مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   هوندا Honda (https://www.masrmotors.com/vb/forumdisplay.php?f=31)
-   -   الاستاذ محمد الشامى خبير الهوندا سيفيك (https://www.masrmotors.com/vb/showthread.php?t=73513)

sycho 08-12-2011 07:48 PM
الاستاذ محمد الشامى خبير الهوندا سيفيك
 
السلام عليكم ورحمة الله وبركاتة لو سمحت يا استاذ محمد كنت حابب اعرف رئيك فى الموضوع دة لائنى فى حيرة شديدة جدا وجزاك الله كل خير
http://www.masrmotors.com/vb/showthread.php?t=73287

mshamy 11-12-2011 11:49 AM
رد: الاستاذ محمد الشامى خبير الهوندا سيفيك
 
وعليكم السلام ورحمة الله وبركاته
أولا أحب اشكر حضرتك على ثقتك في راي المتواضع
ثانيا انا قرات الموضوع اللي حضرتك بتطلب فيه مقارنة بين السيفيك والإلنترا 2012
1- أتفق مع الجميع ان السيفيك 2012 لسو مانزلتش السوق و في تكهنات كتيرة بخصوص السيارة
2- حتى لو حضرتك حتجبها من بره مصر فأنا اعتقد انك لازم تستنى شوية عليها علشان تعرف ايه انطباع الناس عنها و لو في لا قدر الله مشاكل من اي نوع
3- اعتقد إن الإلنترا2012 كشكل خارجي تكسب السيفيك بس قطعا السيفيك بتكسب في جودة الخامات و التقفيل و عوامل الأمان
4- من الأشياء التي تؤخذ في الإعتبار قطعا أسعار قطع الغيار و الصيانة و هنا طبعا اكيد و كيل الهوندا سمعته افضل من وكيل الهيونداي لكن اسعار قطع الغيار قطعا في مصلحة الهيونداي

عموما انصح حضرتك بالتريث قبل اخذ القرار لحين مشاهدة السيفيك 2012 في شوارعنا

وربنا يوفقك لما فيه الخير

eshoo1 22-07-2012 09:29 PM
رد: الاستاذ محمد الشامى خبير الهوندا سيفيك
 
السلام عليكم - عايز اعرف ايه رائيك فى هوندا سيفك م 91 - ايه المميزات و العيوب و سعرها لو حاله نضيفه ممكن يكون من كام لكام

mshamy 23-07-2012 12:04 PM
رد: الاستاذ محمد الشامى خبير الهوندا سيفيك
 
وعليكم السلام ورحمة الله وبركاته
سيفيك 91 دي آخر شكل الجيل الرابع و هي عربية اقتصادية ذات آداء يميل الى الرياضي بس تكون مظبوطة ..العيوب قلة قطع الغيار و خصوصا في الصاج
السعر لو 100 100 تعمل بالكتير 30 او 32 الف

ahmed_yousif 29-01-2013 06:12 PM
رد: الاستاذ محمد الشامى خبير الهوندا سيفيك
 
الاستااذ محمد ......
عاوزك تفيدنى فى الموضوع ده ...
عربيتى سيفيك 2008 عامله 120 الف كيلو وكل صيانتها توكيل وماشاء الله تماااااام 100% بس
عندى مشكلة حصلت فجأة .. الباور فصل لوحدة ولمبة بتاعته نورت فى التابلوه .. والغريب انه بيرجع تانى بعد لما ابطل العربية لمدة ربع ساعه كده ... يرجع يشتغل شوية ويفصل تانى بلا اى سبب !!!!؟؟؟؟ المشكلة لما بتفصل وانا سايق بلاقيها بترمى شمال فجاءة وبقوة بطريقة غريبه ؟
حد عندة اى تفسير ؟؟ او حصل معاه حاجة زى كده ؟؟
اكون مشكوور لو حد أفادنى ,,
شكرااااا جزيلاااااااااا

mshamy 29-01-2013 08:16 PM
رد: الاستاذ محمد الشامى خبير الهوندا سيفيك
 
2008 البور كهرباء مش زيت وعليه.. يمكن تكون في مشكلة في جزء معين في الظفيره او الكونترول او الفيزوات
المهم ان حضرتك لازم تحطها على جهاز كشف الأعطال و بسرعة قبل الموضوع ما يكبر و يعملك مشكلة أكبر لا قدر الله

ahmed_yousif 01-02-2013 07:34 PM
رد: الاستاذ محمد الشامى خبير الهوندا سيفيك
 
اقتباس:
المشاركة الأصلية كتبت بواسطة mshamy (المشاركة 837938)
2008 البور كهرباء مش زيت وعليه.. يمكن تكون في مشكلة في جزء معين في الظفيره او الكونترول او الفيزوات
المهم ان حضرتك لازم تحطها على جهاز كشف الأعطال و بسرعة قبل الموضوع ما يكبر و يعملك مشكلة أكبر لا قدر الله

شكرااااا م.محمد جزيلاااااااااااا ,,,,
احب انشر للعلم ,,
انا فعلا روحت التوكيل الخميس .. وكشفت عليهاطلع الكنترول بتاع الباور وحطلى وعملى ريسيت للقيم بتاعته لانه كان مهنج .. وجربنا والحمد لله الامور عدت على خير وطبعا كانت تكلفة الكنترول 4500 جنيه ,,,, بس ربنا ستر ,,, المهم سالت كبير المهندسين هناك ايه السبب ؟ للاسف السبب مش واضح وارجعوه لتغير فى جهد البطارية سواء بالزيادة او النقص مع ان البطارية جديده نسبيا ومتغيره فى التوكيل وبعلمهم !!!
مرة تانية بشكر حضرتك جدااااااااا ,,,


الساعة الآن 08:22 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017