|
لانسر كريستالة ولا تويوتا مسطرة
بسم الله الرحمن الرحيم
السلام عليكم ورحمة الله وبركاته يا شباب انا محتار جدا بين الكريستالة والمسطرة وانا بصراحة مقتنع بشكل التويوتا المسطرة جدا عن الكريستالة مع العلم انى مخنوق من حوار الاشارات الللى فى الاصدام ,, هههههه انا مش تافه ولا حاجة بس الحجات دى بتفرق معايا جدا لكن بصراحة عجبانى اوى المسطرة عن الكريستالة ياريت مميزات وعيوب الاتنين مع العلم انى عاوز الاكثر اقتصادية لإن اخوكم بيفرك بالعربية فرك والشوارع مكسرة وزى الزفت ودى من الحجات الى بتخلينى اميل اكتر للمسطرة مستنيكوا يا رجالة |
رد: لانسر كريستالة ولا تويوتا مسطرة
أنا آسف ماعنديش رأي أقدر أساعدك بيه بس كنت عايز أعرف منك حاجة بس.
ليه الموديلات عندنا في مصر مش بالسنين ياعني كرولا موديل كذا ولانسر موديل كذا. ياعني إيه لانسر كرستالة وبومة وشارك وبطة وسهم .... أنا مش عارف ليه الإسلوب ده بس أنا آسف بس الإسلوب دا فعلا بيستفذني قوي.:w6w200504112245306e |
رد: لانسر كريستالة ولا تويوتا مسطرة
بص ياباشا التويونا الكوورلا طبعا احسن من الانسر بكتير لان دى احسن تويوتا نزلت مصر وكمان شكله احلى من الانسر وقطع غيارها متوفره على فكره التويوتا دى ثيات عالى قوى على الطريق وكمان امان
|
رد: لانسر كريستالة ولا تويوتا مسطرة
كورولا طبعا بس نصيحة فكر في الكورولا العيون انا شايف انها احلى من المسطرة
|
رد: لانسر كريستالة ولا تويوتا مسطرة
شكرا لحضراتكم جميعا وانا فعلا بميل اكتر للمسطرة المشكلة يا جماعة ان الواحد بيلاقى عربيات كويسة بس بأسعار عالية اوى وغير كدا كمان احيانا بتبقى العربية متبهدلة اوى والحجات دى بتقفلنى من العربيات بصراحة
الاخ بس اللى بيقول ليه كورولا ومسطرة وكدا احب اقول ان مصر كلها بتتكلم باللغة دى واصل اللغة دى من اليمن يعنى اليمن هما اول شعب سموا العربيات زى لانسر عيون صفية وكدا وبعدين عمدك فى مصر من شركة ميتسوبيشى يعتبر موجود لانسسر بس لكن مثلا فى الخليج فى مليون لانسر , لكن لإن احنا عندا مثلا من الميتسوبيشى لانسر بس ويعتبر من التويوتا كورولا بس بنستخدم الاسامى |
رد: لانسر كريستالة ولا تويوتا مسطرة
بص يا باشا انا من ملاك الكورولا المسطره 1993 هي عربيه بامان مالهاش حل كفايه قووووي انك ممكن تبقي مغير اسكتره الدركسيون وعاوز تعمل زوايا وترصيص وتقدر تسوق بيها علي 140 ورغم انها محتاجه زوايا وترصيص ماسكه نفسها قوووووي بالنسبه للثبات العربيه لحد 120 تحس كأنها واقفه ثبات عشره علي عشره بالنسبه للنقر العربيه دي بتمووووت ف النقر والمطبات وعلي فكره مش واطيه ققووووووي زي ما انت فاكر ممكن تحمل 3 وتعدي اتخن مطب من غير اي حكات لو سيادتك لوحدك او معاك واحد اتخن مطب تعديه من غير ما تجيب فرده قدام وفرده من ورا ع المطب والحوارات دي بالنسبه قطع الغيار ارخص من اللانسر بكتير بالنسبه للاتساع اوسع من اللانير برده بالنسبه لفوانيس الاكصدامات دي ميزه جامده قووووي بتنقزني ف اوقات كتير لما بيزنق عليا حد من قدامي باديله الاشاره بتعرفه هاروح فين يعني الاشاره بتعرف اللي وراك واللي جنبك وكمان اللي قدامك مباشره لو واقفين وش ل وش علي فكره عربيه جامده جدااااااااااااااااا وتساوي تمنها قوووووووووووي كمان وعلي فكره انت ممكن ب 3000 جنيه تغير العربيه خااااااااااااالص لو عاوزه عمره وعفشه جديده لو غيرت كل ده يا دوب هم 3000 يعني حاجتها مش غاااااااااااااااليه قوووووووووووووووي نصيحه لوجه الله اختار كورولا عربيه تموت فيها انا حاليا معايا كورولا مسطره 93 وللاسف الشديد الشركه هتدني عربيه جديده زيرووووووووو بعد 11 يوم بالضبط و والدي عاوز يبيع التويوتا 93 وجاله فيها ارقام عاليه قووووووي وكل ما يقول هابيع اولع ف البيت واقول له مش هابيعها الا علي جثتي ف نصيحه توكل علي الله وهات المسطره وانصحك بالابيض فيها تحفه واستخير ربنا |
رد: لانسر كريستالة ولا تويوتا مسطرة
على بركة الله
توكلت على الله ,, يارب الاقى حالة نضيفة بقى واللون اللى بتمناه كمان مشورين ياشباب |
| الساعة الآن 04:08 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017