طلب عاجل وهام - ازاي اروح استاد القاهره من الصحراوي
 

السلام عليكم رجالة المنتدي الافاضل ازاي لو سمحتم اروح استاد القاهره من الطريق الصحراوي انا جاي من اسكندريه ورايح ماتش الاهلي والمقاولون النهارده ياريت رد بسرعه لو سمحت انا عارف اني متاخر في السؤال بس عارف ان حضراتكم اكيد حتلحقوني ان شاء الله وياريت لو حد يعرف اماكن الرادارات علي الصحراوي

رد: طلب عاجل وهام - ازاي اروح استاد القاهره من الصحراوي
 

ياريت لو تكرمتم الباب بتاع المقصوره :fun_36_3_9[1]:

رد: طلب عاجل وهام - ازاي اروح استاد القاهره من الصحراوي
 

اسكندراني كنت نفسي افيدك للاسف بس انت معاك تليفون ايه ممكن يكون فيه جي بي اسHPPYBUS

رد: طلب عاجل وهام - ازاي اروح استاد القاهره من الصحراوي
 

شكرا ياكبير انا معايا بلاك بيري بس فكك من حوار الجي بي اس والخرايط ده في مصر مابياكلش خالص

رد: طلب عاجل وهام - ازاي اروح استاد القاهره من الصحراوي
 

بالعكس انا معايا بلاك بيري والجي بي اس بيظبط معايا جدا كنت رايح افطر في الحسين في رمضان ولا افقه شيء وده اللي ظبطني حاول تظبطه من دلوقتي وتحاول فيه

رد: طلب عاجل وهام - ازاي اروح استاد القاهره من الصحراوي
 

بص يا باشا انت هتطلع كوبري اكتوبر وهتفضل ماشي هتقابلك نزلات كتير عليه زي التحرير وغمره والعباسيه متنزلش وافضل مكمل لحد ما تلاقي النزلة بتاعت مدينة نصر او الاتوستراد هتنزلها بعدها ب100 متر هتلاقي الاستاد على ايدك الشمال وجامعة الازهر على ايدك اليمين انما حوار بوابة المقصورة الصراحه معرفش بس انت روح واسأل

رد: طلب عاجل وهام - ازاي اروح استاد القاهره من الصحراوي
 

الف شكر ياباشا بس انا حاوصل لكوبر اكتوبر ازاي انا اعرف اوصل لحد ميدان لبنان بس كوبر اكتوبر اطلعه ازاي وبعدين اعرف من اين نزلة مدينة نصر دي وبعدين علي ما اتذكر كوبر اكتوبر بيجي في حته ويبقي ليه فتحتين قد بعض بالظبط انا ادخل انهي فتحه فيه ده تقريبا بيبقي قبل الكورنيش ياريت تفيدني لو سمحت:08da300846c84943ae1