العربية سخنت وطلعت دخان ......
 

السلام عليكم
يا ريت تقروا للاخر

امبارح مشيت في طريق كله اشارت ومطبات واقف واطلع واهدي لمطب وامشي تاتي المهم وانا داخل علي اشاره العربيه سخنت والحراره جات علي الاحمر وبطلت
وطلعت دخان من تحت الكبوت
وفتحته لقيتها الدخان من حوالين الموتور تقريبا

الحكايه كالاتي

سيارتي ليجانزا 2002
من اول ما اشترتها ومية الردياتير بتنقص لكن الحراره ثابته ودايما تحت النص رحت لبتاع الردياتير قاللي مفهاش حاجه ادام ما بتسخنش خلاص
بس الميه بتغلي في القربه بس

وعندي تسريب بسيط لزيت الموتور والفتيس

المهم كنت بزودها ميه كل يومين بعد كده كل اسبوع او لما افتكر مش اهمل بس ما بيجيش في بالي
انا بنزل ادور وامشي

المشكله حصلت ثلاث مرات


1_من فتره كده وانا بركن الموتور سقف وكركر والعربيه بطلت وشميت ريحة شياط
رحت جبت جركن زيت موتور وصبيته عالموتور
وزودت شوية ميه
ومشت تمام


2_وانا طالع مطلع العربيه صوتها علا شويه وكركرت وبطلت والحراره زادت لكن مجتش علي الاحمر
استنيت 10 دقايق و زودت شوية ميه وهي دايره وكان تقريبا مفيش ميه خالص
المهم تمام

3_جيت بقي امبارح
مشيت كتير وطريق كله مطبات واشارات وكنت شامم ريحة شياط بسيطه والامبير يعلي عن النص وينزل تاني
وفي الاخر عند اشاره العربيه صوتها علا والحراره جات علي الاحمر وطلعت دخان من تحت الموتور
المهم استنيت لما هدت
ودورتها وملقتش فيها نقطة ميه
حطيت ميه وسمعت صوت طرقعه كده بسيط زي ما يكون بلاستيك بيطبق قلت ممكن صوت القربه
رجعت طبيعيه

المهم روحت وسيبتها للصبح وجيت اليوم حطيت ميه لحد فم القربه
ولحد دلوقتي شغاله تمام

انا لاحظت في الكام مره
ان مشكلة العربيه والحراره لما اعلي العزم يعني مطلع او مطب واهدي واطلع عالتالت او التاني
او لما اقف في اشارات كتير


انا عارف توهتكم لكن عندي كم استفسار



1_من اول ما اشتريت العربيه اما اشغلها امبير الحراره دائما بين الربع والنصف
هل ده الطبيعي علما انها دايما طبيعيه بس يوجد غليان في قربة الميه باستمرار
وكل اللي استعملوا الليجانزا قالولي كده

2- انا كنت بزود الميه في القربه لحد ربعها او نصها والعربيه مبطله وبارده كده
يعني كنت بحط كوباية مثلا
هل ده غلط
لاني اليوم زودتها لطبتها وهي واقفه
ولاحظت ان الميه اتسحبت لحد النص والعربيه مبطله لسه
بعدين زودتها تاني لطبتها ودورت
مع الدواره الميه خرجت شويه بره القربه وبعدين اتشفطت وفضلت في مستوي فوق نص القربه تقريبا

وقعدت احرق علي السلانسيه بتاع 5 دقايق والعربيه حرارتها تمام

3_مشيت كتير بالليل والحراره كانت تحت الربع وبتعلي بسيط لبين الربع والنص في الطبيعي
بتعلي وتنزل حسب سرعة دوران المحرك والحرق والسرعه وكده
بس طبيعيه بس قلت افتح الكبوت شميت ريحة شياط خفيفه او بواقي ريحه كده
بس قلت يمكن ريحة من امبارح او انا واهم نفسي
مش عارف بقي هل فيه حاجه في الموتور ولا ايه

4_وده الاهم المروحه

انا من ساعة ما خرجت لحد ما رجعت المروحه ما اشتغلتش خالص برده الصبح وانا بحرق علي الواقف ما اشتغلتش بس امبارح لما العربيه كانت شايطه كانت شغاله
هو الجو صراحه تلج بس الحراره بين الربع والنص والميه موجوده
فهل الطبيعي ان المروحه تبقي مبطله وامتي تشتغل
وهل كده طبييعيه ولا معلقه ولا ايه


معلش توهتكم بس يا ريت حد يشرحلي حالة السياره كده
وهل الدخان كده والشياط سبب ضرر لقدر الله في الموتور

معلومات عالماشي
شغلتها وانا فاتح غطاء القربه مفيش بقلله
مية القربه نظيفه مش طحينه ولا كده
مفيش دخان من الشكمان
وزيت الموتور مش طحينه برده

علما اني مشيت بيها عادي اليوم وزودتها ميه لحد اخر القربه
وزودتها ميه وهي دايره ومفيش بقلله ولا حاجه
بس الميه بتفور وتطلع بره بعد كد بتتشفط عادي


والحراره كانت رايحه وجايه بين تحت وفوق الربع
هل المشكله بسبب الميه بس ولا ايه

وانا انا ما كنتش بزودها كويس
وهل عادي ازودها لحد الاخر
كمان المروحه


جزاكم الله خير

رد: العربية سخنت وطلعت دخان ......
 

اولا لازم تزود المياه والعربيه دايرة تانى حاجه المفروض ان مؤشر العربيه الليجانزا بيكون تخت النص بشرطه ولا تزيد ولا تقل غير فى الصبح بتكون مدورالعربيه طبعا بتكون بارده وترتفع لحد النص الا شرطه وتفضل كده على طول انا عايزك تشيك او ياريت نغير سنسور الحراره لانه كده معناه انه بايظ وده اللى بيخلى المياه بتوصل لدرجه الغليان فى الاربه والحراره عندك مش على الاحمر او طبيعيه وان شاء الله يكون ده السبب وكمان المفروض ان فى سخانات بتشتغل وتخلى درجه حرارة السياره فى الجو البارد تحت الشرطه اللى فى النص وده لمل بيبوظ او يتلغى بسبب افتكاسات الميكانيكيا لانه لما بيبوظ بيقولولك مالوش لزمه ده معمول للدول الاوروبيه اللى عندهم تلج وده اللى بيخلى السبب انك لما بتمشى بسرعه على طول درجه الحراره بتنزل وتوصل للربع . يارب اكون افدتك على قد معلوماتى:Bravo:

رد: العربية سخنت وطلعت دخان ......
 

طيب بالنسبه لموضوع الدخان ده كان ايه وايه الضرر اللي ممكن يكون عمله

والمروحه بتشتغل امتي؟


ومعلش مش فاهم اخر سطر

رد: العربية سخنت وطلعت دخان ......
 

طب الدخان ده كان ايه سببه
وايه الضرر اللي ممكن يكون سيببه

كمان المروحه بتشتغل امتي

ومعلش مش فاهم اخر سطر

رد: العربية سخنت وطلعت دخان ......
 

يا شباب :08da300846c84943ae1:08da 300846c84943ae1:08da30084 6c84943ae1

رد: العربية سخنت وطلعت دخان ......
 

روميو باشا صباح الفل
الدخان ده لو دخان فعلا(نتيجة احتراق) يبقى مش هاقدر افيدك لانى مش خبير للدرجة دى
انما لو بخار وده بيبقى اخف من الدخان طبعا ولونه ابيض ناصع يبقى ده نتيجة تبخر المياه اللى حضرتك بتقول بتغلى فى القربة
انا هاخلينى معاك فى نقطتين (نتيجه تجربتى) ممكن جدا يكون الدخان اللى هو بخار ماء فقط نتيجة تسريب المياه المغلية الخارجه من اى جزء من اجزاء دورة الرادياتير(القربة-الرادياتير-الغطاء-الوصلات) المفروض لو الدورة محكمة يبقى مهما زادت درجة حرارة المياه وضغطها ارتفع مايحصلش اى نوع من انواع (البخر) الخار النتج عن غليان المياه فى دورة التبريد
وعلى حسب كلام حضرتك المتكرر عن نقص المياه او تبخرها تمام يبقى كده فى احتمال كبير بوجود تسريب فى الرادياتير او خرم او وصلة مش محكمة الربط وممكن جدا يكون فى خرم صغير جدا جدا مابينقطش لكن بيخرج المياه فى صورة بخار مش لحوظ حتى ومع الوقت والغليان طبعا الرادياتير بيفضى من المياه وبالتالى الموتور بيسخن جدا للدرجة اللى حضرتك بتلاحظها يستحسن تشوف موضوع التسريب ده عند متخصص
النقطة التانية بتاعة المروحة زى ما الاخ الفاضل ehab62 قال فى سينسور حراره (تيرموستات) له درجات بيشغل عندها المروحة وبيفصلها مثلا لو السينيور ده درجاته ما بين 90 و80 يبقى لما الحرارة توصل 90 المروحة هاتشتغل ولما الحرارة تنزل 80 المروحة هاتفصل وترجع تشتغل عند 90 تانى وهكذا
ومعدل الشرطة اللى اعرفة انها تساوى 10 درجات يعنى الشرطة اللى قبل النص(اللى هو 90) بيكون 80 واللى قبلها 70 واللى قبلها 60 (ده عندى مثلا)
لو التيرموستات عندك 90/80 يبقى الحرارة مش هاتزيد عن 90 ومش هاتقل عن 80 والعربية دايرة طبعا ولو 80/70 يبقى المروحة هاتشتغل مابين معدل الحرارة فى الرقمين دول
من المهم تتأكد ان فيشة المروحة متوصلة كويس لانها ببساطة ممكن تكون بتعلق يعنى ممكن تشتغل او ماتشتغلش واتأكد برضه من التيرموستات انه شغال وحاول تعرف مقاسة عالى 90/80 ولا واطى80/70 ؟؟؟؟
لان التيرموستات والفيشة(توصيلات المروحة) هم المسؤلين عن تشغيل وفصل عمل المروحة اللى هى عامل اساسى فى التبريد الى جانب احكام دورة الميه بدئأ من القربة وحتى دخولها الموتور والخروج منه مره تانية
اسف على الاطاله لكن خد بالك من الحرارة كويس لانها تعتبير بمثابة روح الموتور
وطالما مافيش طحينة فى الزيت او الميه يبقى ان شاء الموتور تمام لكن المشكلة فى دور التبريد بصفة عامة وده اللى بيؤدى للسخونة غالبا
اتمنى اكون وضحت لحضرتك بعض الامور
ودعواتى بدرج حرارة مثالية:soccer_372:

رد: العربية سخنت وطلعت دخان ......
 

الف شكر يا استاذ ايمن

طب السؤال

هو عادي ان امبير الحراره وانت ماشي تلاقيه قل عن الربع ويطلع عن الربع عادي بس في المعدل الطبيعي
ولا لازم يكون ثابت طول الطريق