اعمل عمرة لعربية لانسر كريستالة ولا اغير موتور
 

انا لسة جايب لانسر 99 والمكنة عايزة عمرة مش عارف اعمر ولا اجيب مكنة استيراد
ومش عارف التكلفة فى الحالتين

يا ريت حد يفيدنى

رد: اعمل عمرة لعربية لانسر كريستالة ولا اغير موتور
 

ممكن تفور الموتور للكشف على مكوناته الداخليه

فلو إتضح أن حالة البساتم وغرف الحريق تمام

وستحتاج فقط لطقم شنبر وعمل روديه لصبابات وش السلندر

فهنا نرجح عمل العمره

فهذا أفضل ليك من تغيير الموتور

________________

أما لو إتضح أن حالة البساتم وغرف الحريق والكرنك ( مش كويسه )

يبقى تغيير الموتور أفضل

رد: اعمل عمرة لعربية لانسر كريستالة ولا اغير موتور
 

انا فعلا فكيت الموتور... عشان كان فيه صوت تحت فى السبيكة
العربية عايزة طرمبة زيت وكارتيره زيت + خرط كرنك (( يعنى شكلها كده عمره كاملة يا استاذ سمير ))

رد: اعمل عمرة لعربية لانسر كريستالة ولا اغير موتور
 

انا فعلا فكيت الموتور... عشان كان فيه صوت تحت فى السبيكة
العربية عايزة طرمبة زيت وكارتيره زيت + خرط كرنك (( يعنى شكلها كده عمره كاملة يا استاذ سمير ))

رد: اعمل عمرة لعربية لانسر كريستالة ولا اغير موتور
 

طيب إيه أخبار البساتم وغرف الحريق من الداخل ............؟

وماهى حالة وش السلندر .............؟

هل سيحتاج شىء غير الروديه وتغيير كاوتش الصباب


ولماذا تحتاج لطلمبة زيت ......؟


فهل الكرتيره مخبوطه وإنكسرت مصفاة الزيت مما أثر على الكرنك وسبائكه ....؟

رد: اعمل عمرة لعربية لانسر كريستالة ولا اغير موتور
 

هو قالى طلمبة الزيت ضعيفة ... الكارتيرة كانت شبه سايبة لان مساميرها كانت مفوتة وهنجيب حاجة العمرة كاملة وسالته على موتورها الاستيراد بكام ... قالى النضيف ميقلش عن 5000 جنيه

رد: اعمل عمرة لعربية لانسر كريستالة ولا اغير موتور
 

لو عاوز رأيى صح

سيبك من الميكانيكى ده

وأعرض المكنه على ميكانيكى آخر ( يكون حسن السمعه )