ايه الفرق بين الدوكو العادى والفرن
 

السلام عليكم ورحمه الله وبركاته

عاوز اعرف الفرق بين الدوكو العادى والفرن
انا كنت عارف ان الدوكو الفرن هوا الدوكو العادى بس بيترش جوا الفرن بس سمعت من شويه من واحد زميل كنت بتكلم معاه على الرش وهوا فى شغله بيرش صاج قال لى ان فى الفرن مش بيترش البويه وبيترش بدل منها حبيبات بتلزق على الحاجه اللى بتترش عليها(الكتروستاتيك) و مع حرارة الفرن الحبيبات دى بتسيح و بتعمل سطح البويه اللى بيطلع بعد كده متساوى
فقولت اخد رايكم فى الكلام ده
وهل الرش الفرن بالنسبة للصاج يفرق عن الرش الفرن للعربيات (مع انها صاج برضه)

رد: ايه الفرق بين الدوكو العادى والفرن
 

ياجماعه الموضوع ده من 2009 واحنا ناويين ندهن الشاهين بتاعتنا
و عايز اعرف ايه الفرق ضرورىANAA7TG

رد: ايه الفرق بين الدوكو العادى والفرن
 

متابع وياريت حد يفيدنا

رد: ايه الفرق بين الدوكو العادى والفرن
 

رد: ايه الفرق بين الدوكو العادى والفرن
 

برضة متابع بس اللي انا اعرفة انها بتترش بوية عادي بس الفرن كل شغلتة انة بيوفر جو خالي من الاتربة وجاف وبدرجة حرارة معينة فبيخلي البوية تتوزع بالتساوي علي سطح العربية وبالتالي غالبا مش محتاج لعملية التلميع بعد الرش

رد: ايه الفرق بين الدوكو العادى والفرن
 

الأخوه الأعزاء معكم فتحى فرحات ..شركه أتوفنيش لتجاره دهانات السيارات
اولا الدوكو اسمه العلمى دهانات نترو سيلوزيه تخفف بالثنر النترو العادى وهى دهانات كانت تستخدم فى السبعينيات وحتى 1985 لدهان السيارات بالكامل ويمكن رشها خارج الفرن وبدون درجه حرارة عاليه ويعاب عليها ان الوانها محدوده
ثانيا الفرن اسمها العلمى دهانات اكريلك بولى ريثان هى دهانات تمتاز عن الدوكو فيما يلى:
1- صلابه عاليه ومقاومه للعوامل الجويه
2-امكانيه خلق الوان جديده وخصوصا لألوان الميتالك
3- التغطيه للدهان ضعف تغطيه الدوكو يعنى العربيه اللى بتترش 3ك دوكو بتترش 1.5ك فرن
4- هى الدهانات الأصليه للسيارات منذ 1985
5- اللمعان فيها ثابت لأطول فتره ممكنه افضل من الدوكو
6-حاليا تم تطوريها لتصبح اكريلك مائى اى يستخدم مذيب مائى بدلا من الثنر ومضاعفه تغطيتها
وهى المستخدمه فى مصانع السيارات منذ 2006
وللعلم ان دهانات الدوكو فى الأسواق اصبحت دهانات تسخدم للبطانه وليس للتشطيب
******ارجو ان اكون قد قدمت افادة لكم*******
فتحى فرحات
www.autofinish.5u.com

رد: ايه الفرق بين الدوكو العادى والفرن
 

اضافه اخرى********************* **
ان دهانات الفرن**الأكريلك**بتترش عادى جدا باستخدام مسدس رش وذلك بعد تخفيفها بالمذيب
ثنر الأكريلك والمصلب حسب نسبه الكميه.....
اما بالنسبه للى قالك(((الفرن مش بيترش البويه وبيترش بدل منها حبيبات بتلزق على الحاجه اللى بتترش عليها(الكتروستاتيك) و مع حرارة الفرن الحبيبات دى بتسيح و بتعمل سطح البويه اللى بيطلع بعد كده متساوى
فقولت اخد رايكم فى الكلام ده )))))))))) الكلام غير صحيح لدهانات السيارات ده نظام احواض لدهان معادن معينه مثل هياكل معدنيه.المشغولات المعدنيه ودى لها خامات دهانات مختلفه عن دهانات السيارت عباره عن مساحيق او بودره يضاف لها مذيب زى التنر ثم يوصل طرفى المعدن بطرفى كهرباء سالب وموجب ويغطس فى الحوض لفتره زمنيه محددة قط لاغير وغالبا
تتم هذه العمليه بدون كابينه رش فرن اى مكان عادى........ شكرا
فتحى فرحات
www.autofinish.5u.com