|
العربية الرينو اللوجان الهاتش باك فين يا جدعاااااان ؟؟؟!!!!
السلام عليكم ورحمة الله و بركاته طبعا اللوجان عربية محترمة بشهادة جميع الاعضاء .. ربنا يبارك فيها لاصحابها بس السؤال اللي بيطرح نفسه دلوقتي فين اللوجان الهاتش باك في مصر ؟ انا مشفتش ولا واحدة منها بعيني انا اصلا عرفت ان في لوجان هاتش باك من موضوع لأحد الاعضاء بالصدفة و كان حاطط ليها صور و بصراحة شكلها تحفة احلي من السيدان بكتير انا اصلا مبحبش شكل السيدان بتاع اللوجان (مجرد وجهة نظر) المفروض ان الهاتش باك هي هي السيدان يعني نفس المواصفات ولا في اختلاف ؟؟ و في فرق في الموتور ولا لأ انا شايف ان سعرهم واحد طيب و قطع الغيار هي هي السيدان ولا مختلفين عشان لو هي زي السيدان يبقي موضوع انها مش منتشرة ده مش هيعمل مشكلة و ياريت لو حد عنده فكرة عن ثباتها و ممكن نلاقيها فين ولو حد شافها في الشوارع ياريت يقولنا عشان بجد عاجباني اوي ارجو الافادة من خبراء المنتدي و اسف جدا علي الاطالة اخوكم محمد |
رد: العربية الرينو اللوجان الهاتش باك فين يا جدعاااااان ؟؟؟!!!!
السيارة اللوجان سيدان هى نفس مواصفات السيارة السانديرو ( لوجان هاتشباك ) ولا يوجد اختلافات بينهما سوى فى الشكل الخارجى .
اما بالنسبة لعدم انتشارها ففى رأيي الشخصي ان ذلك يرجع الى ان اغلب المصريين يفضلوا السيارة السيدان نظرا لوجود شنطة ذات سعة تخزينية اعلى بالمقارنة بالسيارة الهاتشباك مش اكتر من كده . وفى الاخر الموضوع يرجع الى ذوقك واحتياجك من السيارة |
رد: العربية الرينو اللوجان الهاتش باك فين يا جدعاااااان ؟؟؟!!!!
موجوده ياباشا وشفتها اكتر من مره لكن طبعا السيدان اكثر انتشارا لكن فى فرق سعر لصالح السانديرو الهاف ب 72000 والفول اوبشن ب76000 واكيد موجوده ففى التوكيل واسئل عند محمد زكى او سمير ريان او عربيات
|
رد: العربية الرينو اللوجان الهاتش باك فين يا جدعاااااان ؟؟؟!!!!
رينو سانديرو هي اللوجان الهاتش باك وبدائت فعلا في الانشار وهي اغلي من اللوجان السيدان بحاجة بسيطة ولو حضرتك من الاسكندرية ممكن تروح تشوفها عند الطارق
|
رد: العربية الرينو اللوجان الهاتش باك فين يا جدعاااااان ؟؟؟!!!!
فعلا الكبير كبير و المنتدي هنا ما شاء الله بيجيب من الاخر الف الف شكر لأحلي اعضاء علي الرد السريع akerima Moh.Osama abo-gamal و اسمحولي اعتبر نفسي اخوكم طيب بما ان بقي في اهتمام منكم و رد سريع يبقي نغلس بقي و نسأل سؤال كمان:3mla: بالنسبة لاسعار قطع الغيار هي هي السانديرو واللوجان ولا هيبقي في اختلاف و ياريت بعد اذنكم لو في قائمة بأسعار قطع الغيار في التوكيل بس تبقي حديثة ؟؟ والف شكر مرة تانية السلام عليكم ورحمة الله و بركاته :fun_36_3_16[1]: :fun_36_3_16[1]: |
رد: العربية الرينو اللوجان الهاتش باك فين يا جدعاااااان ؟؟؟!!!!
اللوجان هى نفس السانديرو (اللوجان الهاتش باك بالظبط) والاختلاف بس فى الشكل الخارجى ..
لكنهم نفس الموتور (1600 cc و 8 صباب) و نفس الفتيس (مانيوال) ونفس العفشة تقريبا ونفص الصالون بالظبط .. علشان كده اغلب قطع غيارهم مشتركه .. طبعا باستثناء الحاجات المختلفة (زى الفوانيس والاكصدامات والصاج) ... وهى انتشارها قليل لانها نزلت مصر قريب ولانها هاتش باك واغلب الناس بتفضل السيدان عنها وخصوصا انها اغلى من السيدان ... |
رد: العربية الرينو اللوجان الهاتش باك فين يا جدعاااااان ؟؟؟!!!!
كلام الناس اللي زي الفل دا ها اضيف عليه انا ما بقتش بشوف غير السانديرو اليومين دول .. هي اجمل في الشكل اغلي في السعر
كمان في خبر انها هاينزل منها اوتوماتك 16 صباب 105 حصان اللي بيسموها ستب واى stepway بس اللي نقلوا الاخبار قالوا انها ها تنزل في معرض فورميلا الاهرام شهر يناير و عليكم خير ROSE4U |
| الساعة الآن 05:47 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017