عايز أركب جهاز أنذار ومخرجش من الضمان يبقى ايه الحل؟؟؟؟
 

عايز اركب جهاز انذار لشيفروليه افيو ومخرجش من الضمان لانهم فى التوكيل عامللى رعب لو جيت ناحية ضيفرة الكهربه يبقى شكرا لضمانها
فى ناس قالتلى ممكن تروح توكيل كلاريون وتركبه وتفضل بردوه فى الضمان مش عارف ازاى؟؟
ياريت حد يفيدنى فى الموضوع ده وايه الاسعار؟؟:070104~242:

رد: عايز أركب جهاز أنذار ومخرجش من الضمان يبقى ايه الحل؟؟؟؟
 

اشترى انزار عادى وروحلهم بيه خليهم هما اللى يركبوه

رد: عايز أركب جهاز أنذار ومخرجش من الضمان يبقى ايه الحل؟؟؟؟
 

قالولى محدش متخصص عندنا فى تركيب الانذار؟؟؟؟ أعمل ايه بقى؟
:shyy:

رد: عايز أركب جهاز أنذار ومخرجش من الضمان يبقى ايه الحل؟؟؟؟
 

السلام عليكم انا كان عندى نفس المشكلة لما جبت العربية وعملت الاتى /فى العربية كاسيت شيفورلية واللى مركبة توكيل اسمى كلاريون ودة فى ميدان سانت فاتيما والمدير اسمة عصام اسكندر ودة جنتل اوى وفية صنايعى ايدة بتتلف فى حرير عندة اسمة ايهاب بيركب الانذار فالاستاذ عصام دة هيأكد لك ان لو عملو الانذار العربية مش هتخرج من الضمان وممكن تسأل توكيل العربية وانا عملت كدة بس كان عندى معرفة فى مركز الصيانة فسهلولى العملية عموما متخليش كهربائى نص نص يشتغل فى عربيتك انا اعرف 2 كهربائية سيارات الاول فى توكيل ابو غالى والثانى فى توكيل تقريبا نيسان عموما تليفون كلاريون مصر الجديدة 26379392 /26379396==المهندسين 33051809==الاسكندرية 03/4203594

رد: عايز أركب جهاز أنذار ومخرجش من الضمان يبقى ايه الحل؟؟؟؟
 

عزيزى/ scorpionking2u

للأسف الشديد (وقد يكون من فى الحقيقة من حسن حظى) أن التوكيل رفض رفضاً مطلقاً تركيب نظام إنذار فى السيارة .. وقد كنت ذاهباً فعلاً لشرائها ومع النقود (87000 جنيه) وقد رفض التوكيل تركيب الإنذار بمعرفته ومحاسبتى بعد ذلك على ثمنه + مصنعيته
كذلك رفض أن أشترى أنا الإنذار ويقوم هو بتركيبه ومحاسبتى على مصنعيته

كذلك رفض التوكيل أن أقوم أنا بتركيب الأنذار ولو فى أى مركز يوصى به

من الأخر (علشان ما أطولش عليك الكلام) التوكيل رفض فكرة الأنذار فى السيارة تماماً ولو حضرتك ركبته خارج التوكيل .. سوف يسقط حقك فى ضمان الكهرباء ... (كلام غير منطقى تماماً) ولكن هذا هو رأى التوكيل ... ومن أكثر من مصدر

لذلك صرفت نظر تماماً عن شراء الأفيو ... لأن من غير المنطق أن أشترى سيارة بـ 87000 جنيه وأتركها كذلك فى الشارع بدون إنذار وفى ظل الأوضاع الأمنيةالمتردية فى الشارع

لذلك .. أرجو من سيادتك قبل الأقدام على تركيب إنذار فى سيارتك (إذا كانت داخل الضمان) أن يكون تحت يدك مستند رسمى من التوكيل يفيد بموافقته على ذلك ..

عزيزى
أقول لك هذا الحديث (وقد تجده غير مفيد بالنسبة لك) ولكن عن تجربة مررت بها منذ شهر .. وقد أستبدلت الأفيو بموديل وماركة أخرى (لا أريد ذكرها حتى لا تتحول مداخلتى إلى هدف أخر)

أخيراً ... ضمان الكهرباء هام .. هام .. هام جداً لأى سيارة (فأعطال السيارات نوعان رئيسيان ... ميكانيكا وكهرباء) ... ولا تنسى أن نظام الباور ستيرنج فى الأفيو كهرباء وليس هيدروليك مثل أغلب السيارات

مع أطيب تمنياتى للجميع بالصحة والسعادة ،،،،،

Zazoksh - Cairo, EGYPT

رد: عايز أركب جهاز أنذار ومخرجش من الضمان يبقى ايه الحل؟؟؟؟
 

طب الحل ايه؟؟؟؟
ياريت حد من أدارة المنتدى الكبار يشوفلنا حل فى الموضوع ده!!!!!!!!!
لازم يكون فى حل :sd: