سؤال مش لاقى ليه اجابه
 

السلام عليكم
انا من كام يوم ست عن الافضل مابين الصنى والاوبترا والجين 2 وماحدش رشحلى الجين 2 والحقيقه ان معجب جدااااااااااااااااااااااا ااااااااااااااا بالجين 2 وهموت واجيبها بس كل ما اقول لحد يحسسنى انى عبيط ازاى تسيب الصنى والاوبترا وتجيب عربيه قطع غيارها نار وتوكيلها سئ للغايه يابنى خليك فى المضمون الصنى ومن بعدها الاوبترا واراء اخرى تقولى طالما هتقسط بلاش تزود على نفسك وهات لوجان او byd واخر حاجه صاحبى قالى ان السكالا هى الصنى وتمنها مانوال 82 الف والصنى 89 مش عارف السؤال ليه اجابه عندكم ولا لأأ
هو انا هاندم لو جبت الجين 2 ومسمعتش كلام الناس وهل فعلا الصنى افضل
وهل اللوجان وال byd عربيات كويسه وااوفر فلوسى
انا بقالى شهور عمال اسال واعمل مواضيع على الموقع هاتجنن من الحيره ياريت حد ينصحنى انا خبرتى قليله جداااااااااا فى العربيات
مستنى الرد

رد: سؤال مش لاقى ليه اجابه
 

لا يعيب الجين 2 الا وكيلها واحتكارة لقطع الغيار
حتى لا تحدث مشاكل عليك بالالتزام مع هذة السيارة بكتيب التشغيل ومواعيد الصيانات الدورية
:01FDAB~189:

رد: سؤال مش لاقى ليه اجابه
 

يا ريت يا صديقي العزيز تحدد لي ما هو طلبك في العربية و ميزانيتك و المدة التي ترغب فيها باقتناء السيارة

رد: سؤال مش لاقى ليه اجابه
 

انا عايز عربيه جميله الشكل وقويه تستحمل المشاوير وتكون واسعه وعاليه عن الارض وانا مش ناوى اغير خالص انا عايز عربيه تفضل معايا لسنين باذن الله هل تنطبق هذه المواصفات على الجين 2

رد: سؤال مش لاقى ليه اجابه
 

اعتقد المواصفات دي تنطبق علي اللوجان اكتر من اي عربيه في اختياراتك
وبرضوا استني رد الاعضاء

رد: سؤال مش لاقى ليه اجابه
 

هل رأى حضرتك اللوجان افضل من الجين 2 اللى اعرفه ان مشكله قطع الغيار الغاليه موجوده بردو فى اللوجان يمكن بشكل اقل من الجين 2 بس بالنسبه لقوة المحرك والشكل الخارجى وعوامل الامان abs , airbag دى مش موجوده فى اللوجان ولو ان فى فرق سعر 15 الف لمصلحة اللوجان عموما متشكر لحضرتك وانتظر رأى باقى الاعضاء واكرر السؤال المحير
هى الجين 2 كمجمل عربيه وحشه وهاندم لو جبتها واوفر فلوسى احسن واجيب لوجان او byd
منتظر

رد: سؤال مش لاقى ليه اجابه
 

:14FEAD~151:
لوجان ثم لوجان ثم لوجان

ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان عند حوض الماتور ودا مش موجود فى فئتها
من ضمن العربيات القليلة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
مسالة قطع الغيار
* قطع الغيار بدات فى الانتشار الفانوس الامامى ب 200 جنية والخلفى ب 150
وجوز المقصات ب 400 جنية وبكدة مسالة تفاضل الانوس بسبب قطع الغيار اصبح مالهاش لزمة

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
http://www.loganclub.ro/
نوع العربية

Preference 1.6 MPI 90 CP




-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور

http://masrmotors.com/vb/showthread.php?t=67787

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم


دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى


http://masrmotors.com/vb/forumdisplay.php?f=160

وبس يا سيدى وان شاء الله ربنا يوفقك فى اختيار العربية المناسبة لك