مصر موتورز مجتمع السيارات - جوليت خلاص أنا تعبت معاها

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - جوليت خلاص أنا تعبت معاها (https://www.masrmotors.com/vb/showthread.php?t=77055)

جوليت خلاص أنا تعبت معاها

السلام عليكم
أنا معايا جوليت99 ماشيه حوالي 124 الف تقريبا
عندي كام مشكله
استهلاك بنزين بقي عالي قوي يعني ماشي مشوار من الفيوم الي الجيزة حوالي 90. كيلو أخذت نصف التنك إلا شرطها
العربيه آخرها 160 كليو في ساعة لمبه التشيك تنور مني
بلاقي زيت عند الكرسي بتاعي بعلم ان غيرت حاجه كده 10 جنيه عند بتاع العفشه*
لما بكون وأخذ معايا ناس كتير بسمع صوت تزيقها في الخلف الشمال*
العربية في الفترة الاخيرة لما بكون ماشي فوق 100 بلاقي راعشة بالعلم لسه عامل ترصيص عند غطاطي بتاع فيصل
صحيح العربية كانت به تحديف مني يمين روحت ليه بتاع العفشة قال ليه الزوايا تمام أنتا رصص كويس لما رصصت العربية بقت بتحديف شمال*
الفيتيس بيعلق معايا ع الاول او لما ارجع ليه الخلف*
طبعا الكل عارف ان فرامل العربية زباله عايز اعدل فيها اعمل ايه*
نفسي أركب جنوط 16 و عفشة رياضيةً*
حاجه اخيره
أنا بحط زيت موبيل وان 3000 لو في زيت أحسن برجاء النصيحة*
صحيح الافضل أحط بنزين 90 ولا 92 أنا حاليه بحط 92
أحسن زيت ليه فيتيس ايه
أنا غيرت فلتر هوا - بنزين- بوجيهات السلك بتاعها - طقم رشاشات عند 100000الف - كوتش*
عملت تشيك ع العربية ع كمبيوتر قال العربية سليمه
أنا سمعت ان الجيش عامل صيانة ليه جمهور عند إدارة المركبات ده كويس ولا وحش*

أنا أسف جداً لوجع دماغكم بالعربية معليش والله اصل العربية ده غاليه عليه وتقريبا عايش فيها لأني علي طول بسافر بها*

رد: جوليت خلاص أنا تعبت معاها

انت من الفيوم وال ايه ابق كلمنى خاص نشوف حل لموضوعك ولو خنقاك خالص بيعها وجيب حاجه تانية
ميزة الجوليت الوحيده فى الصيف ان التكييف بيكون قوى لاكن غير كده زيها زى اى عربيه هاتش باك

رد: جوليت خلاص أنا تعبت معاها

اقتباس:

المشاركة الأصلية كتبت بواسطة esafegypt (المشاركة 595450)

ابيع ايه لا طبعا
العربيه معايا السحب الله واكبر
العربية فبريكة من بره و من جوه
انا واخده ماشيه 90000 الف كانت مرفوعه
انا بس عايز اشيك عليها واظبط كل حاجه فيها تكون 100%
واعرف من اهل الخبره
شكرا ليك يا باشا ع المتابعة

رد: جوليت خلاص أنا تعبت معاها

خش هنا هتلاقى عناوين المراكز اللى الاعضاء بيشكروا فيها
http://masrmotors.com/vb/forumdisplay.php?f=202

رد: جوليت خلاص أنا تعبت معاها

اقتباس:

المشاركة الأصلية كتبت بواسطة esafegypt (المشاركة 595664)

خش هنا هتلاقى عناوين المراكز اللى الاعضاء بيشكروا فيها
http://masrmotors.com/vb/forumdisplay.php?f=202

:GROWIN~12::balloons71::G ROWIN~12::balloons71:

رد: جوليت خلاص أنا تعبت معاها

اقتباس:

استهلاك بنزين بقي عالي قوي يعني ماشي مشوار من الفيوم الي الجيزة حوالي 90. كيلو أخذت نصف التنك إلا شرطها
العربيه آخرها 160 كليو في ساعة لمبه التشيك تنور مني

تعمل سكان تانى عند حد تانى لان الاولانى اللى قاللك العربية تمام لسبب ما معرفش يستخدم السكان صح او معرفش يقراه يا انت روحتله قبل اللمبة ما تنور اول مرة

اقتباس:

بلاقي زيت عند الكرسي بتاعي بعلم ان غيرت حاجه كده 10 جنيه عند بتاع العفشه*

عند الكرسى !! ؟
متقدرش تحدد جاى منين ؟
لانه غاليا جاى من علبة الباور و لو كده فعلا حتحتاج تغير اويل سيل علبة الدركسيون

اقتباس:

لما بكون وأخذ معايا ناس كتير بسمع صوت تزيقها في الخلف الشمال*

لو مش عالى اوى مش مشكلة و يفضل تروح لعفشجى كويس يحدد سبب الصوت

اقتباس:

العربية في الفترة الاخيرة لما بكون ماشي فوق 100 بلاقي راعشة بالعلم لسه عامل ترصيص عند غطاطي بتاع فيصل
صحيح العربية كانت به تحديف مني يمين روحت ليه بتاع العفشة قال ليه الزوايا تمام أنتا رصص كويس لما رصصت العربية بقت بتحديف شمال*

بالنسبة للرعشة يا فى جنط معوج و محتاج استعدال يا الكاوتش فيه عالى و واطى

بالنسبة للحدف هل بتحس ان الدركسيون عايز يلف و تضطر تمسكه جامد و لا الكلام ده لما تسيبه
و هل دايما لما تسيبه تحدف شمال و لا ساعات يمين ؟ لو ساعات شمال و ساعات يمين يبقى العربية مفيهاش حاجة

اقتباس:

الفيتيس بيعلق معايا ع الاول او لما ارجع ليه الخلف*

طبيعى فى اللانوس الاول بيعلق بالاخص لو كنت ماشى و هديت لكن لو بطيىء قوى او كنت واقف بيجى نوعا ما سهل
المارشيدير فى كل الماركات ساعات يعلق ساعتها شيل رجلك خالص من الدبرياج و ارجع دوس تانى

اقتباس:

طبعا الكل عارف ان فرامل العربية زباله عايز اعدل فيها اعمل ايه*

فى ناس بتغير لطنابير نوبيرا و فرامل و ماستر و سيرفو نوبيرا

اقتباس:

أنا بحط زيت موبيل وان 3000 لو في زيت أحسن برجاء النصيحة*

تقصد موبيل xhp ؟
عن نفسى بحط شيل هيلكس الترا و بغيره على 20 الف بس المهم المتابعة و التزويد عند الضرورة
مش حقولك اعمل زيى بس ممكن لو زيت تخليقى محترم المفروض على الاقل يقعد 15 الف

اقتباس:

صحيح الافضل أحط بنزين 90 ولا 92 أنا حاليه بحط 92

اقتباس:

أحسن زيت ليه فيتيس ايه

انت عايز تغيير زيت الفتيس ليه ؟ و لا عايز تزود ؟

اقتباس:

أنا غيرت فلتر هوا - بنزين- بوجيهات السلك بتاعها - طقم رشاشات عند 100000الف - كوتش*
عملت تشيك ع العربية ع كمبيوتر قال العربية سليمه

بما ان الكاوتش جديد يبقى تشك اكتر ان الجنوط معوجة عشان كده بترعش بالرغم من الترصيص و احتمال تانى ان ممكن الطنابير فيها مشكلة

رد: جوليت خلاص أنا تعبت معاها

اقتباس:

المشاركة الأصلية كتبت بواسطة احمد على 1999 (المشاركة 595956)

تعمل سكان تانى عند حد تانى لان الاولانى اللى قاللك العربية تمام لسبب ما معرفش يستخدم السكان صح او معرفش يقراه يا انت روحتله قبل اللمبة ما تنور اول مرة

عند الكرسى !! ؟
متقدرش تحدد جاى منين ؟
لانه غاليا جاى من علبة الباور و لو كده فعلا حتحتاج تغير اويل سيل علبة الدركسيون

لو مش عالى اوى مش مشكلة و يفضل تروح لعفشجى كويس يحدد سبب الصوت

بالنسبة للرعشة يا فى جنط معوج و محتاج استعدال يا الكاوتش فيه عالى و واطى

بالنسبة للحدف هل بتحس ان الدركسيون عايز يلف و تضطر تمسكه جامد و لا الكلام ده لما تسيبه
و هل دايما لما تسيبه تحدف شمال و لا ساعات يمين ؟ لو ساعات شمال و ساعات يمين يبقى العربية مفيهاش حاجة

طبيعى فى اللانوس الاول بيعلق بالاخص لو كنت ماشى و هديت لكن لو بطيىء قوى او كنت واقف بيجى نوعا ما سهل
المارشيدير فى كل الماركات ساعات يعلق ساعتها شيل رجلك خالص من الدبرياج و ارجع دوس تانى

فى ناس بتغير لطنابير نوبيرا و فرامل و ماستر و سيرفو نوبيرا

تقصد موبيل xhp ؟
عن نفسى بحط شيل هيلكس الترا و بغيره على 20 الف بس المهم المتابعة و التزويد عند الضرورة
مش حقولك اعمل زيى بس ممكن لو زيت تخليقى محترم المفروض على الاقل يقعد 15 الف

92

انت عايز تغيير زيت الفتيس ليه ؟ و لا عايز تزود ؟

بما ان الكاوتش جديد يبقى تشك اكتر ان الجنوط معوجة عشان كده بترعش بالرغم من الترصيص و احتمال تانى ان ممكن الطنابير فيها مشكلة

انا قولت له سيكا ميعرفش فى جهاز الكشف على العربيات وهيفتيلك وهيقول لك العربيه كويسة او فيها فيل وهو مصدقنيش هههههههههه انزل القاهره يا معلم واكشف عليها فى اى مركز محترم وهيقول لك اللى فيها وبالنسبة لباقى المشاكل
اولا تغير العفشجى
ثاني شئ وانت فى القاهره تظبطت كل المشاكل اللى عندك بردوا فى نفس المركز اللى هيكشف لك على العربية وانا ارجح لك المركز اللى فى شارع العريش فى الهرم او اللى فى العمرانية امام الكنيسة وابق طمنا عملت ايه