حصل هيهدوا الليله بحالها وهخش فى تكلفه كبيره جدا بحجة ان ديت مش الحاجات الاصليه انا فاضل عندى تكه صغيره جدا لو حد وصلها يكون بيعرف يتعامل مع ال abs يبقى وصلنا والحمد لله ام الشغل العادى زى التيل والماستر والبساتم دول الاف الصنيعيه شغاله فيهم وبيتهيقلى 4 صنايعيه بجد جامدين بصو على الحاجات العاديه ديت بس مع الاسف واضح جدا ان هم اول مره يتعملوا مع abs اسف على الاطاله وانتظر توجيهاتكم واشكركم جميعا |
| الساعة الآن 02:48 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017