قراءات عداد الrpm
من فضلكم عايز اعرف أفضل قراءات لعداد ال rpm بمعنى لو العربية دايرة على السلانسية يبقى على كام وهى ماشية يبقى أقصى حاجة كام وامتى اكون قارص على الموتور مع العلم ان معايا حاليا عربية ماتريكس ولكن قبل كدة كان معايا 127 ولادا وماكانش فيهم عداد الrpm
|
رد: قراءات عداد الrpm
اهلا بيك يا استاذ كيلاني ...
هو ال RPM بيختلف من عربيه للتانيه سواء بالنسبه للسلانسيه او ان الموتور يبقى داير لوحده على المور من غير دوس بنزين ... او الحد الاقصى ... بالنسبه للماتريكس فالسلانسيه بيكون تقريبا في حدود 800 - 900 دد ... وده العربيه بتظبط نفسها لوحدها عليه فمتشغلش بالك بيه والحد الاقصى للعربيه عند 6500 دد ... و ده مش المفروض ان العربيه تتخطاه ... الريد زون بالنسبه للرينج الانسب للنقلات بيكون عند متوسط عدد الدورات 3000 - 4000 دد و العربيات الاسيوي عموما من العربيات اللي عدد دوراتها طويله .. و بالتالي النقلات طويله شويه بعكس الفيات و الادا اللي بتبقى نقلاتهم قريبه و عدد دورات الموتور قليله ... فحضرتك متستعجلش النقل بدري ويفضل متنقلش لنقله اعلا و العداد اقل من 2500 دد علشان متحملش على الموتور .. زي برضو ما هو ميفضلش رفع عدد الدورات كتير فوق ال 5000 دد ... وفي النهايه اعتمد على احساسك بالعربيه خصوصا لو العربيه محمله او في مطلع اكيد الارقام دي حتتغير .... ومع الوقت حتبقى عمليه روتينيه اتمنى اكون افدت حضرتك بكلامي ... وبرضو حضرتك شوف رأي الزملا من المتخصصين |
رد: قراءات عداد الrpm
اقتباس:
والله استاذ و رئيس قسم لان الرد صعب كلنا بنحسبها بالاحساس |
رد: قراءات عداد الrpm
اقتباس:
|
رد: قراءات عداد الrpm
اقتباس:
عموما انا اخدت بالي الصبح من النقلات برضو علشان اتأكد لو العربيه ماشيه بسلاسه و تسارع بطيء بتنقل لوحدها قرب ال 3000 دد ... لو في تسارع من اشاره مثلا او بعد مطب حسب ضغط البنزين .. لكن المتوسط ممكن نقول 3500 - 4500 دد و طبعا الاول ده مجرد تحريك للعربيه و بعد كده تاني على طول ... اما الكبس الجامد او الكيك دوان فمفتوح لحد ما العربيه تصعب عليك !!! وزي ما قال اسلام باشا ... مع الاوزان او المطالع نشبع الغيار شويه علشان العربيه تحتفظ بعزم معقول بعد النقل |
رد: قراءات عداد الrpm
شكرا على المعلومات المفيدة وهى اكيد من استاذ ورئيس قسم
|
رد: قراءات عداد الrpm
شكرا ياسام رام وانا من قراء مواضيعك المفيدة
|
الساعة الآن 06:21 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017