الشنطه مش بتفتح خالص..
 

السلام عليكم

من شويه رحت مشوار بالعربيه المهم جيت افتح الشنطة بالمفتاح مش بتفتح المفتاح مش عايز يلف للاخر ..

جيت احاول من جوة العربيه مش بتفتح خالص زي مايكون في حاجه موقفاه..

هل دي ينفع تتزبط ولا لا لان مش عارف هتتفتح ازاي؟؟

ياريت الرد لو سمحتم الموضوع خانقني اوي :(

وشكراً

رد: الشنطه مش بتفتح خالص..
 

أنا سعات بتحصل معايا بس مش بتفتح من جوة عشان الوير عايز يتظبط أو بمعنى أصح عايز يتلجلش بس بتتفتح من برة عادى أنا معايا كورولا 2010 و لما أروح أعمل الصيانة بيطبطوها و تبقى زى الفل لا داعى للقلق دى حاجة بسيطة جدا

رد: الشنطه مش بتفتح خالص..
 

رد: الشنطه مش بتفتح خالص..
 

الكنبة مش بتتفتح بس انا ممكن افكها عادي بس حتي لو فكيتها وراها حديدتين يعني مش هعرف حتي ادخل الشنطه وصراحه خايف اروح لسمكري يخرب الدنيا لانهم مش هيفكرو قد ماهيهبدوها لحد ماتفتح من واقع تعلاملاتي معاهم

يامسهل ..

رد: الشنطه مش بتفتح خالص..
 

السلام عليكم انا معايا تيوتا وليها فترة بتعمل معايا كده لما اجى افتح الشنطة معايا واحد صاحبى فالشغل قولتله على اللى بيحصل معايا جابلى علبة زى البيرسول بس انا للامانه معرفش اسمها ودخل المفتاح ورش شويه ريحته عامله زى الجاز وبعد كده رجعت زى الاول وتفتح من اول مرة

رد: الشنطه مش بتفتح خالص..
 

من كلامك واضح ان الموضوع حاجه من اتنين . اما ان يكون الموضوع مجرد زرجنة كالون . ودى حاجه بسيطه ممكن بشوية معافره مع سائل تنظيف تفك وتقدر تفتحها . واما ن حد لاعب فى الكالون ودى مش حاتتفتح الا من الداخل وفى الحاله دى حاول تفك ظهر الكنبه ويكون بالنهار بحيث تقدر تشوف جوه الشنطه . وبعدين حاول تنفد جوه الشنطه اى طفل وتتابع معاه من جوه الصالون لغاية ما توصلوا لطرقة فتحها . ولو ما وصلتش لحل مش حايكون أمامك سوى التوجه لأى واحد كالونجى وتشطرط عليه قبل ما يمد ايده على العربيه ان مايحصلش ولا خدش واحد .
وربنا يوفقك .. وطمنا FLASHCar

رد: الشنطه مش بتفتح خالص..
 

ها ترش اسبراى WD40 فى فتحة المفتاح وهو موجود فى محلات قطع الغيار و ممكن ترش اماكن مفصلات الابواب و الكبوت والشنطة والمرايات