|
جوان وش السلندر بيجيب زيت و محتاج ميكانيكى مجرب من المشرفين او الاعضاء يعملهولى
السلام عليكم و رحمه الله و بركاته
معايا سوبارو امبريبزا 1998 هقول السيناريو بتاعها من اول ما اشتريتها حتى الان... انا اشتريتها من حوالى سنتين و كانت زى الفل و السحب زى الفل و السرعات العاليه زى الفل و بعد سنه من الشراء نسيت اغير سير الكاتينه .قام عاوجلى صبابين و طبعا الميكانيكى غير لى جوان وش السلندر و طبعا اشتريت سير الكاتينه و ركبو ...المهم بعد الموضوع دا العربيه ادورها الصبح الاقيها بتبرجل و لما تسخن و امشى بيها مشوار الار بى ام يظبط و سحب العربيه بقى ضعيف و العربيه مبقتش تجيب سرعات عاليه زى الاول خالص اخرها 140 و مهما ادوس مفيش.....بعد كدا الريداتير اتخرم و العربيه سخنت و الجوا نفخ تانى و جاب زيت و عملته عند نفس الميكانيكى ....و الوضع الحالى الجوان ضرب تالت و بيجيب زيت و عاوز ميكانيكى استاذ يعملهولى و عاوز نصائحكم يا خبراء اعمل ايه و اروح لمين |
رد: جوان وش السلندر بيجيب زيت و محتاج ميكانيكى مجرب من المشرفين او الاعضاء يعملهولى
هقولك رأيي في الموضوع دا
انا بعتبر موتور العربيه مقسوم اتنين نص فوق و نص تحت النص اللي فوق مسئول عن ظبطه العربيه و النص اللي تحت مسئول عن عزم و تسارع العربيه المشكله دلوقتي عندك في الاتنين الضبطه و كمان السحب يعني عندك مشكله فوق و مشكله تحت المشكله اللي فوق حلها هو انك تفك وش السلندر و تشوف لو ينفع يبقي تغير صبابات و كاوتش صباب(مهم جدا) و تعمل روديه و دليل في المخرطه و بكده اتأكد ان العربيه هتظبط تاني بأذن الله اما مشكله السحب و دا لها كذا حاجه ممكن يكون الجوان اللي انت ركبته اعرض بكتير من الاصلي و دا عمل فرق في غرف الاحتراق و قلل نسبه الانضغاط بتاع الموتور فبالتالي سحب العربيه بقي اقل او ممكن الاسطوانه قربت علي نهايتها عموما انت يلزمك ميكانيكي محترم و فاهم و بعدين لما يفك وش السلندر و يعمل فيه اللي قولتهولك يبص علي الشنابر و الشمايز ولو سليمه يبقي تجيب جوان اويجنال و تركبه و تنضف الردياتير و تركب كل حاجه علي اصلها و هتلاقي العربيه بأذن الله اتظبطط معاك |
رد: جوان وش السلندر بيجيب زيت و محتاج ميكانيكى مجرب من المشرفين او الاعضاء يعملهولى
و برضه متنساش يتكشف على الوش نفسه ليكون قفع
|
رد: جوان وش السلندر بيجيب زيت و محتاج ميكانيكى مجرب من المشرفين او الاعضاء يعملهولى
ماهو لما يروح المخرطه يا احمد بيه هيبان كل حاجه
مشكله السوبارو فعلا ان مافيش حد فاهم فيها لانها مش متداوله و في الحاله دي عاوز صنايعي صح و فاهم ميكانيكا |
رد: جوان وش السلندر بيجيب زيت و محتاج ميكانيكى مجرب من المشرفين او الاعضاء يعملهولى
خد نمرةالميكانيكى ده فاهم وعنده ضمير اسمه اسحاق 01006520705
|
رد: جوان وش السلندر بيجيب زيت و محتاج ميكانيكى مجرب من المشرفين او الاعضاء يعملهولى
خد نمرةالميكانيكى ده فاهم وعنده ضمير اسمه اسحاق 01006520705
|
رد: جوان وش السلندر بيجيب زيت و محتاج ميكانيكى مجرب من المشرفين او الاعضاء يعملهولى
السلام عليكم
اخي العزيز دي اول مشاركه ليا في المنتدى وكنت قبل ما اسجل في المنتدى عندي مشكله حيرتني ولفيت على كام ميكانيكي لحد معرفت انها شغلة بتاع عفشه وعرفت عنوان واحد من المنتدى بتاع عفشه ورحتلو وطلع الحمد الله محترم وفاهم شغلو صح وبالتالي اتمنى اني كم استفدت اقدر افيد اخواني في ميكانيكي بتعمل معاه في القاهرة محترم جدا وفاهم كويس ومعاه صنايعيه شاطرين قوي عنوانو شارع محمد شكري او(السوق ) متفرع من ش جسر السويس امام سنترال مصر الجديدة بس نصيحه اذا رحتلو تبدر شويه هما بيشتغلو من 10 صباحا ل7 مساءا اسمو الاوسطى فتحي هو كبير في السن بس ماشاء الله نشيط ومعاه 4صنايعيه تمام |
| الساعة الآن 08:57 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017