زيت الموتور بيقل في النوبيرا - ارجو الإفادة
 

السلام عليكم ورحمة الله
يا جماعة استفسار وارجو الإفادة
انا جبت عربية نوبيرا 2001 اوتوماتيك من حوالي 3 شهور وعملت كل الصيانة الي مكتوبة هنا في مواضيع النوبيرا وغيرت زيت وحطيت موبيل XHB 3000
ومن حوالي 3 اسابيع كدا باكشف على الزيت لقيته ناقص شوية تحت علامة الماكس وواحد صاحبي ربنا يسامحه قالي ان دا عادي لما يقل شوية ومفيش قلق بس النهاردة بابص على الزيت لقيته في النص بين الماكس والمين :w6w200504112220146b .
فهل أزود زيت ولا أروح أغير الزيت ولا دا طبيعي ؟ مع العلم ان الزيت لونه عادي ومفيش ترشيح على الموتور ومفيش زيت بينزل تحت العربية والعربية عملت من وقت تغيير الزيت حتى الآن 1200 كم عشان استعماي للعربية مش كتير قوي .

سؤال كمان : يا ريت لو حد يعرف ميكانيكي كويس في طنطا بيفهم في النوبيرا !

شكراً

رد: زيت الموتور بيقل في النوبيرا - ارجو الإفادة
 

احمد علام ميكانيكي كويس امام مسجد السلام الناحية الثانية بس روح بدري قوي
مسعد شارع محمد فريد بعدحسن رضوان روح متاخر بعد العصر
طبعا الزيت كدة مش طبيعي جرب تحط زيت شل وحط معاة علبة ابرو دي اضافة للزيت بتحافظ علي لزوجتة مش غالية ب 13 جنية بيسموها زيت شنمبر لو العربية ظبطت استمر علي كدة و طبعا هتغير الزيت كلة مش هتكمل علي اللي فيها

رد: زيت الموتور بيقل في النوبيرا - ارجو الإفادة
 

السلام عليكم
انا حصلى نفس المشكله عند استعمال موبيل 5000& 10000 وكان الموتور هيروح لكن ربنا ستر
زيت موبيل بيتبخر بطريقه غريبه جدا انا حاليا بستعمل زيت كالتكس 3000 والحمد الله الحمد الله كويس
ولازم تروح للميكانيكى عشان تتأكد ان ليس هناك تسريب من اى جذء بالماتور
خد بالك ان هناك فلاتر مضروبه بتسرب الزيت على الرغم من تغيرها مع زيت موبيل داخل بنزينه موبيل نفسها دة حصل معايا فى بنزينه بالشيراتون:ff5a34af6efef0 e643e

رد: زيت الموتور بيقل في النوبيرا - ارجو الإفادة
 

شكرا استاذ ابو يمني على الرد وعلى المعلومات المفيدة وان شاء الله هاروح بكرة الصبح واشوف .
وكمان شكرا لاستاذ مودي على الاهتمام والرد وانا فعلاً ناوي أغير الزيت بس يا ريت لو حد يفيدني نوع الفلاتر الكويسة ايه !؟

رد: زيت الموتور بيقل في النوبيرا - ارجو الإفادة
 

العفو يا باشا واللفلتر هات الفلتر الكوري ب 20 جنية

رد: زيت الموتور بيقل في النوبيرا - ارجو الإفادة
 

رد: زيت الموتور بيقل في النوبيرا - ارجو الإفادة
 

انا بجد شاكر جداً لكل إلى اهتم ورد وربنا يوفق الجميع
عموماً انا رحت لاحمد علام زي استاذ ابو يمنى ما قال وهناك بص على الموتور والكارتيرة من تحت و دخان الشكمان والحمد لله مفيش ترشيح ولا أي حاجة زز وبعدين جرب سحب العربية والحمد لله تمام برضه .... فقالي يبقى الزيت ممكن كان مغشوش او تعبان وغيرنا الزيت وهاشوف لو بيقل ولا لأ وان شاء الله لو في جديد هأقول برضه عشان الي يحصل عنده نفس الموقف يستفيد