مشكلة غريبة على اللوجان - ارجو المساعدة
 

السلام عليكم و رحمة الله و بركاته

هذه اول مشاركة لى فى هذا المنتدى الرائع الذى افادنى كثيرا و جعلنى اشترى السيارة الرائعة رينو لوجان
السيارة موديل 2011 و هى عاملة 4000 كيلو تقريبا يعنى من الاخر لسه طازة
بس للأسف فوجئت بمشكلة تقريبا عندى انا بس حسب كلام حضراتكم و كلام كل مالكى هذه السيارة الا و هى العفشة :12F099~16:
انا باحس بالمطبات و النقر بشكل زايد عن الحد يعنى باحس ان العربية بتتهبد ... و دى حاجة اظنها غريبة على حضراتكم لأنكم بتشكروا فى العفشة لكن والله هى دى الحقيقة عندى.
مش عايز اطول عليكم .... اتمنى انكم تساعدونى و تتحل المشكلة دى معايا
شكرا لحضراتكم مقدما .

رد: مشكلة غريبة على اللوجان - ارجو المساعدة
 

هو زي مانت قولت .... ديه اول مره حد يشتكي من العفشه فيها... بس مش محتاجه حيرة... روح التوكيل في صيانة الخمسه وقوله... لو فيه حاجه هايعملوها... طلاما لسه في الضمان خد حقك
وان شاء الله تطلع سليمة
تحياتي

رد: مشكلة غريبة على اللوجان - ارجو المساعدة
 

سؤال : هل ظبطت الكاوتش بعد ما استلمتها لان الكاوتش بيبقى جاي مظبوط على 40 وده ممكن يكون هوا اللي بيديك الاحساس بالهبد مع الحفر والمطبات

رد: مشكلة غريبة على اللوجان - ارجو المساعدة
 

انا ظبطت الكاوتش اكتر من مرة ( اول مرة كانت بعد ما استلمت باسبوع تقريبا )
و لول دى المشكلة فعلا المفروض اعمل ايه ؟

رد: مشكلة غريبة على اللوجان - ارجو المساعدة
 

اظبط على 28 قدام و32 ورا وجرب كده ان شاء الله تلاقي العربيه اتغيرت معاك

رد: مشكلة غريبة على اللوجان - ارجو المساعدة
 

شكرا لرد حضرتك
انا هاجرب ... و اتمنى ان تكون المشكلة بسيطة و مش عافشة ولا حاجة

رد: مشكلة غريبة على اللوجان - ارجو المساعدة
 

هو ازاى يعنى 28 امامى و32 خلفى ؟؟؟؟؟؟؟؟؟؟؟؟؟ المفروض العكس لان تقل العربيه امامى وبالتالى لازم تتقيد بالمقياس اللى فى الكتالوج واعتقد انه امامى 32 وخلفى 30 هو ده المنطق ويفضل انك تستعمل نيتروجين