|
الوزير جاى
منذ الاسبوع الماضى وإداره المستشفى العام تقف على قدم وساق عشان الوزير جاى .....حمله نظافه ....حمله دهان للحوائط والأرصفه .....حمله تفتيش ومتابعه من المحافظه على الحضور والانصراف ....قلنا ماشى واجب تكون المستشفى نظيفه ونحن منضبطين مادام وزير الصحه جاى ....
واليوم منذ الثامنه صباحا وسيارات الشرطه المسلحه وضباط الشرطه والامن وجميع القيادات فى ساحه المستشفى فى إنتظار الوزير ....لودر شركه النظافه الخاصه يجوب المستشفى لإزاله المخلفات وتمهيد الطريق للوزير .. الساعه 11 صباحا جاء الوزير .....ونفاجأ بأن الوزير القادم هو وزير الاتصالات وليس وزير الصحه ....جاء للموافقه على عمل شبكه إتصالات للكومسيون الطبى لربطه بالكومسيون العام على مستوى الجمهوريه .. جاء الوزير فى موكب من 20 عربيه سوداء منها جيب ومرسيدس وحراسات خاصه بالرشاشات و20 عربيه أخرى من باقى الموكب نزل منها دواليب لابسين بدل سوداء لإكمال الزفه ...والمحافظ وأعضاء مجلس الشعب الذين انتخبناهم من اسبوعين جائوا من كل فج عميق لإكمال الزفه والحضور للتصوير والظهور فى الفيديو مع الوزير ... لم يستمر وجود الوزير بالمستشفى سوى 10 دقائق بالتمام والكمال وغادر المستشفى بالزفه والموكب المهيب . حزنت جدا ياساده .....مازلنا نعيش فى النفاق ....مازلنا نصنع الفرعون ....مازلنا نعيش بثقافه الماضى ....لم يحدث تغيير ....والذى أحزننى أكتر أن أعضاء مجلس الشعب إللى إنتخبناهم تاهوا فى الزفه .... |
رد: الوزير جاى
اقتباس:
|
رد: الوزير جاى
اقتباس:
ولكن التغيير المطلوب مش هاييجي من فوق .. التغيير تصنعه ارادة التغيير عند الشعوب احنا غيرنا واقع سياسي لاننا وقفنا ضد فئة فاسده وواجهناها .. فاضل الواقع الاجتماعي الفاسد تماما وفيه صعوبه جامده جدا في تغييره لان المطلوب ان الواحد فينا يقف قدام نفسه ويواجه نفسه ... وهنا الصعوبه واحيانا بنهرب من مواجهه نفسنا باخطائنا ونشغل نفسنا بمعارك خارجيه مع قوى وافراد تانيه في المجتمع واحيانا بنحمل كل الفشل الاجتماعي عليهم .. وغالبا بننتظر ان الحكومه (ايا كانت الحكومه وطني اخوان علماني عسكري ) تعمل هيا التغيير وتغيرنا بمعرفتها .. يعني ممكن مثلا ينزلولنا حبوب التغيير في الاجزخانات والشعب ياخد حبايتين .. هووووب يبطل نفاق وغباوة وكسل وفهلوة ووووووو ... ويجعله عامر وربنا ما يحرمنا من مواضيعك يا د كمال :wave2W21: |
رد: الوزير جاى
لا حول ولا قوة الا بالله فعلا لسه النفاق بتاع عصر مبارك زى ما هو يارب نتغيييير بقى الواحد زهق من النفاق اللى فى كل حته ده |
رد: الوزير جاى
لسه زي ما احنا والعيب مش في الحكومه ولا في مجلس الشعب العيب فينا احنا يا دكتور كمال
|
رد: الوزير جاى
لا حول ولا قوة الا بالله........
حصلت معايا ايام تكليفي وكان المحافظ والدنيا قامت وفي الاخر معداش علي صيدليه المستشفي.......ما نابني غير انه قاعدني بالبلطو طول فتره تواجده ........... |
رد: الوزير جاى
اقتباس:
اقتباس:
اقتباس:
|
| الساعة الآن 07:49 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017