|
مشكله بعد تركيب تابلوه لادا 105
إلى الخبراء الأفاضل ركبت تابلوه لادا 105 لعربييتى فيات 124 أشتريته من عزبة شلبى وبعد التركيب أكتشفت إن عداد السرعه قافش ومش شغال المهم أشتريت عداد سرعه تانى لوحدهلكن للأسف إتجاه دوران سلك السرعه فى عربييتى عكس إتجاه دوران العداد الجديد والكهربائى والميكانيكى بيحدفوها على بعض واحد يقوللى العيب فى ماكينة السرعه وواحد يقوللى العيب فى العداد فياريت تفيدونى ولو حد يعرف يقوللى أجيب عداد نوعه أيه علشان يشتغل عليه لانى مبعرفش أمشى بعربيه من غير عداد السرعه وجزاكم الله خيرا |
رد: مشكله بعد تركيب تابلوه لادا 105
أخى الفاضل الى يفيدك فى الموضوع ده الجماعة بتوع عزبة شلبى عارفين كل حاجة
أسأل الراجل الى أشتريت منه التابلوه على المشكلة وهو هيفيدك أو يدلك على أحد يصلحهالك ليه سؤال أخى الفاضل التابلوه عامل كام فلوس؟؟ هل ينفع ل فيات 125؟؟ كل عام وانت بألف خير |
رد: مشكله بعد تركيب تابلوه لادا 105
طيب ما تحدد انت العيب بنفسك وبطريقة سهلة اوى
اخلع سلك السرعة من مكانة فى العداد ولف العداد بايدك وشوف اتجاة اللف الصحيح مع عقارب الساعة او العكس تانى خطوة ارفع العجلة الخلفية بالكوريك وادى العربية اى غيار امامى وشوف سلك السرعة اللى خارج من الجراب اتجاة اللف بتاعة مع عقارب الساعة او ضدها ومن هنا هاتقدر تحدد العيب فى العداد ولا فى سلك السرعة راى الشخصى فتيس لادا هو هو فتيس الـ 24 ومكنة السرعة فى الاتنين وحدة واتجاة الدوران واحد ..........اعتقد ان لو فية مشكلة هاتكون اما من العداد او من سلك السرعة مفوت وبكدة يبقى العداد الاصلى اللى جاى مع التابلوة سليم بامر الله |
رد: مشكله بعد تركيب تابلوه لادا 105
العضو الغالى أبو شروق التابلوه أنا أشتريته ب 450 جنيه من عزبة شلبى والحقيقه معرفش ينفع ل 125 ولا لأ
وعضونا الذهبى mr_astra انا فعلا عملت كده ولاقيت السلك بيلف عكس العداد على فكره الثلاثه جداد " مكنة السرعه والسلك والعداد " فمش عارف ممكن يكون العداد هو اللى غير مناسب للعربيه لأنى أشتريته لوحده |
رد: مشكله بعد تركيب تابلوه لادا 105
طبي هاقول لحضرتك على حاجة
ممكن نغير مكنة السرعة بس ونجيب واحدة عكس اللى موجودة معاك ودى سهلة انك تعرفها من غير ما تركب فى الفتيس هتلفها بايدك |
رد: مشكله بعد تركيب تابلوه لادا 105
أزاى بس يا مستر بقوللك مكنة السرعه دى جديده وهى بتاعة العربيه واظن مفيش حاجه اسمها بتلف عكس اللى معايه الميكانيكى قال كده
|
رد: مشكله بعد تركيب تابلوه لادا 105
بسم الله الرحمن لرحيم
" لكن للأسف إتجاه دوران سلك السرعه فى عربييتى عكس إتجاه دوران العداد الجديد والكهربائى والميكانيكى بيحدفوها على بعض واحد يقوللى العيب فى ماكينة السرعه وواحد يقوللى العيب فى العداد فياريت تفيدونى ولو حد يعرف يقوللى أجيب عداد نوعه أيه علشان يشتغل عليه لانى مبعرفش أمشى بعربيه من غير عداد السرعه " للأسف ليه ياعم دا كده عربيتك بقت مميزة انتا اول واحد عداد السرعه بتاعه هيعد و هوا راجع للخلف بذمتك مش تبقي ميزة بص روح لواحد ميكانيكي بس يكون بيفهم قول له يفك لك ماكينة السرعة من الفتيس و يقلب التروس هتلاقي فيها ترسين داخليين افقي و رأسي خليه يقلبهم مش يقلبهم مكان بعض لا مش هينفع انا قصدي يقلبهم في مكانهم يعني يعكس اتجاة الدوران ممكن تكون الماكينة اللي انتا جايبها جاية فيها غلطة معكوسة و اي خدمه م - سامح ليله |
| الساعة الآن 12:21 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017