dvd+gps toyota corolla 2010
 

السلام عليكم انا عندى كرولا 2010 الهاى لاين و كنت عايز أجيب dvd+gpsوكاميرا للخلف و يكونوا حاجة نضيفة و بتعيش و طبعا يكون ماشى مع التبلوة وكنت شفت واحد فى تويوتا أيجبت بس وقتها استغلاتة كان تقريبا عامل 5000 او أقل حاجة بسيطة مش فاكر أوى الكلام دة كان قبل الثورة وبيقول فى كل حاجة و أنا بصراحة مفهمش أد كدة فيهم فهل يستاهل السعر دة و تقريبا كان ماليزى الصنع على ما أظن ياريت ياجماعة حد يفدنا فى الموضوع دة وعل فكرة الكلام دة كان فى الأسكندرية لأنى أسكندرانى ومرة كنت فى القاهرة و سألت فى تويوتا ابجبت كان تقريبا موجود و كان هناك نوع أخر على ما أظن صينى الصنع بس معرفش بكام فحبيت أخد رأيكم و ياريت ياجماعة تفدونا بتجاربكم ومتشكر وفى أنتظار ردودكم

رد: dvd+gps toyota corolla 2010
 

بص هوا الافضل انك تطلب من النت انا شخصيا بعمل كدا في اي حاجه انا عايزها بعيدا عن الاسعار الوهميه اللي في البلد دي

بس انا شخصيا عندي مشكله بخصوص الانترنت البضاعه كذا مرة بطلبها ومش بتوصل وبتروح عليا فلوس الشحن كل مرة تقريبا يافي مشكله في التوصيل في مصر او شركه الشحن مش تمام

بص في الينك دا : وركز في الاوبشن كتير ماشاء الله غير انه السعر بالشحن وكله هيكون ارخص بكتير من اللي في مصر بس يارب يوصل الاول :09C207~188:

http://www.rofaudio.com/product_detail.asp?id=476

http://rofaudio.en.alibaba.com/produ...1207HD_2_.html

رد: dvd+gps toyota corolla 2010
 

متشكر على المساعدة بس أنا بقلق من الشحن على النت و سياتك شكلك اتنصب عليك كذا مرة من الموضوع دة و غير كدة كان فى gps dvd 8 inch و طبعا دة أفضلو اكبرشاشة من الموجود على اللينك و تقريبا بكل الكمليات الموجودة بس مش عارف أوصلوا لأنة من شركة موتيفو و على فكرة اللى موجود فى التوكيل مش 8 بوصة زى دة وكان ب5250 مش عارف غالى أوى لة كدة ياريت ياجماعة حد يدلنا على طريقة للحصول على الجهاز motevo 8 inch للتويوتا كرولا ..فى أنتظار ردكم

رد: dvd+gps toyota corolla 2010
 

حلوه اتنصب عليا دي

بص هوا مش اتنصب عليا بالمعني المقصود بس في فعلا مشكله في مصر في توصيل الطلبات الا لو طلبت الشحن مثلا عن طريق شركه كبيرة بس دا بيكلف 99 $ عن طريق DHL

بس برده لو طلبت اي منتج عن طريق الانترنت و البضاعه موصلتش اللي بيروح عليك بس فلوس الشحن مش فلوس البضاعه

وبعيدين انت لو طلبتو من النت هيقف عليك بالشحن ب 2000 جنيه وكمان فيه TV بس 7 inch بدل ماتدفع 5000 جنيه دي الفكرة بس زي ماقلت المشكله في الشحن والتوصيل

المهم لو وصلت لجديد قول وياريت الاعضاء لو عندهم فكرة يفيدونا :01F577~130:

رد: dvd+gps toyota corolla 2010
 

أسف يابشا مش قصدنا حاجة وحشة والله على العموم انا لقيت 8 بوصة عامل 4300 من غير الكاميرا و ضمان سنة ولسة محولتش أعمل خصم ...مش عارف أية رأى حضرتك و على فكرة ياريت تقولى على طريقة الشراء على النت أزاى عشان تكون مضمونة و جزاك الله كل خير

رد: dvd+gps toyota corolla 2010
 

انا بهزر معاك مش زعلان ولا حاجه

هوا صراحه انا مش بطلب شخصيا والدي اللي بيطلب :

لما بعتنا ليهم رساله علي الايميل قالو طريقه الدفع الفيزا او ويسترن يونيون لتحويل الاموال بس بياخدو عموله كبيرة شويه..

بس انا شخصيا مضطر اجرب المرة دي بيعتوا عن طريق DHL اللي هيكلف 100 دولار حوالي 650 جنيه

بس لو جيت قارنت سعر الجهاز عندهم مثلا ب 200$ وكاميرا 20 $ وخريطه 10$ وشحن 100$ برده هتلاقيه ارخص من اللي في مصر بس يارب يوصل غير كدا دي شركه مشهورة هوا صحيح صيني بس انا متأكد انه درجه اولي..

بس الافضل انك تدور كويس وتلف يمين وشمال وتاخد قرار صح علشان انت ممكن تشتري حاجه وبعدها تلاقي حاجه احسن وتندم بس انا شخصيا استقريت علي منتجات الشركه دي..

ولو مش مستعجل اوي اصبر ممكن اجيب قبلك وانقل تجربتي هنا بالتفصيل ان شاء الله

واتمني لو احد الاعضاء ليه تجربه مشابهة ياريت ميبخلش علينا

رد: dvd+gps toyota corolla 2010