تعديل فرامل اللانوس
 

هل فى طريقة لتحسين فرامل اللانوس الزبالة دى لتكون مثل فرامل الافيو يعنى لو ينفع نجيب طنابير وكالبرات الافيو ونركبهم على اللانوس مع التيل وكمان الماستر العمومى وكده يعنى هل الكلام ده ينفع ولا لا ولو فى طريقة تانية لتحسين الفرامل ياريت حد يقولنا

رد: تعديل فرامل اللانوس
 

معرفش ينفع الافيو ولا لاء... لكن كنت قريت هنا عالمنتدى ان في واحد زميلنا عدل فرامل اللانوس بتاعته الى فرامل النوبيرا... قدام و ورة... و طبعا فرق الاداء خرافي... بدون تغيير الماستر العمومي... عتغير الطنابير الى ديسكات امامية و خلفية ... ادعيلي بعدها:fun_36_3_11[1]:

رد: تعديل فرامل اللانوس
 

[QUOTE=DR.AMER HASSAN;606551]معرفش ينفع الافيو ولا لاء... لكن كنت قريت هنا عالمنتدى ان في واحد زميلنا عدل فرامل اللانوس بتاعته الى فرامل النوبيرا... قدام و ورة... و طبعا فرق الاداء خرافي... بدون تغيير الماستر العمومي... عتغير الطنابير الى ديسكات امامية و خلفية ... ادعيلي بعدها:fun_36_3_11[1]:[/QUOTE
ايوه فعلا انا كنت قريت موضوع زى ده ولكنى على ما اعتقد انه كان مغير الماستر العمومى ( لماستر نوبيرا ) كمان. ولكنى مش فاكر التكلفة كانت كام وكمان فى بعض الاعضاء قالوا ان هذا التعديل لا يثمر مع اللانوس بشكل جيد ( اى لا يرضى الطموحات ان صح التعبير) ولذلك فكرت فى موضوع الافيو ده لعل وعسى يكون فيه جديد .
وانا بصراحة عاوز اى تعديل بدل الخنقة اللى انا فيها وفى انتظار باقى الردود

رد: تعديل فرامل اللانوس
 

انا شفت واحد مهندس معاه جولييت ومركب عليها مكنة النوبيرا الخليجى ، وماشاء الله وابور زى الفل بس عاوز فرامل قطر توقفها فسألته قاللى انه مركب قدام مجموعة فرامل الاوبل ( طبعا مع تعديل الطنبورة والكاليبر بتاعها ) أتمنى ان حد من المتخصصين يرد علينا فى الموضوع ده

رد: تعديل فرامل اللانوس
 

التعديل بمنتهى البساطه اننا حنركب الاتي :
1- تركيب طنابير اوبل فيكترا
2- تركيب كاليبرات دايو اسبيرو
3- تركيب تيل دايو نوبيرا
4- ماستر نوبيرا مقاس 22
انا عملت الموضوع ده في عربيتي والنتيجه هايله ووهميه واتكلف بالترتيب كالتالي :
1- طنابير اوبل جديده ماركة ليمفورد ب 300 جنيه
2- كاليبرات دايو اسبيرو استعمال خارج ب 150 جنيه
3- تيل نوبيرا ب 70 جنيه
4- ماستر نوبيرا استعمال ب 140 جنيه
والمصنعيه عباره عن حل وتركيب بدون اي تغيير والميكانيكي اخد تقريبا 100 جنيه مش فاكر بالضبط لأن الموضوع ده من مده
طبعا انسب الفضل في الموضوع ده لكل من م.ممدوح و عصام غنايم

رد: تعديل فرامل اللانوس
 

السلام عيكم بس يا اخي عقبال ما تلائي حل حقولك علي حاجة جربها وان شاء الله حتجيب نتيجة انا لسة عاملها وجابت نتيجة مرضية
اولا تروح لميكانيكي ومعاك 3/4 لتر زيت باكم وتقولو عايز اغير الزيت كلة وتفك من عند الطنابير وتفضي الزيت وبعدين نظف علبة الزيت وضع الزيت الجديد
ثانيا خلي الميكانيكي يفك الاربع عجلات ويشيك علي الطنابير ولقم الفرامل ويأخذ هوا كويس وجرب ومفروض ان انتا حتروح تأخذ هوا تاني بعد كام يوم ب(بعد تغير الزيت)
ملحوظتان:
1:اولا والميكانيكي بيفك العجل خلية يتأكد ان الاربع بساتم بتوع الفرامل خروجهم يكون سهل
2:ثانيا ودة الاهم وانت واقف با عربية دوس فرامل لو حسيت ان الفرامل بتروح معالك لتحت مش كتير يعني بالاحساس يبقي غير ماستر:fun_36_3_11[1]:

رد: تعديل فرامل اللانوس
 

المشكلة الرئيسية في فرامل اللانوس ان حجم الطنابير والتيل بتاعها اصغر من حجمها كعربيه واصغر من امكانيتها في الجري فلو عرفنا ان طنابير اللانوس هي هي طنابير الماتيز اذن بالتبعيه اكيد فرامل اللانوس حتبقى ضعيفة وبيبان ده لما تكون العربية محمله وبتجري حتلاقى فرامل العربيه ضعيفة وفي الحاله ده العيب مش عيب زيت او ان البساتم بتاعة الفرامل بتخرج بسهوله العيب صغر حجم الطنابير والتيل فيها وده احنا بنحله بالتعديل اللي انا ذكرته في المشاركه السابقة