|
محتار بين : كورولا ؛ برافو ؛ ليون = 2012 .. بماذا تنصحوني ؟!
السلام عليكم ؛ هذا أول موضوع لي في المنتدى وعاوز نصيحتكم لأني محتار جدااااااااااااااااااا أنا عاوز اشتري عربية زيرو بس محتار بين 3 أنواع الكورولا سيات ليون فيات برافو طبعا موديلات 2012 وسبب الحيرة حاجتين الأول السعر تقريبا متقارب الثاني مواصفات البرافو والليون أعلى وأحسن من الكرولا بينما الكرولا متانة وصيانة سهلة .. يعني مش هندوخ على قطع الغيار ؛ وسعر إعادة البيع محترم علما أن مكان إقامتي المنصورة ( دة بالنسبة لأماكن الصيانة والتوكيل ممكن يكون صعب للبرافو والليون مشششششش عارف ) ومش بفكر أبيعها بعد سنة أو اتنين ؛؛؛ يعني للاستخدام ... وهل فعلا السيارات الهاتش باك مش مريحة لعائلة متوسطة 5 أفراد كدة ؟! منتظر أراءكم المفيدة وشكرا مقدما |
رد: محتار بين : كورولا ؛ برافو ؛ ليون = 2012 .. بماذا تنصحوني ؟!
هى البرافو تحفه واكبر من الليون بس انت عايز حاجه عائليه فغصب عنى حاقولك تويوتا مع انى ما بحبهاش
|
رد: محتار بين : كورولا ؛ برافو ؛ ليون = 2012 .. بماذا تنصحوني ؟!
الكرولا بدون تردد ولا خوف توكل على الله اشترى ليك وللسوق |
رد: محتار بين : كورولا ؛ برافو ؛ ليون = 2012 .. بماذا تنصحوني ؟!
الكورولا احسن لان تسحمل المطباط وحجتها معمره والعربيه عليا من الارض وانتا ساكن فى المنصوره وقطع غيارها تلايقيها فى اى حته
|
رد: محتار بين : كورولا ؛ برافو ؛ ليون = 2012 .. بماذا تنصحوني ؟!
الليون تحفه وتكفى انها المانى بحت يعنى ثبات وماتور وفخامه احسن ميت مره من الكورولا والبرافو
برضو البرافو جامده اوى وثباتها تحفه |
رد: محتار بين : كورولا ؛ برافو ؛ ليون = 2012 .. بماذا تنصحوني ؟!
الفيات برافو عربيه رائعه وشنطتها والكنبه الخلفيه واسعين بس حاجتها مش متوفره اوي زي الكرولا :010104~171:
|
رد: محتار بين : كورولا ؛ برافو ؛ ليون = 2012 .. بماذا تنصحوني ؟!
طبعا تويوتا كرولا عربيه تحفه انا من امنيات حياتي امتلك واحده منها انصحك بكرولا عربيه جميله جدا وتكاد تخلو من العيوب وصيانتها في المنصوره علي طريق قريه ميت الكرماء امام مركز صيانه نيسان السبع وانصحك برضه تشتري العربيه من المصريه للسيارات فرع المنصوره توريل انا اشتريت عربيتي من عندهم والحمد لله زي الفل واسعارهم احسن اسعار في المنصوره لا انصحك بالسبع عشان حراميه والله الموفق
|
| الساعة الآن 12:11 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017