مساعده ضرورى عشان انا صدعت
 

السلام عليكم
انا طبعا جديده معاكم هنا
وطبعا كل ما ادور على شئ الاقيه عندكم هنا
فياريت تساعدونى لانى خلاص دماغى صدعت
انا عاوزة اشترى عربية على الزيرو فى حدود 80 الف جنيه
بس فى نفس الوقت عاوزاها عاليه انا مبحبش العربيات الواطيه ابدا وتكون واسعه برده
انا كان معايا ميتسوبيشى باجيرو فى الخارج وكانت هايله
انا بحب استيل العربيه كيا او تويوتا
يا ريت تنصحونى بكذا موديل عربيه
احسن انا تايهه اوى
شكرا مقدما

رد: مساعده ضرورى عشان انا صدعت
 

1- لوجان
2- افيو
رأيي الشخصى الذى لا قيمه له على رأئ شلبوكه

رد: مساعده ضرورى عشان انا صدعت
 

انا متشكره
بس افيو مش عاليه
مفيش موديلات اعلى من كده

رد: مساعده ضرورى عشان انا صدعت
 

فى جين 2 فى حدود سعرك او أزيد حبه خفيفه وشبابيه لو انتى شابه

بس اسمع ان قطع غيرها غاليه ومش متوافره

العربيه دى عاليه عن الارض حبه

فى لوجان دى اعلى عربيه عن الارض فى حدود السعر دا

رد: مساعده ضرورى عشان انا صدعت
 

متشكرة جدا
هيا فعلا لوجان حلوة وعجبتنى
بس انا عاوزة اكتر من موديل عشان اشوف مميزاتهم وعيوبهم
وبعدين اقرر
فلو ممكن موديلين كمان غير اللوجان

رد: مساعده ضرورى عشان انا صدعت
 

بسم الله الرحمن الرحيم
كل ما كانت العربية عالية عن الارض كل ما كان اتزانها قليل يعني لازم تكونفي حدود المعقول و بعدين اي عربية ممكن تتعلي بأنه بيركب لها كاوتش تحت اليايات او ان حضرتك تكبري الجنط و الكاوتش شوية في حدود المسموح به لنوع السيارة
بالنسبة لنوع العربيات العالية
الافيو تعتبر عربية عاليه و في حدود السعر المطلوب بس يعيبها ان استهلاك البنزين عالي شوية عن نفس العربيات ال 1500 سي سي + الفرامل مش قد كده بسبب ان العربية خفيفة
ممكن فيه اختيار تاني بس تزودي شوية في الفلوس و هوه الاسبرانزا التيجو و هيه نفس التصميم بتاع الباجيرو يعني مش هتبقي مختلفة كتير
و اي خدمة
م / سامح ليله

رد: مساعده ضرورى عشان انا صدعت
 

هوا انا قولت الوجان على اساس طلبك عاليه عن الارض تقريبا عامله 70 الف ارخص من سعرك

انا اقولك على العربيات لى ف سعرك او ارخص

فى الكيا بيكانتو الشكل الجديد ودى على فكره عربيه بناتى اكتر اغلبية البنات بيحبوها بس مش واسعه اوى بس لذيذه وفيها الوان بناتى كتير بمبى وحاجات من دى :joy23:
فى برليانس ( دى صينى على فكره وواطيه حبه )
فى لانوس وفيرنا بس دول ارخص من سعرك ومناسبين لا واسعين اوى ولا ديقين اوى ومش عالين عن الارض اوى وتقريبا بردوا مش واطين اوى

افيو لوجان

اسبرانزا بردوا ( بس صينى )