سيارات المعاقيين ( سؤال ) ارجو الرد
 

هو ايه الأنواع اللي ممكن تنزل معوقين يعني ينفع انزل مثلا بي ام معوقين او مرسيدس معوقين ولا لازم انواع معينة ارجو من الناس اللي تعرف يجاوبوني

رد: سيارات المعاقيين ( سؤال ) ارجو الرد
 

اي نوع ياباشا ونصيحه مني بلاش والله عن تجربه عندنا عربيه معوقين خلتنا احنا فكريا معوقين ومش هتوفر 5 بواكي حتي من الاخر نصبايه من بلد هم .. خاصه لو انت جبت عربيه نضيفه عايز توفر روح خاتلك عربيه لانوس لكن هتجيب نضيف مش هتوفر اكتر من 5 الاف بالكتيررررر اوي

رد: سيارات المعاقيين ( سؤال ) ارجو الرد
 

ممكن تجيب اى عربية من برة ولكن اهم شئ ان يكون الماتور اقل من 1600 سى سى وتكون مش جديدة يعنى 3 سنين قدم. واى عربية ممكن يركب لها الجهاز للمعوقين...

رد: سيارات المعاقيين ( سؤال ) ارجو الرد
 

الله يخليكم بس هو سعر الجمارك طيب يفرق من نوع لنوع ولا ثابت

رد: سيارات المعاقيين ( سؤال ) ارجو الرد
 

أنت ليك نسبة إعفاء قدرها 20 الف جنية تقريبا من ثمن العربية مهما كان نوعها أو بلد إستيرادها طالما لم تتجاوز 1600 سى سى وسنة الصنع.

رد: سيارات المعاقيين ( سؤال ) ارجو الرد
 

بسم الله الرحمن الرحيم
يا باشا انت ليك عربية لا تزيد عن 4 سلندر ولا تكون اعلى من 1600 سى سى
ايا كان نوعها او بلد منشأها
ولك تخفيض جمركى 20 الف جنيه
وعلشان تستفيد من التخفيض صح بتشترى عربية اقدم من سنوات
بمعنى انت حصلت على الموافقة فى 2012 مثلا وعاوز تشترى العربية
يبقى تسيب موديلات 2012 و2011 و2010 و2009 و2008
وتجيب موديل 2007
والسبب انك بتاخد خصم 10% عن كل سنة بحد اقصى 5 سنوات
يبقى تاخد 50% تخفيض جمركى + ال 20 الف جنيه
مثال
الكورولا جمركها تقريبا 76000 جنيه
تاخد عن الموديل 10% تخفيض عن كل سنة بحد اقصى 5 سنوات
يبقى زى ما قلنا لو اخدت الموافقة فى 2012 وهتجيب 2007 او ما قبلها ايا كان تاريخ الصنع
يعنى 5 سنوات = 5 * 10% = 50%
يعنى 38000 جنيه
يبقى فاضل عليك 38000 جنيه
وتاخد عليهم 20000 جنيه اعفاء
يبقى فاضل 18000 جنيه
ده مثال على جمرك الكورولا
والباقى بالمثل مع اختلاف الضريبة وشوية مصروفات نثرية معنديش عنها فكرة
ودى المعلومات المتاحة عندى
والله اعلى واعلم

رد: سيارات المعاقيين ( سؤال ) ارجو الرد
 

الف شكر يا باشا على المعلومات دي انا فعلا بفكر اجيب مرسيدس اي كلاس
1600 سي سي موديل 2005 سعرها هنا في المانيا بالمصري بتاع 100 الف فعشان كدة كنت بسال