|
ايه الدليل على ان الفرامل الدسكات اقوى من الفرامل البرميل؟؟
ايه الدليل على ان الفرامل الدسكات اقوى من الفرامل البرميل؟؟ السؤال الى عايز اعرف اجابته منين قطعنا بالقول ان الدسكات اقوى واحسن فى الفرمله اكتر من البرميل بدليل ان العربيات النقل الكبير والمتوسطه والصغيره كلها برميل فى العجلات الخلفيه مع العلم انها اولى بالدسكات لانها سيارات صاحبة عزم وعند ايقافها بحمولتها لابد من فرامل قويه وبما ان الفرامل البرميل هيا المستخدمه فيها اذن هيا الاقوى او على الاقل متكافئه فى القوه |
رد: ايه الدليل على ان الفرامل الدسكات اقوى من الفرامل البرميل؟؟
يا أستاذ المقارنه دي ماتنفعش
عشان التريلات مش بتفرمل بالفرامل بس لو عمل كده هيحرقها مع الوزن ده بيفرمل تقريبا بالموتور يعني لازم ينزل نقله عشان العربيه تهدى اما الملاكي أيوه طبعا ديسكات قدام وورا فيها قوة فرمله اقوى بمقدار التلت مثلا من لو نفس العربيه بديسكات قدام بس ودي اصلا مافيهاش نقاش هما بس التوكيلات بيوفروا والناس مابتاخدش بالها |
رد: ايه الدليل على ان الفرامل الدسكات اقوى من الفرامل البرميل؟؟
الفرامل كانت كلها كده ( برميل )
مثل الفولكس البيتل و موجودة حتى الان و مشهورة بفراملها الضعيفة بعد كده بقى كله ديسكات فى الامام و الخلف بقى براميل كما هو ثم بدأت الموديلات الفاخرة فى استخدام الديسكات فى الخلف و من هنا بدأ انتشارها فى العديد من السيارات أما المقارنة بين النقل الثقيل و عربات الركوب فلا تجوز لاختلاف السرعات و الوزن و متطلبات الآداء و تحياتى ` |
رد: ايه الدليل على ان الفرامل الدسكات اقوى من الفرامل البرميل؟؟
متابع:Bravo::Bravo:
|
رد: ايه الدليل على ان الفرامل الدسكات اقوى من الفرامل البرميل؟؟
لو كانت البراميل اقوى كانت الفيراري فيها فرامل براميل او اي عربية تانية سوبر كار
|
رد: ايه الدليل على ان الفرامل الدسكات اقوى من الفرامل البرميل؟؟
اقتباس:
1. بالنسبة للفرامل الديسكات تعتمد فى عملها على التبديد أو التشتيت الحرارى أثناء عملها ولذلك لايفضل استعمالها فى النقل الثقيل على اساس أن كمية الحرارة ستكون كبيرة. 2. عامل الـ Deceleration أو عامل التباطؤ أعلى فى الفرامل الديسكات عنه فى الفرامل الطنابير ولذلك تستعمل فى سيارات الركوب خاصة أن سرعات سيارات الركوب تختلف عن سرعة السيارات النقل. 3. والشئ المهم الفرامل الديسكات لاتتأثر كثيرا بالماء مثلها مثل الفرامل الطنابير، فالفرامل الديسكات تقوم بطرد المياه المتعلقة بقوى الطرد المركزية أما فى حالة الفرامل الطنابير فقوة الطرد المركزية تساعد على ابقاء الماء بداخل مجموعة الفرامل، وكذلك وجود مجموعة الفرامل فى سيارات الركوب قريبة من الأرض وبالتالى معرضة أكثر للبلل عنها فى سيارات النقل كبيرة العجلات. |
رد: ايه الدليل على ان الفرامل الدسكات اقوى من الفرامل البرميل؟؟
السؤال ده مهم جدا .... بس احب اضيف نقطه ان فرامل التريللات الحديثة دلوقتي برده ديسكات قدام وورا وعموما قوة الفرملة معتمده على مساحة سطح الاحتكاك بين تيل الفرامل والطنبورة ( البرميل ) او الديسك وكل ماتبقى المساحة اكبر تبقى الفرملة اقوى ... لكن فيه ميزه للديسكات انها بتقبل تركيب حساسات الفرامل لان تصميم الكاليبر(حامل تيل الفرامل في نظام الديسكات ) بيدي مكان للحساس ومن الحساس ممكن ندي اشارة للسائق انه تيل الفرامل قرب يخلص وقدامه كام كيلو ومحتاج يتغير كمان الديسكات ولقم الفرامل فيها ميزه انها بتظبط خلوص الفرامل تلقائيا يعني مش محتاجه انك تفك العجله و(ترجلش ) او تظبط الخلوص يدوي زي ما بنعمل مع نظام الطنابير يعني انت بتركبه وبتسيبه لحد ما بيظهرلك على الشاشه علامة الفرامل تروح تغيره .. الميزه ديمش موجوده في الطنابير كمان فيه ميزه عمليه هيا ان طقم التيل الامامي والديسك هوا نفس مقاس التيل الخلفي والديسك يعني مش محتاج نوعين من التيل هوا نوع واحد وده بيبقى ميزه للورش اللي بتتعامل مع اسطول عربيات وعن تجربه نظام الديسكات احسن من نظام الطنابير واستجابته لدوسة الفرملة اسرع لكن السؤال اللي عاوز اسأله لما شركات السيارات عارفه ان نظام الديسكات احسن ليه لسه لحد دلوقتي بتنزل عربيات فيها طنابير ؟ |
| الساعة الآن 12:14 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017