حاجه هتجنني
 

بجد يا جماعه انا باسمع ناس كتير ع المنتدي بيجننوني بالسرعات اللي بيقولوها ناس تقول انا اقل سرعه باجيبها 140 وناس تقول جبت بالعربيه 160 ليه يعني ؟؟؟ هم راكبين عربيات ولا طيارات اي عربيه مهما كانت نوعها ولا قوتها لو حصل حاجه لا قدر الله علي سرعه زي دي هتتفرتك غير اننا بنركب بلاستيك متنفخ مش عربيات ولا انتوا فاكرين اننا عندنا عربيات ف مصر انا مش عارف ليه السرعات دي براحه عشان ربنا يسترها علينا

انا باقول كده عشان النهارده كانت ماشيه قدامي عربيه النترا الشكل القديم بتاع 2011 علي سرعه مش عارف ممكن توصل ل 150 لاني كنت ماشي علي 90 وكنت حاسس اني واقف وهو بيعدي مني وسبحان الله العربيه كانت مميزه اووووي من ورا المهم مفيش بلد والتانيه بصيت لقيت الناس متجمعه والطريق واااقف قعدت ف العربيه شويه ونزلت اشوف فيه ايه لقيت الناس بيقولوا فرده الكاوتش انفجرت والعربيه راحت طايره ناحيه اليمين ولبست ف شجره ع الجنب وزي ما يكون نقي شجره محترمه قطرها قد عرض العربيه المهم السواق نزل فيه شويه كسووور بس مش خطيره وده لانه لما خبط ف الشجره خبط يمين العربيه يعني ناحيه الراكب اللي جنب السواق طبعا ربنا ستر ان مكنش فيه حد راكب جنب السواق بس اسواق عنده شضويه كسووور مش خطيره والعربيه مفيش اصلا عربيه مستحيل تعرف من قدام خااالص انها النترا انا عرفتها من وراااا
سبحان الله كان هيجري ايه لو مشي علي مهله انا شفت حالات انفجار كاوتشات كتير وكانت بتعدي علي خير عشان كانت السرعات لا تتجاوز 80 وقتها لكن علي 150 هتبقي هي دي النتيجه

خلاصته يا ريت يا جماعه نحط ف حسابنا واحنا ماشيين ان العربيه دي اله وارد اي خطأ فيها يضيعك وارد بتاع الكاوتش يكون زود االكاوتش درجتين زياده وهو مش واخد باله في التاني السلامه وفي العجله الندامه

رد: حاجه هتجنني
 

:GROWIN~12::GROWIN~12:

رد: حاجه هتجنني
 

شكر وتقديرشكر وتقديرشكر وتقديرشكر وتقديرشكر وتقدير

رد: حاجه هتجنني
 

خالص الشكر والتقدير والعرفان ،،،،

يا جماعة ... لازم كل شوية نتذكر هذا الكلام ... يجب ألا تغرنا السرعة وأن الواحد نجح أنه يعدى من حد تانى ... العقل زينة .

تذكر أن هناك من ينتظرك ..

تذكر أن العمر أقصر مما تتخيل .. فلا تهدره

تذكر أخطاء الغير الواردة قبل أن تتذكر إمكانيات سيارتك أو إمكانياتك فى القيادة

مع أطيب تمنياتى للجميع بالصحة والسعادة والسلامة ،،،،،

Zazoksh - Cairo, EGYPT

رد: حاجه هتجنني
 

ربنا يعفو عنا
شكرا للمشاركةROSE4U

رد: حاجه هتجنني
 

:12EA7A~153:
:010104~171:
اللهم استر طريقنا جميعاً يا ارحم الراحمين

رد: حاجه هتجنني