|
اية اخبار السيارة بريميرا مابل
ممكن الواحد يعرف اية اخبار السيارة الجديدة بريميرا من شركة مابل ولية العربية دية محققتش اي انتشار حتي لو بسيط في الشوارع المصرية براغم من ادعاء من ان الدفعة الاولي نفذات وتم تسليمة الي اصحابهم ولا هم اصحابهم مش من مصر ولا اية -------- داعاية و خلاص ولا الكلام بيتقال ان سمعة شركة مابل غير حسنة في صين العربية مش علي مقدار كبير من الثقة علشان الواحد يغلط ويشتري العربية يارت لو الواحد غلطان يتم تصحيح المعلومة دية ......................... ...................... علشان الواحد لو بيفكر يشتري يارت سرعة الرد والنصيحة اذا امكن يشتري ولا يخلي في الامان احسن ؟؟؟؟؟؟؟؟؟ |
رد: سوال الي أ/ ابونورا هام جداااا
عزيزى طبعا ابو نورة هيرد على حضرتك
بس اسمح لى ارد عليك فى نقاط اعرفها واوضح جزء معين اى واحد بيقوم باستيراد سيارات من الصين فى بدايتها مش بيون فى سرعة وبتالى بيتاخر فى وصول السيارة ودائما اول شحنة بتكون صغيرة جدا لبدايت التعامل مع المصنع برة واجرائات كثيرة بنوك وجمارك وغرفة تجارية وشحن وغيرة موضوع طويل ولا تنساء ان اى سيارة بردة نفص الموضوع بتاخد فترة الى ان تنتشر والناس تبداء تلاحظها |
رد: سوال الي أ/ ابونورا هام جداااا
على حد علمى والكلام ده من التوكيل و من واحد ثقة ان أبو غالى باع 15 عربية فى أول اسبوع
|
رد: سوال الي أ/ ابونورا هام جداااا
بص يا باشا سؤالك يحتوى على اكثر من سؤال فى نفس الوقت
1- مامدى مصداقية بيع اول دفعة من سيارات مابل (اولاً اول دفعة مش معروف بالظبط عددها قد ايه المعلوم يقيناً ان فيه كمية بسيطة جت لغرض الافتتاح وتدريب العمالة لكن تم الاتفاق على الدفعة الاولى الاساسية بمواصفات وتحسينات اقترحها الوكيل المصرى وهى لم تصل الى الان ) ثانياً مش صعب ان الوكيل يبيع اول دفعة وده ميديكش مؤشر على حاجة مهمة اوى المهم فعلاً لما العربية تتنشتر وانت بنفسك تشوفها وترضى عن مستوى تصميمها وخامتها وكمالياتها واحنا دورنا نعملها تست درايف وننقل للناس تفاصيلنا وراى المختصين والخبراء فيها وده لسه محصلش لحد دلوقتى 2- هل انصك تشترى العربية ديه ولا لاء للاسف مقدرش انصح حضرتك بعربية تحديداً لانى معرفش امكانيات وتفضيلات او اولويات حضرتك وطبيعة استخدامك ومالى ذلك من معلومات تساعدنى على ترشيح سيارة لحضرتك كمان مقدرش انصح حضرتك بالعربية ديه تحديداً لانى انا شخصياً مجربتهاش (قيادة) احنا شوفناها مع كل الصحفيين فى الافتتاح وكان لينا تعليقات واراء عليها بس حبينا نعرضها مع نزول العربية بشكل فعلى فى السوق ومع اختبار العربية (كافختبار قيادة test drive) وهو مالم يوفرة لنا التوكيل حتى الان |
رد: سوال الي أ/ ابونورا هام جداااا
انصحك تبعد عن اى عربية صينى الصينى دة مليان مشاكل . وعلى راى المثل(( يا بنت الحلال اشترينى ولا تركبى عربيى صينى))
مهندس /مينا عصام |
رد: سوال الي أ/ ابونورا هام جداااا
شكرا علي سرعة الرد لكل من شارك في الردود
وياذن الله سوف اخذ النصيحة وافكر اكتر في الموضوع و اية العربية المناسبة لية ......................... ........... |
رد: سوال الي أ/ ابونورا هام جداااا
اقتباس:
معلش يا أستاذ مينا مع احترامي لشخصك لكن الرأي ده بينرفزني جدا مش ممكن يكون حكمنا على بلد في حجم الصين وعلى صناعة بحجم صناعة السيارات بكل هذا القدر من السطحية ....... لأننا لازم نقيم الحاجة كويس وبعدين نحكم عليها يعني أنا مثلا من خلال تقييمي لعربية زي الاسبرانزا وبالتحديد ال 516 أقدر أقول انها عربية جيدة جدا ...... وكمان تتفوق على عربيات كوري من نفس فئتها ( ده رأيي ) |
| الساعة الآن 06:13 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017