|
سؤال لاهل الخبره فى الكاوتش
السلام عليكم
العربيه مقاس 185/65/14 ده المقاس الاصلى ليها وانا عند محل بيع كوتش وبسال البائع قالى ممكنيركب عندى 185/70/14 يا ترى ايه الفرق وينفع يركب عندى المقاس ده ولا لا وثبات العربيه هيفظل زى ما هوه ولا هيقل وكمان ايه المقسات الى ممكن توفر ثبات للعربيه بشرط يكون 14 تحياتى للجميع وفى انتظار الرد من اهل الخبره:thnkr: |
رد: سؤال لاهل الخبره فى الكاوتش
الرد الفصل هو الرجوع لدليل المستخدم او التوكيل
لان فيه فارق 5% فى ارتفاع الحائط الجانبى بين المقاسين و بغض النظر عن التاثير على الثبات المقاس الاصلى ارتفاع الحائط = 12 سم و 2 و نص مليمتر المقاس المعروض ارتفاع الحائط = 12 سم و 95 مليمتر الفارق يكاد يكون 1 سم فى نصف القطر فى رايى و الله اعلم التاثير على الثبات يكاد لا يذكر لكن فى تاثير على قرائة عداد المسافة و عداد السرعة و ده برضه مش عارف مدى تاثيره |
رد: سؤال لاهل الخبره فى الكاوتش
كما قال لك اخونا الفاضل "احمد على "
المقاس المقترح من صاحب المحل بيزيد عن المقاس الاصلى بمقدار 4.6مم من وجهه نظرى انة مش فارق كتير العربية هاتعلى بالمقدار المذكور مش اكتر ومش هايكون لة تاثير فى عدم الثبات او خلافة لكن من الافضل تركيب المقاس الاصلى |
رد: سؤال لاهل الخبره فى الكاوتش
الاخوة الافاضل كلامهم تمام يا باشا
و اضافة بسيطة بص على طرف باب السواق عندك هتلاقى لستة بالمقاسات اللى ممكن تركب فى عربيتك .. مقاسات الجنوط و مقاسات الكوتش المناسب لكل جنط التزم بتلك المقاسات فقطط لأنها الانسب و الاصح للسيارة و اما اللى بقولك عليه البياع صحيح مش هيفرق فى الثبات لكن اكيد هيفرق فى عداد السرعة بالزيادة يعنى العداد مثلا هيبقى على 100 و انت ماشى فعليا على 105 او 107 ... فا لو ظابط سرعتك عشان رادار ولا حاجة ممكن تتصور لأن السرعة الفعلية أعلى من السرعة اللى ظاهرة على العداد ... و ربنا معاك يا باشا |
رد: سؤال لاهل الخبره فى الكاوتش
اجابات مميزه وسليمه وعلميه
|
رد: سؤال لاهل الخبره فى الكاوتش
السلام عليكم اخوانى
طبعا الف الف شكر على الاهتمام والرض المظبوط والدقيق جدان جدان بس الى اعرفه ان فى العربيات الجديده واير السرعه بيكون متوصل بماتور العربيه مش متاكد من المعلومه دى بس لو كده ده ميبقاش ليه تاثير على عداد الكيلو برضه برجاء الرد على المعلومه دى تحياتى للجميع |
رد: سؤال لاهل الخبره فى الكاوتش
بفرض ان واير السرعة موصل بماتور العربية من الاخر ماتور العربية بيدور العجل و السرعة مرتبطة بعدد لفات العجل على الارض يعنى فى نسب مؤية ثابتة بين RPM الكرنك و صندوق التروس بالتالى العجل
اللفة الواحدة بتمشى العربية مسافة = محيط العجلة = قطر العجلة X ط حيث ط = 22 /7 و العداد متعاير كانه بيقسم المسافة المقطوعة اللى هى = عدد اللفات X محيط العجلة على الزمن فتخيل جدلا انك مركب عجلة ضخمة جدا قطرها 3 ادوار فلفة واحدة فى الدقيقة تمشيك بسرعة عالية مقارنة بلو مركب عجلة صغيرة جدا أد علبة اللافاش كيرى حتعمل مسافة قليلة جدا فى الفة الواحدة يعنى لو العجلتين الكبيرة و الصغيرة بيدوروا بنفس عدد اللفات فى سرعة العربية حتبقى اعلى بكتير مع العجلة الكبيرة الحل الوحيد لقياس سرعة العربية دون الاعتماد على حساب عدد لفات العجل هو جهاز اشعة تحت حمراء او دوبللر ساعتها زود تمن العربية 10 تلاف على الاقل |
| الساعة الآن 07:14 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017