|
اعمل ايه عربية 128 عملت حادثة جامدة وجه معاد تجديد الرخصة
انا جبت عربية 128 من حوالى شهرين و المفروض تجديد الرخصة و كده علشان تبقى باسمى فى اخر شهر واحد ان شاء الله بس المشكلة انى عملت حادثة جامدة الحمد لله على كل شىء بس معيش ان اصلح العربية دلوقتى وسمعت ان لازم تكون متصلحة وانتا بتجدد الرخصة فا يا ريت حد يقولى حتتكلف اد ايه حوار تجديد الرخصة علشان تبقى باسمى و كده و فعلا لازم تبقى متصلحة |
رد: اعمممل ايييييييييه
ألف سلامة عليك قدر الله و ما شاء فعل بالفعل نقل الملكية يتطلب فحص العربية و الفحص معتها إن العربية تبقى سليمة و هيبقى صعب جدا العربية تتنقل ملكيتها ليك و هى بحالتها بعد الحادثة تكاليف الترخيص و نقل الملكية بتنقسم إلى رسوم الشهر العقارى و رسوم الترخيص رسوم الشهر العقارى حسب موديل العربية و ليها جدول عندهم أما رسوم الرخصة فتختلف برضة لو هتعمل رخصة سنة و لا رخصة تلات سنين لو سنة واحدة هتبقى أرخص طبعا أما تكاليف الإصلاح فحسب الأضرار إللى فى العربية |
رد: اعمممل ايييييييييه
طيب قولى العربية موديل كام وسعة الموتور وانا اؤلك هاتتكلف كام بالظبط للسنة الواحدة
|
رد: اعمممل ايييييييييه
حضرتك نقل الملكيه هتعمله عادى بورق العربيه اما تجديد الرخصه هتعمل رخصه شهر باسمك للاصلاح
ده لو هتصلحها بره المحافظه اللى تابع ليها |
رد: اعمممل ايييييييييه
ممكن لو معاد الفحص لسه مجاش تجدد الرخصة باسم المالك القديم بموجب التوكيل اللى معاك لحد ما ربنا يوسعها عليك وتصلحها
|
رد: اعمممل ايييييييييه
اقتباس:
لان مليون فى المية التوكيل اللى معاة للبيع للنفس والغير ولا يلغى ومش مذكور فية التعامل مع المرور والتجديد لازم يصلح العربية الاول |
رد: اعمل ايه عربية 128 عملت حادثة جامدة وجه معاد تجديد الرخصة
دلوقتي مش هينفع تنقل العربيه باسمك الا لما تتصلح
لو معاك عقد بيع مسجل فالعقد هيتلغي بمجرد انتهاء الرخصه و تضطر تعمل عقد جديد في الشهر العقاري لو معاك توكيل برضه نفس الشئ هينتهي بانتهاء الرخصه ولازم تنقل ملكيه و تجدد فدلوقتي حاول تتصرف في اي فلوس و صلح عربيتك علشان ما تدخلش في متاهات زي ان صاحب العربيه يساوةمك علي انه يجي معاك الشهر العقاري يجدد العقد او يعمل توكيل جديد فيه حل ولكن ضعيف شويه لو العربيه ماعليهاش فحص السنادي ممكن تتفاهم مع صاحب العربيه انه يرخصها باسمه السنادي علي ما تصلح العربيه و يعمل لك توكيل جديد ممكن يوافق و ممكن لاء لكن ما ينفعش تروح انت لوحدك تجدد العربيه باسمه |
| الساعة الآن 02:34 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017