سؤال: عن علاقة بين تلف الكبالن الخارجية والداخلية وعلو العربية ؟
 

هو سؤال بسيط هل يوجد علاقة ما بين تلف الكبالن الداخلي والخارجي و علو العربية من قدام ؟
الاستفسار ده علشان الراجل بتاع الكبالن بيقولي ان العربية عالية من قدام وده السبب ان العربية كل شوية الكابلن بتاعتها بتبوظ بسرعة؟ !!!!
لنل فعلا مستغرب من هذه العلاقة الغريبة !!!

رد: سؤال: عن علاقة بين تلف الكبالن الخارجية والداخلية وعلو العربية ؟
 

نعم يوجد علاقه

وكلام الراجل مظبوط

رد: سؤال: عن علاقة بين تلف الكبالن الخارجية والداخلية وعلو العربية ؟
 

علي حد علمي والله اعلم
اولا لا علاقه بعلو السياره بالكبالن
ثانيا دايما الكبالن بتبوظ بسرعه للأسباب الاتيه
1- شاسيه العربيه يكون مفتوح
2-الملفات علي العاصي والامركه والخمسات وخلافه
3-تلف في كاوتش الكبالن أوصلايب الكبالن :GROWIN~12:-

رد: سؤال: عن علاقة بين تلف الكبالن الخارجية والداخلية وعلو العربية ؟
 

الف شكر للايضاح :
بس هو العلو مش كبير قوي بمعني هو علو العجلة عن الرفرف حوالي 5 سم ؟
هو العربية فعلا عالية من قدام بزيادة ملحوظة عن وراء . لما في حد بيركب قدام مفيش هبوط للمساعدين من قدام خالص ولما في حد بيركب وراء بيحصل هبوط في الكنبه الخلفية يمكن ده سبب مشكلة اتلاف الكبالن الداخلي.

بس هو في حاجة ان في واحد ميكانيكي قالي ان الكورونه بتاعة الفتيس العادي باظه فيها سنه متأكله وهي اللي بتعمل كده مع كل كوبلن سواء كان جديد او استيراد جديد مع العلم بان الاستيراد لما ركبته قاعد في العربية حوالي ثلاثة شهور وبعدين الكبالن الداخلية عمل طقطقة وبعد كده لما ركبت الجديد تايواني قاعد كويس بعد سته شهور سمعت الطقطقه.:w6w2005041122363 76d
منتظر مشكاركتكم
الف شكر

رد: سؤال: عن علاقة بين تلف الكبالن الخارجية والداخلية وعلو العربية ؟
 

العلاقه بين العلو من الأمام وتعرض الكبالن للتلف علاقه طرديه

بمعنى

كلما زاد العلو .....كلما كانت الكبالن أكثر عرضه للتلف

الكبالن التايوانى غير معمره

وطالما مفيش صوت بيصدر من الفتيس ....يبقى كورنة الفتيس سليمه

----------------

عموما يا أستاذ : سامح

حاول تجيب نوع كبالن كويس ( يابانى أو ألمانى أو كورى ) حسب المتاح لسيارتك

وفى نفس الوقت

حاول تغير الجوز سوست الخلفيين

هتلاقى آداء كويس ومعمر ( بإذن الله )

رد: سؤال: عن علاقة بين تلف الكبالن الخارجية والداخلية وعلو العربية ؟
 

ياجماعة ممكن مساعدة انا اشتريت عربيه فيات 128 موديل 77 :fun_36_1_47[1]:
وعندى مشكلة متكرره وهى حدوث تخبيط شديد عند الكبالن مثل حركة الهيلتى الدقاق والعربيه توقف وماتتحركش ولما احاول امشى تانى يشتغل الخبط وبشكل مزعج كما زكرت بالتشبيه مثل الهلتى الدقاق ورحت للميكانيكى قالى دى عايزه ورده وبعد كده مشيت يومين كويس ورجعت ريما لعادتها وبعدين روحت تانى قالى دى صليبه وركب صليبه وبعد 4 ايام حدثت نفس المشكلة :k_crying77[1]: وكمان وانا ماشى على الاسفلت الناعم بحس ان العربيه ماشيه على مطبات سوقسوق اسف على الاطالة وارجو الافاده ايه اللى بيحصل ده :w6w200504112220146b

رد: سؤال: عن علاقة بين تلف الكبالن الخارجية والداخلية وعلو العربية ؟
 

دى صليبة الكوبلن الداخلى وحصلت معايا كتير والسبب كان فى الاكس كل شويه الصليبة تفلت منه