|
حاسس اني اضحك عليا
السلام عليكوا حاسس اني اضحك عليا من واحد معرفة كنت واخده ثقة اشترالي عربية 128 ب 14 الف موديل 80 ومن ساعت ما جبتها وانا كل يوم عند مكانيكي وجبت بطارية جديده وغيرت كذا حاجة والنصيبه الكبره انها مرور المنوفية وانا في الجيزة وباقي علي نهاية ترخيصها 5 شهور انا جتلي عقدة من العربيات وجيت اعرضها للبيع مجبتش 9 الف جنيه ومش عارف اعمل ايه دلوني اعمل ايه ابوس ايديكم .
|
رد: حاسس اني اضحك عليا
هى ممكن تجيب اكتر لو صبرت شوية,
بس عموما ال128 يمكن اعادة بنائها بسعر معقول, فالأفضل لك انك تحاول تضبطها و تحافظ على صيانتها قدر الامكان. |
رد: حاسس اني اضحك عليا
حاول تصلحه ىبشكل معقول وامشى بيه فترة الى ان تغيره ولكن لاتغيره الان هو ده الحل
|
رد: حاسس اني اضحك عليا
اوعي تصرف عليها صدقيني العربيه ديه مهما صرفت عليها مش هتتعدل انصحك تبيعها عشان هتوخ كمان عند ترخيصها وهتبهدل وحاول اللي جبهالك يحاول يشوفلك بيعه ليها بس ارجوك وضح للي هيشتري عيوبها واطلب فيها السعر اللي انت عايزه عادي واتبع كلام رسولنا الكريم من غشنا فليس منا
|
رد: حاسس اني اضحك عليا
انصحك بتظبيت السياره وان تركبها لمده سنه على الاقل حتى تعوض خسارتك فحاول ان تستفاد منها والله يعوض عليك
|
رد: حاسس اني اضحك عليا
الـ128 عربية سيئة جدا وبتطلب قطع غيار ديما وسعرها اكيد في النازل الله يسامح صاحبك يلي نصحك بيها |
رد: حاسس اني اضحك عليا
رقم واحد قصة المرور مش مشكلة هاتشوف حد يرخصهالك وتعمله توكيل وممكن ابعتلك رقم حد على الخاص رقم اتنين انا مع انك تخليها سنة على الاقل وتصليحها سهل رقم تلاته كل المستعمل بيصرف تصليح كتير |
| الساعة الآن 02:29 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017