مصر موتورز مجتمع السيارات - (كلابش العجل - كلابش الدريكسيون بالدبرياج - كلابش الطارة - 3 لمبات و كشاف) حل سريع مع جيرانى لتقليل مخاطر السرقة

مصر موتورز مجتمع السيارات (https://www.masrmotors.com/vb/index.php)

- مكافحة سرقة السيارات (https://www.masrmotors.com/vb/forumdisplay.php?f=193)

(كلابش العجل - كلابش الدريكسيون بالدبرياج - كلابش الطارة - 3 لمبات و كشاف) حل سريع مع جيرانى لتقليل مخاطر السرقة

بعد ما حدث امس و تعرض سيارة جارى للسرقة و تعرض سيارتى لمحاولة السرقة قمت بما يلى
- قمت بشراء كلابش للعجلة ب 160 جنيه و شراء كلابش للدريكسيون بالدبرياج ب 60 جنيه و ناوى اجيب كلابش للطارة و تمنه 38 جنيه بس لسه مش عارف ينفع اركب الاتنين مع بعض ولا لأ
- اتفقت مع جيرانى على تركيب ثلاث لمبات موفرة و متوزعة على مدخل البيت و يتم اضائتها من 10 مساءا للصبح كنوع من تنوير المكان اكثر و يكون سبب فى هروب الحرامية منه
مع تركيب كشاف ايضا يعمل تلقائيا عند قطع الكهرباء
ملحوظة : الكلابشات اللى كانت متوفرة كالتالى
كلابش عجل ب 160 و ده عرض لانه فى سبنس ب 192
كلابش للعربية الاوتوماتيك يربط الهاند بريك بالجير بوكس و ده تقريبا كان ب و هذا 35 و هذا نوع ردىء فهناك نوع اخر فى سبنس ب 123 و هو قوى جدا
كلابش يربط الدريكسيون بالدبرياج و هذا فيه منه نوعان الاول ب 35 و الاخر و هو الاقوى ب 60
كل هذه الاساليب هى فقط لابعاد الحرامى عن السيارة لان لو المكان هادى و هس هس اعتقد انه يقدر يفور كل ده بحقنة مية نار خام من بتوع المدابغ

لى سؤال هل كلابش الطارة مفيد لان البعض اخبرنى بانه مالوش لزمة لان الحرامى بيفك الطارة كلها
السؤال الاخر اربط الدريكسيون بالدبرياج ام البنزين ام الفرامل لان مكتوب على الكلابش انه يتربط بالفرامل و انا مستغرب ده
كلابش الاوتوماتيك

كلابش الدريكسيون بالفرامل الرمادى هو اللى ب 60 و الاحمر ب 35

رد: (كلابش العجل - كلابش الدريكسيون بالدبرياج - كلابش الطارة - 3 لمبات و كشاف) حل سريع مع جيرانى لتقليل مخاطر السرقة

:fun_36_3_4[1]::12422A~17:

لو سمحت ايه هو كلابش العجل ده وبيركب ازاي وبيتباع فين
تحياتي

كلابش العجل ده عبارة عن كلابش بيمسك فى العجلة و يمنعها من التحرك بس هو طبعا مش بنفس متانة كلابش المرور و لا حتى خمس متانته لكن اهو احسن من مافيش
بيتباع فى كارفور و هايبر و سبنس و ممكن تلاقيه فى محلات قطع الغيار الضخمة و الاكسسوارات الكبيرة
تمنه الاصلى 192 و فيه عرض عليه فى هايبر ب 160
هاحاول لما انزل اصوره و انزل صورته

طب ما تحطها فلا جراج و تريح دماغك:010104~171:

طيب ما احسن من المصاريف دي كلها تعمل زرار فصل لطرمبة البنزين وزرار فصل المارش وتحط الزرار في مكان محدش يعرفه غيرك

استاذ هشام
اكتوبر مافيهاش جراجات الا لو واحد فى بيته جراج فده بيبقى لسيارته و اكيد لو فيه جراج مكنتش عملت كل ده
استاذ كورسر
انا بالفعل باخد فيوز طرمبة البنزين معايا بس حتى الفيوز و المفاتيح الخفية فدى بتبقى اسهل للحرامى فى الوصول ليها لكن الحاجات التانية دى بتاخد وقت منه شوية و بتخنقه عن موضوع المفتاح فبيفضل يبعد عنها
كما ان المصاريف لا تتجاوز 250 جنيه و دى مصاريف معقولة فى سبيل حماية سيارة فوق ال 35 الف
خلى بالكم انى بتكلم عن اكتوبر يا جماعة و اللى عايش فى اكتوبر فاهم مدى الاختلاف بينها و بين اى منطقة شعبية او منطقة فيها سكان كتير
مثال بسيط اوى
فى شارعنا فقط تم سرقة عربية اوبل استرا و عربية نص نقل و تم محاولة جر عربية 128 فى الفجر و الحمد لله صاحبها لحقها كما تم محاولة سرقة عربيتى و الحمد لله ربنا ستر و متسرقتش