مطب صناعى !
 

اشكال
1- رفيع وعالى
2-عريض وعالى تلاقى جنبة واحد بتاع شاكمانات كدة على طول
3-رفيع وواطى بردة تلاقى نفس الراجل قاعد
4- عريض وواطى
5- حفرة
6-بلاعة
7-عين قط

انواع
1- اسمنتى " خرسانى"
2- اسفلتى
3- بلاط شيك كدة اسمة انترلوك " 6 اكتوبر" لسة جديد تحت التجربة انا جربتة شخصيا
4- طوب ودبش و اى كلام فاضى

الوان
1- اسود لون الاسفلت
2- اصفر * ابيض
3- بنى لون بلاط الانترلوك
4- رمادى

نهايتة تحس ان المطب الصناعى بقى مشروع كبير والكل شغال فية
انا لبست مطب شكل رقم 2 نوع 3 وضربت فرامل شميت ريحة شياط الكاوتش
فى 6 اكتوبر :cry2W9:
تجاربكم اية يا جماعة مع المطبات
واية الصح
هل افرمل ولا اكلة على كدة ؟

رد: مطب صناعى !
 

مطب من النوع التاني على سرعة 120 في التجمع الخامس
والنتيجة اكصدام امامي مكسور + قنطرة مخبوطة + قلبي وقع في رجلي :)

رد: مطب صناعى !
 

ودة العادى من حكومة بلدنا
مرحباً بك فى مصر بلد الافتكاسات

رد: مطب صناعى !
 

يا عم دي البلد بقي فيها مطبات اكتر من عدد العربيات

رد: مطب صناعى !
 

ألف سلامة وبالشفا المطب.
ماتزعلشي مني بس دي مش مشكلة المطب المفروض تكون فيه لوحة تحذيرية قبليه بمسافة كافية ودا بيتوقف على السرعة القانونية للشارع وحضرتك المفروض تبقى منتبه لهذه اللافتات.
عموما ماتزعلشي دا كاس وماشي على الكل ربنا يستر علينا.
عموما المرة الجاية لما تفاجأ بمطب قدامك تهدي بفرامل جامدة على قد ماتقدر بس لحد قبل المطب وأول ما تاكل المطب لازم تكون شايل رجلك من على الفرامل إطلاقا تخفيفا للأضرار.
ياعني تحاول تهدي سرعتك لو كان عندك فرصة بس وإنتا بتاكل المطب تسيب الفرامل وتدي فرصة للعفشة تبقى حرة لأني الفرامل مع المطب لا يفضل إطلاقا.
طيب أنا هحكيلك على حاجة بقى علشان ماتزعلشي.
فيه مطب شكل رقم 2 من النوع رقم 3 واللون رقم 3.
دا مطب مشهور هنا في الإمارات بيبقى بعرض إشارة عبور المشاه وبيبقى علطول معاه إشارة مشاه (لك أن تتخيل عرضه) وإرتفاعه بكامل إرتفاع باردورة الرصيف وحوافة مع الطريق مائلة بزاوية أقل من 45 علشان تسهل عملية تسلقك الجبل دا طبعا.
المهم مش اي عربية بقى الي كلت "الوحش" دا لاااا دي بي إم الفئة الخامسة ولبس المطب ياباشا لبسسسسسة كان جاي قاااااااااازح والطريق بيلف يمين بس على واسع فا ماكانشي شايف كامل الطريق وماشي بسرعة الضعف عن المقررة تقريبا المهم طاااااااار من على المطب ونزل النحية التانية (أنا شوفت بطن عربيته وهوا جنبي علشان أنا كنت لسة معدي المطب اهو) بس سبحان الله لاقيته كمل في طريقه كإني ما حصلشي حاجة خالص وشوية قدام قام راكن بمنتهى الإحترام ونزل يبص على عربيته (كان خايف من الشرطة الظاهر أو ماكانشي عايز يعمل تقرير حادثة).

رد: مطب صناعى !
 

السلام عليكم
الكارثه ان كل واحد بيبنى (بناء بمعنى الكلمه) مطب قدام بيته او المحل بتاعه
البعض بحجه ان العيال بتلعب فى الشارع واخاف حد يتخبط (احب اقوله لعبت عليك نفسك , ولما تعمل مطب اتقى ربنا فى العربيات) والله فى مطبات ارتفاعها 30 سم وزاويه ميل المطلع 50 الي 60 درجه . ده حرام والله (ميحط رصيف اسهل)
البعض الأخر علشان الناس تبص علي المحل بتاعه وهيه بتهدى علي المطب (وطبعا لو سألته حيقولك برضه علشان العيال)
انا عندي والحمد لله ابنين (مصطفى و يس) يس لسه نونوبس مصطفى مش ممكن ينزل الشارع لوحده ولو فى الشارع بكون ماسك ايده ولو سبت ايده استحاله ينزل من على الرصيف (وطبعا مفيش حد عندنا بيلعب فى الشارع) الخلاصه ان الموضوع موضوع رخامه من ناس بتحاول تسبت لجيرانها انها كبيره فى المنطقه وخيفه على عيالهم

رد: مطب صناعى !
 

مشكور لنقلك لتجربتك ونصحتك:fun_36_1_39[1]: