ريحة شياط بعد سرعة 150 كيلو
 

كنت راكب عربية جيتز ومعايا واحد صاحبى بنجرب عربية جيتز 1600 موديل 2008 عاملة 55000 كيلو شديت على 150 شمينا ريحة شياط جامدة فهدينا ومشينا على 80 وبعديين لما فتحنا الكبوت ما لقناش لا ريحة ولا اى حاجة

تفتكروا دة من اية يا جماعة ؟

رد: ريحة شياط بعد سرعة 150 كيلو
 

:GROWIN~12: لو هى اوتوماتيك راجع زيت الفتيس و عموما راجع كل الزيوت وضغط الإطارات

رد: ريحة شياط بعد سرعة 150 كيلو
 

رد: ريحة شياط بعد سرعة 150 كيلو
 

لأ إن شاء الله هتبقى حاجة بسيطة لو العربية محملة على الإسطوانة أو كبستها مرة واحدة
اللى بتشمة ده ريحة الإسطوانة

عادى بقى شحم الفبريكة

تقبل مرورى

رد: ريحة شياط بعد سرعة 150 كيلو
 

ممكن يكون ريحه تيل الفرامل لو خامته سيئه ولو مانوال العربيه دي اكيد ريحه الاسطوانه فعلا

رد: ريحة شياط بعد سرعة 150 كيلو
 

رد: ريحة شياط بعد سرعة 150 كيلو
 

حضرتك كنت ماشى على سرعة 150 كم|س أولا مش تيل فرامل ولا أسطوانة دبرياج ولا ليه علاقه بزيت الموتور او الفتيس الموضوع هو لما بتكون على سرعة عاليه غير معتاده بيكون عدد دورات الموتور عالى جدا (rpm ) والدينامو نفس الحكاية يعنى الفولت اللى خارج من الدينامو هايزيد ........ هنا يبدأ الكتاوت ( اللى جوه الدينامو ) يشتغل ويفصل الكهرباء او ينظم الكهرباء اللى خارجه من الدينامو لو الكتاوت فيه مشكلة مع السرعه العالية هايخرج كهرباء عالية دى هاتخلى كل حاجه ماشية بالكهرباء فى العربيه تضرب زى الكلاكس المساحات مروحة التكييف وخلافه وممكن ضفيرة العربية ( تشيط ) وده أخطر شئ لا قدر الله وده ممكن يكون مصدر الشياط والله أعلم . الكلام ده حصل مع واحد معرفة عام 1997 بعربيه هيونداى اكسيل موديل 95 واتحرقله حاجات فى العربيه زى اللى قلت عليها وصلت تكلفتها وقتها ايام الرخص الى 5000 جنيه بسبب انه كان ماشى على سرعة 140 كم على طريق القاهره أسيوط الغربى وقدر الله ولطف . حضرتك راجع على الكتاوت مع الrpm العالى وشيك على كهربة العربية .