|
اكسنت ار بي ام تويوتا يارس ام لانسر بومة
اكسنت ار بي ام يارس ام لانسر بومة
الموضوع ببساطة اني في حيره شديده بين السيارت دوي و قبل ما حد بيتدي يهاجم و يقول لي انت بتقارن ياباني بكوري و الا اللانسر فئة اعلي من الاكسنت مينفعش تتقارن ببعضهم ثواني هقولكم علي الظروف الكاملة انا في السعودية و توكيل المتسوبيشي سيء جدا من كلام ناس كتير و خصوصا موديل اللانسر مش منتشر خالص و سعر اعادة بيع في الضياع ( حاجة كده زي ما تيجي تبيع عربية صيني مستعملة في مصر) سبحان الله و هنا يظهر مقدرة اي وكيل انه يرفع العربية للسما او يخسف بيها الارض تخيلوا عربية ياباني محترمة زي دي و سمعتها كده. و علي الجانب الاخر اكسنت ار بي وكيل ممتاز و قطع غيار متوفره و سعر اعادة بيع ممتاز بس مش قادر اقتنع اني اجيب كوري بسعر الياباني علي فكره الاثنين سعرهم واحد تقريبا انا استعمالي للسيارة سفر علي الطرق السريعة ممكن 500 كيلو في الاسبوع يعني عاوز عربية تسافر مع احتمال اني ممكن انزلها مصر بعد سنتين او ثلاثة استعمال لاني ناوي اجيبها زيرو ان شاء الله. اما بالنسبة لليارس فالسعر اعلي شوية من الاثنين وده اللي بيخليني مش مرجح ليها انا لو في مصر كان القرار بومة طبعا اما هنا المشكلة خايف يحصل اي حاجة و احتار في قطع غيارها او اضطر اني ابيعها لاي سبب و هنا سعرها بيقل النص علي طول معلش طولت عليكم بس انا عاوز الراي و المشورة من الزملاء في مصر موتورز فلا تبخلوا علي بالردود |
رد: اكسنت ار بي ام تويوتا يارس ام لانسر بومة
يا استاذى معدش فى فرق بين اليابانى والكورى الجديد خلاص بالعكس الكورى افضل بكثير من اليابانى وعن تجارب حضرتك فرق ماتور وعفشة وتقفيل الكورى يعتبر زى البابانى وطبعا اليابانى فقير من الاوبشن الكورى بلا مقارنة طبعا افضل اوبشن فية صدقنى هنا او هناك اربى تكسب طبعا وفكك من عقدة اليابانى دا والله نيسان شركة زبالة وعربيات ازبل مع انها يابانى وعن تجربة اكتر من شخص صدقنى الكورى يكسب ومتقارنش يابانى بكورى تانى عشان الافضل للكورى حرام تساوية باليابانى
|
رد: اكسنت ار بي ام تويوتا يارس ام لانسر بومة
شكرا لرد حضرتك و مع انتظار باقي الاراء
انا كان معايا عربية سوزوكي بالينو و عارف يعني ايه ان يكون معاك عربية قطع غيرها نادرة (بتخليك تكره نفسك ) و علشان كده انا ميال للاكسنت و شكرا لحضرت مره تانية |
رد: اكسنت ار بي ام تويوتا يارس ام لانسر بومة
تحت امرك بس خد بالك الاكسنت جراية جدا يعنى لو ماشى على الطري ممكن تجيب 160 وانت مش حاسس ودا باخد بالى منة لانى معايا فيرنا والفيرنا برضة جراية يعنى يارب تكون هادى فى الطريق
|
رد: اكسنت ار بي ام تويوتا يارس ام لانسر بومة
شكرا لحضرتك علي النصيحة و انا اساسا مش بحب الجري اخري 90 الي 100 كيلو
|
رد: اكسنت ار بي ام تويوتا يارس ام لانسر بومة
اقتباس:
ياراجل هي كوريا اصلا بدأت تصنع العربيات اعتمادا على اليابان حلوة دي نكتة جديدة من نكت الشعب المصري هههههههههههه و خلتها عقدة ههههههههههههه بالله عليك هو في عربية كوري تعرف تمشي قدام يباني دا الكورولا ال80 و الكرسيدا 79 تكاسي في المحلة و كمان شغالين في السعودية من اكتر من 30 سنة احنا كنا مجربين الكوري قبل كده كتير زي الافيو ههههههههههههههه عربية بلاستيك http://www.masrmotors.com/vb/images/...FL_C%7E118.GIF http://www.masrmotors.com/vb/images/...FL_C%7E118.GIF http://www.masrmotors.com/vb/images/...FL_C%7E118.GIF اه و الله لو حضرتك كلفت نفسك و ركبت النيسان الي بتتكلم عنها واضح ان حضرتك متعرفش غيرها و بس هههههههههههههههه الي انت ببتقول عليها تعبانة عاملة مواتير في الجيتي ار بتنافس تسارع بوجاتي فيريون اجيب توكتوك ولا اجيب كوري او صيني :12F099~16: :12F099~16: :12F099~16: :12F099~16: مفيش حد ركب كوري والله الا وقال عربية بلاستيك خصوصا الي كان راكب قبله ياباني جرب و شوف :12F099~16: :12F099~16: ده حتى حضرتك كل مواضيعك بتشتكي من العربية لو كلفت نفسك و سئلت و شوفت بنفسك تعرف ان حضرتك غلطان في نظريتك الفرق بين الياباني و الكوري الي في نفس اي فئة من 20-50 الف :12F099~16: ادخل المواقع الاجنبية لو شايف العرب متخلفين :12F099~16: و مضحوك عليهم بقالهم يجي 50 سنة |
رد: اكسنت ار بي ام تويوتا يارس ام لانسر بومة
معلش على المداخلة بس حضرتك ازاى تقول الكورى اخرة 6 سنوات طب ما الاكسنت القديمة شغالة تاكسى وعاملة فوق النص مليون كيلو ومن 2000 ولحد 2012 وزى الفل انا مش معترض على اليابانى وانما مفيش فرق خلاص بينهم بالعكس الكورى كماليات اكتر وتجميع وسرعة وسحب افضل وصدقنى بدون تعصب هات عربية ب 130 الف كورى وزيها نفس السعر يابانى هترمى اليابانى فى الارض وتاخد الكورى مثلا النترا القديمة شوف واخدة جوائز اد اية عمرك سمعت فى العصر الحديث يعنى من 2006 كدة عربية بيابانى من اللانسر او نيسان طبعا نيسان صنى هى ازبل عربية ممكن تركبها المهم شوفت واحدة واخدة جايزة حتى اترك لك التعليق بعد البحث وبدون تعصب احنا اخوات هنا وانا احترم رايكROSE4U
|
| الساعة الآن 12:30 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017